Premier League មិនផ្អាកការប្រកួតទៀតឡើយ ខណៈអ្នកគាំទ្រត្រូវការសង្គ្រោះបន្ទាន់ពេលកំពុងប្រកួត

ក្នុង​រយៈពេល​ប៉ុន្មាន​ឆ្នាំ​ចុង​ក្រោយនេះ លី​គ​កំពូល​អង់គ្លេស (Premier League) ត្រូវបានដឹងថា បានផ្អាកការប្រកួតជាបណ្ដោះអាសន្នភ្លាមៗ បន្ទាប់ពីមានអ្នកគាំទ្រត្រូវការការសង្គ្រោះបន្ទាន់ ប៉ុន្តែវានឹងមានការផ្លាស់ប្តូរនៅក្នុងរដូវកាលនេះ។​

Premier League ត្រូវបាន​កំណត់​ដើម្បី​ណែនាំ​ច្បាប់​ថ្មី​មួយចំនួន​នៅ​រដូវ​កាល​នេះ – រួមទាំង​ការផ្លាស់ប្ដូរ​កីឡាករ​ ៥ ​នាក់ ការផ្លាស់ប្តូរ​ច្បាប់ offside ជាដើម​។ អ្វីដែល​អាចមាន​ឥទ្ធិពល​ខ្លាំង​ជាង​អ្វី​ទាំងអស់នោះ​គឺថា ​ការប្រកួត​នឹង​លែង​ត្រូវបាន​បញ្ឈប់​ទៀតហើយ ​សម្រាប់​ការសង្គ្រោះ​បន្ទាន់​ផ្នែក​វេជ្ជសាស្ត្រ ​នៅក្នុង​ខណៈពេល​អ្នកគាំទ្រ​មាន​បញ្ហា​។ គ្រប់​កីឡដ្ឋាន​ទាំងអស់​មាន​វេជ្ជបណ្ឌិត​នៅនឹងកន្លែង ដើម្បី​ប្រតិកម្ម​ចំពោះ​ឧប្បត្តិហេតុ​ណាមួយ ប្រសិនបើ​កើតឡើង​នៅក្រៅ​ទីលាន​។ នោះ​រាប់បញ្ចូល​ទាំង​អ្នកគាំទ្រ​ដែល​ធ្លាក់ខ្លួន​ឈឺ ឬ​បញ្ហា​សុខភាព​ផ្សេងទៀត​ដែល​អាច​កើតឡើង ខណៈពេលដែល​វា​តែងតែ​កើតមាន​ក្នុង​លី​គ​អស់​រយៈពេល​ជាច្រើន​ឆ្នាំ​។

​ក្នុង​រយៈពេល​ប៉ុន្មាន​ឆ្នាំ​ចុង​ក្រោយនេះ មានការ​កើនឡើង​នៅ Premier League ឈានទៅដល់​ការផ្អាក បន្ទាប់ពី​អ្នកគាំទ្រ​មាន​បញ្ហា​សុខភាព​នៅ​កន្លែង​អង្គុយ ជួនកាល​សូម្បីតែ​កីឡាករ​ក៏បាន​ចង្អុលបង្ហាញ​ឧប្បត្តិ​ហេតុនេះ​ទៅកាន់​អាជ្ញាកណ្តាល​។ ជារឿយៗ​វា​នាំឱ្យ​កីឡាករ​ចេញ​ក្រៅ​ទីលាន និង​ការពន្យារពេល​យូរ​ក្នុង​ការប្រកួត​។ នោះ​ក៏​ព្រោះតែ​សូម្បីតែ​ក្រុមគ្រូពេទ្យ​ផ្ទាល់​របស់​ក្រុម​នីមួយៗ​ដែល​កំពុង​ប្រកួត​នោះ​ក៏​ចុះទៅ​ជួយ​អ្នកគាំទ្រ ព្រមទាំង​គ្រូពេទ្យ​ប្រចាំការ​ផងដែរ​។ ទោះជា​យ៉ាងណាក៏ដោយ វា​ត្រូវបាន​កំណត់ថា​នឹងត្រូវ​ផ្លាស់ប្តូរ​នៅ​ឆ្នាំក្រោយ​។​

​កីឡាករ​ទាំងអស់​ត្រូវ​បាន​ជូនដំណឹង​ថា ​ពួកគេ​មិនគួរ​ឈប់​ប្រកួត​ឡើយ ហើយ​បន្តមិន​ថា​តើ​មានការ​សង្គ្រោះបន្ទាន់​ផ្នែក​វេជ្ជសាស្ត្រ​នៅ​កន្លែង ឬក៏​អត់​នោះទេ​៕

​ប្រភព​៖ dailystar.co.uk

​អត្ថបទ​៖ មន្នី​រ័ត្ន​

​