កីឡា

គ្រូបង្វឹកព្រះខ័នរាជស្វាយរៀងចុចឈ្មោះកីឡាករទ័ពដែលគ្រោះថ្នាក់ក្នុងជំនួបល្ងាចនេះ

បានផុស

២ years មុន

នៅ

ថ្ងៃសៅរ៍ ១៦ កក្កដា ២០២២

ដោយ

គ្រូបង្វឹកព្រះខ័នរាជស្វាយរៀងបានមើលឃើញកីឡាកររបស់ Tiffy Army FC ជាច្រើននាក់ដែលគ្រោះថ្នាក់មុនពេលកូនក្រុមរបស់លោកបើកទ្វារកីឡដ្ឋានរបស់ខ្លួនទទួលស្វាគមន៍ភ្ញៀវពីរាជធានីភ្នំពេញ ក្នុងសប្តាហ៍ទី១១ ជម្រើសជើងឯកខេមបូឌានព្រីមៀរលីគ វេលាម៉ោង៦:៣០នាទីល្ងាច ថ្ងៃសៅរ៍ ទី១៦ ខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Conor Nester គ្រូបង្វឹកព្រះខ័នរាជស្វាយរៀង និងក្រុមការងារបានតាមដានយ៉ាងយកចិត្តទុកដាក់ចំពោះទម្រង់លេងរបស់ Tiffy Army ហើយក្រុមរបស់លោកបានទៅមើលផ្ទាល់នៅកីឡដ្ឋាន RSN នៅពេលប្រកួតជាមួយភ្នំពេញក្រោនកាលពីសប្តាហ៍មុន។

លោក Conor Nester បានឲ្យដឹងថា ៖«បើយើងមើលរបៀបលេងវគ្គទី២ទល់នឹងភ្នំពេញក្រោន យើងឃើញថា ការលេងរបស់ទ័ពគ្រោះថ្នាក់ ហើយពួកគេនឹងមានលទ្ធផលល្អរាល់ពេលប្រកួតជាមួយក្រុមផ្សេងទៀតនៅលីគ។ ដូច្នេះយើងខ្ញុំដឹងថា យើងត្រូវតែប្រុងប្រយ័ត្នកម្រិតខ្ពស់មែនមែន»។

«ពួកគេមើលទៅដូចជាបោះបាល់ពីក្រោយខ្នងខ្សែការពារដើម្បីផ្តល់ទៅកីឡាករ Takumu។ ចំណុចនេះគ្រោះថ្នាក់ណាស់។ មិនមែនតែកីឡាករជប៉ុនម្នាក់នេះទេដែលគ្រោះថ្នាក់ ប៉ុន្តែកីឡាករជាច្រើនទៀតក៏អាចរកគ្រាប់បាល់បានដែរនៅក្នុងតំបន់ផ្សេងៗគ្នាដូចជា ឡុង ម៉េងហាវ និង Reiya Kinoshita។ ឥឡូវនេះ ណារ៉ុង កក្កដា មិនបានលេងច្រើនទេ។ សម្រាប់ខ្ញុំ កីឡាករម្នាក់នេះជាកីឡាករពូលម្នាក់សម្រាប់ការប្រកួតនេះ។ បើនិយាយពីតំបន់ការពារវិញ ពួកគេក៏កាន់តែរឹងមាំ»។

គិតត្រឹមសប្តាហ៍ទី១០ ព្រះខ័នរាជស្វាយរៀង មាន២៨ពិន្ទុ កំពុងឈរលើកំពូលតារាងលីគ ក្រោយឈ្នះ៩ និងស្មើ១ ខណៈ Tiffy Army FC មាន៩ពិន្ទុ កំពុងឈរលេខ៧ បន្ទាប់ពីឈ្នះ២ ស្មើ៣ និងចាញ់៥៕

អត្ថបទ៖ វីរបុត្រ