កីឡា
កីឡាករអ៊ីរ៉ង់ម្នាក់ ដែលត្រៀមប្រហារជីវិត ត្រូវប្ដូរ មកកាត់ទោសជាប់ពន្ធនាគារ ១៦ឆ្នាំវិញ
កីឡាករ Amir Nasr-Azadani ត្រូវបានគេរកឃើញថាមានពិរុទ្ធពីបទ “ចូលរួមជាសត្រូវនឹងព្រះ” ពាក់ព័ន្ធនឹងការសម្លាប់មន្ត្រីសន្តិសុខ៣នាក់ ខណៈដែលអ្នកតវ៉ា ៣នាក់ផ្សេងទៀតត្រូវបានកាត់ទោសប្រហារជីវិតនៅក្នុងការកាត់ក្តីដូចគ្នា ដែលក្រុមសិទ្ធិមនុស្សបានហៅថា ជាការអាម៉ាស់ គ្រាដែលដើមឡើយគេក៏ត្រូវបានសម្រេចឱ្យកាត់ទោសប្រហារជីវិតផងដែរ។
ប្រព័ន្ធផ្សព្វផ្សាយក្នុងស្រុកបានរាយការណ៍ថា កីឡាករបាល់ទាត់អ៊ីរ៉ង់ Amir Nasr-Azadani ត្រូវបានកាត់ទោសឱ្យជាប់ពន្ធនាគារ១៦ឆ្នាំ ពីបទចូលរួមក្នុងការតវ៉ាទូទាំងប្រទេស។
យោងតាមទីភ្នាក់ងារសារព័ត៌មាន Tasnim បានឱ្យដឹងថា បុរសវ័យ២៦ឆ្នាំរូបនេះ ត្រូវបានគេរកឃើញថាមានពិរុទ្ធពីបទ “ចូលរួមជាសត្រូវនឹងព្រះជាម្ចាស់” ពាក់ព័ន្ធនឹងការសម្លាប់មន្ត្រីសន្តិសុខ ៣នាក់នៅក្នុងទីក្រុង Isfahan កាលពីថ្ងៃទី១៦ ខែវិច្ឆិកា។
សេចក្តីរាយការណ៍ព័ត៌មានក្នុងស្រុកបានណែនាំថា ការសារភាពរបស់គេត្រូវបានបង្ខិតបង្ខំដោយសមាជិកនៃគ្រួសាររបស់គេថែមទៀត ត្រូវបានបញ្ជាឱ្យនៅស្ងៀម។ អតីតមិត្តរួមក្រុមរបស់ Nasr-Azadani ធ្លាប់បាននិយាយថា ការសម្រេចរបស់តុលាការ គឺមិនទំនងទាល់តែសោះ។ “ដោយដឹងពីចរិតរបស់ Amir គាត់នឹងទៅតវ៉ា… គាត់ និងមិត្តភ័ក្តិរបស់គាត់នឹងក្រោកឈរឡើងដើម្បីសិទ្ធិជាមូលដ្ឋាន ដើម្បីសិទ្ធិស្ត្រី ពីព្រោះគាត់ជាប្រភេទមនុស្សដែលយកចិត្តទុកដាក់ចំពោះអ្នកដទៃ ប៉ុន្តែខ្ញុំមិនឃើញគាត់ធ្វើនោះទេ។” កីឡាករ Sebastian Strandvall បាននិយាយ។
ប្រធានក្រុមរបស់ក្លិប VPS Vaasa បាននិយាយថា ខណៈពេលដែលមិត្តរបស់គេប្រហែលជាបានចូលរួមក្នុងបាតុកម្មនោះ តែខ្លួនមិនជឿថា Amir Nasr-Azadani នឹងប្រព្រឹត្តអំពើហឹង្សានោះទេ។
វាកើតឡើងបន្ទាប់ពីអ៊ីរ៉ង់បានប្រហារជីវិតបុរស ២នាក់ដែលត្រូវបានកាត់ទោសពីបទសម្លាប់អ្នកស្ម័គ្រចិត្តប៉ារ៉ាមួយរូបក្នុងអំឡុងពេលបាតុកម្ម ដែលនាំឱ្យចំនួនសរុបនៃការប្រហារជីវិតចាប់តាំងពីបាតុកម្មបានចាប់ផ្តើមនៅក្នុងខែកញ្ញា កើនដល់ ៤នាក់។
ការតវ៉ាទូទាំងប្រទេសបានផ្ទុះឡើងជុំវិញការស្លាប់នៅក្នុងការឃុំឃាំងរបស់ នាង Mahsa Amini វ័យ ២២ឆ្នាំដែលត្រូវបានចាប់ខ្លួនដោយប៉ូលីសសីលធម៌របស់ប្រទេសអ៊ីរ៉ង់ពីបទរំលោភលើសំលៀកបំពាក់ដ៏តឹងរឹងរបស់សាធារណរដ្ឋអ៊ីស្លាម។
ស្ត្រីជាច្រើនបានចូលរួមការតវ៉ា ដែលជាញឹកញាប់ដោយមិនមានការពាក់មួកហ៊ីចាបជាកាតព្វកិច្ចយោងទៅលើការស្លាប់របស់លោកស្រី Amini នោះទេ។
គួរដឹងដែរថា Nasr-Azadani លេងចុងក្រោយឱ្យក្លិប Tractor នៃលីគកំពូលអ៊ីរ៉ង់ (Persian Gulf Pro League) ប៉ុន្តែមិនបានលេងចាប់តាំងពីការបង្ហាញខ្លួនចុងក្រោយរបស់គេក្នុងខែវិច្ឆិកា ឆ្នាំ២០១៧។
ប្រភព៖ news.sky.com
អត្ថបទ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ