កីឡា

គ្រូម៉ាឡេស៊ី ថា កម្ពុជាជាដៃគូដ៏ល្អសម្រាប់ការត្រៀមខ្លួនប្រកួត AFF Cup

បានផុស

៤ years មុន

នៅ

ថ្ងៃអង្គារ ១ វិច្ឆិកា ២០២២

ដោយ

ក្រុមបាល់ទាត់ជម្រើសជាតិម៉ាឡេស៊ី បានជ្រើសយកក្រុមបាល់ទាត់ជម្រើសជាតិកម្ពុជាសម្រាប់ការប្រកួតមិត្តភាពអន្តរជាតិថ្ងៃទី៩ ខែធ្នូ នៅទឹកដីរបស់ម៉ាឡេស៊ី ដើម្បីត្រៀមខ្លួនប្រកួតជើងឯកអាស៊ីអាគ្នេយ៍ (AFF Cup) ចុងខែធ្នូនេះ។

សម្រាប់ការជ្រើសរើសយកការប្រកួតជាមួយកម្ពុជានេះត្រូវបានគ្រូបង្វឹកក្រុមបាល់ទាត់ជម្រើសជាតិម៉ាឡេស៊ីចាត់ទុកជាដៃគ៏ល្អសម្រាប់ការត្រៀមខ្លួន ថ្វីបើក្រុមកម្ពុជាមានកម្រិតចំណាត់ថ្នាក់ FIFA ទាបជាងខ្លួនក៏ដោយ។

បច្ចុប្បន្ននេះ ក្រុមជម្រើសជាតិម៉ាឡេស៊ីស្ថិតនៅចំណាត់ថ្នាក់ពិភពលោក FIFA លេខ១៤៦ ប្រៀបធៀបនឹងក្រុមកម្ពុជាលេខ១៧៧។ លោកគ្រូបង្វឹកសញ្ជាតិកូរ៉េ Kim Pan Gon និយាយថា ការប្រកួតជាមួយកម្ពុជា នឹងផ្តល់ឲ្យកូនក្រុមរបស់លោកត្រៀមខ្លួនបានល្អ និងត្រឹមត្រូវ។

លោក Pan Gon បាននិយាយថា ៖«យើងបានប្រកួតជាមួយថៃ និងហ្វីលីពីនរួចហើយក្នុងឆ្នាំនេះ ដូច្នេះខ្ញុំជឿថា ក្រុមជម្រើសជាតិកម្ពុជា ដែលស្ថិតនៅពូល A ក្នុងពានរង្វាន់ AFF Cup គឺជាដៃគូដ៏ល្អសម្រាប់ការចាប់ផ្តើមយុទ្ធនាការរបស់យើង»។

«ការជ្រើសរើសដៃគូសម្រាប់ការប្រកួតមិត្តភាពគឺផ្អែកលើលក្ខខណ្ឌដែលយើងធ្វើការវាយតម្លៃដើម្បីកែលំអក្រុមរបស់យើង បន្ទាប់ពីពួកយើងបានបោះជំរំហ្វឹកហាត់»។ គ្រូបង្វឹកសញ្ជាតិកូរ៉េបាននិយាយ។

សូមបញ្ជាក់ថា ក្នុងពានរង្វាន់ AFF Cup, ជម្រើសជាតិម៉ាឡេស៊ីបើកឆាកប្រកួតជាមួយមីយ៉ាន់ម៉ា នៅថ្ងៃទី២១ ខែធ្នូ មុនពេលប៉ះជម្រើសជាតិឡាវ ថ្ងៃទី២៤ ខែធ្នូ និងបន្តប៉ះក្រុមខ្លាំង វៀតណាម នៅថ្ងៃទី២៧ ខែធ្នូ ហើយចុងក្រោយជួបសិង្ហបុរី ថ្ងៃទី៣ ខែមករា ឆ្នាំ២០២៣៕

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា