Connect with us

កីឡា

គ្រូវៀតណាមចាត់ទុក​ក្រុម​ថៃដូចក្រុមផ្សេងៗនៅអាស៊ានដែរ

បានផុស

នៅ

ក្រុមបាល់ទាត់ជម្រើសជាតិវៀតណាមត្រូវជួបក្រុមជម្រើសជាតិថៃក្នុងវគ្គពាក់កណ្តាលផ្តាច់ព្រ័ត្រ (១/២) ពានរង្វាន់ AFF Cup ឆ្នាំ២០២០ នៅថ្ងៃទី២៣ ខាងមុខនេះ បន្ទាប់ពីបញ្ចប់វគ្គសន្សំពិន្ទុក្នុងពូលជាមួយនឹងជ័យជម្នះលើក្រុមកម្ពុជាដោយលទ្ធផល ៤-០ កាលពីយប់មិញ។

ការ​ប្រកួត​ជា​មួយ​ក្រុម​ជម្រើស​ជាតិ​កម្ពុជា​កាល​ពី​យប់​មិញ វៀតណាម ហាក់​មិន​សូវ​សប្បាយ​ចិត្ត​ប៉ុន្មាន​ឡើយ​ដោយ​សារ​មិន​អាច​ស៊ុត​គ្រាប់​បាល់​បាន​ច្រើន​តាម​ការ​ចង់​បាន។ វៀតណាម ត្រូវការ​គ្រាប់​បាល់ច្រើន​​លើ​កម្ពុជា​ដើម្បី​​អាច​ឈរ​លេខ​១​ក្នុង​ពូល ប៉ុន្តែ​កម្ពុជា​ដែល​សំបូរ​កីឡាករ​វ័យ​ក្មេង​ការពារ​បាន​ល្អ និង​​គ្រប់​គ្រង​បាល់​ក៏​បាន​ច្រើន​ដែល​មិន​បណ្តោយ​ឲ្យ​វៀតណាម​បង្ក​ព្យុះ​​ភ្លៀង​តាម​អំពើ​ចិត្ត​ឡើយ។

ឆ្លងកាត់៤ប្រកួត វៀតណាម ឈ្នះទាំង៤ និងមិនត្រូវបានដៃគូស៊ុតចូលសូម្បីមួយគ្រាប់ឡើយ ប៉ុន្តែឈរលេខ២ក្នុងពូល B ដោយស៊ុតដៃគូបាន៩គ្រាប់ ខណៈឥណ្ឌូណេស៊ីឈរលេខ១ដោយសារស៊ុតបាន១៣គ្រាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះវៀតណាមត្រូវជួបនឹងក្រុមខ្លាំងថៃដែលឈរលេខ១ក្នុងពូល A បន្ទាប់ពី៤ប្រកួតទទួលបានជ័យជម្នះទាំងអស់ និងត្រូវដៃគូស៊ុតចូល១គ្រាប់។

សម្រាប់ការជួបថៃវគ្គពាក់កណ្តាលផ្តាច់ព្រ័ត្រ គ្រូបង្វឹកជនជាតិកូរ៉េលោក Park Hang-seo បានចាត់ទុកក្រុមថៃមានសមត្ថភាពប្រហាក់ប្រហែលគ្នានឹងក្រុមអាស៊ានផ្សេងៗទៀត។

«ថៃជាក្រុមខ្លាំងមួយ តែខ្ញុំគិតថា នៅ​អាស៊ាន​ លេងជាមួយថៃ ឬក្រុមផ្សេងមិនខុសគ្នាទេ។ វៀតណាមនឹងប្រឹងអស់ពីសមត្ថភាពដើម្បីទទួលបានលទ្ធផលល្អនៅវគ្គពាក់កណ្តាលផ្តាច់ព្រ័ត្រ។ ឥឡូវនេះ យើងត្រូវការនិយាយអំពីអាហារូបត្ថម្ភ។ យើងត្រូវតែបរិភោគអាហារដែលត្រូវរៀបចំ។ នោះជាបញ្ហានៅក្នុងព្រឹត្តិការណ៍ប្រកួតនេះ។ សហព័ន្ធកីឡាបាល់ទាត់វៀតណាមបានព្យាយាមឧបត្ថម្ភដល់ពួកយើង តែនោះមិនទាន់គ្រប់គ្រាន់ទេ»។

ចាប់តាំងពីលោក Park បានក្លាយជាគ្រូបង្វឹកបង្គោលតាំងពីឆ្នាំ២០១៧មក វៀតណាមមិនដែលចាញ់ថៃដោះ។ ជួបគ្នា៤លើកគឺវៀតណាមឈ្នះ១ និងស្មើគ្នា៣ដង៕

ប្រែសម្រួល៖ វីរបុត្រ
ប្រភព៖ e.vnexpress

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១២ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម