កីឡា
ប៉ះដៃគូល្បីមិនដែលចាញ់ ព្រំ សំណាង ប្រាប់ថា«ចង់លេងទឹកភ្លៀង»
ថ្ងៃទី២៥ ខែមីនា ចុងសប្តាហ៍នេះនៅសង្វៀនថោន កីឡាករប្រដាល់កំពុងជោគជ័យ ព្រំ សំណាង នឹងប្រកួតជាមួយកីឡាកររុស្ស៊ី Vladimir Gabov ដែលល្បីជាជើងខ្លាំងម្នាក់មិនធ្លាប់ចាញ់ ហើយរូបគេពិតជាចង់ជួបអ្នកខ្លាំងពិតប្រាកដណាស់។
ពាក់ព័ន្ធនឹងការប្រកួតនេះ ព្រំ សំណាង បាននិយាយថា ៖«ដៃគូខ្ញុំ៦០ដងមិនដែលចាញ់ ប្រហែលរបស់ពិតហើយ។ បើរបស់ពិត យើងនឹងបានលេងទឹកភ្លៀងយូរជាមួយគ្នាពុំខាន»។ យ៉ាងណារូបគេបានបន្ថែមថា ៖«ម៉ូយនៅចាំកាត់សក់ច្រើនណាស់ បើផ្តាច់បានខ្ញុំដាក់ហើយ តែយ៉ាងណា មិនហ៊ានមើលស្រាលដៃគូទេ»។
សម្រាប់ឃ្លា«លេងទឹកភ្លៀង»គឺសំដៅទៅលើការប្រកួតដែលកីឡាករប្រើកែង ហើយបណ្តាលឲ្យបែកហូរឈាមដែលពិធីករ និងអ្នកគាំទ្រប្រដាល់គុនខ្មែរនាំគ្នានិយាយលេងរហូតពេញនិយមក្នុងការប្រើប្រាស់មួយរយៈពេលចុងក្រោយនេះ។
តាមប្រវត្តិដែលបង្ហាញ Vladimir Gabov ជាកីឡាកររុស្ស៊ីអាយុ២៧ឆ្នាំ កម្ពស់១.៧៨ម៉ែត្រ និងទម្ងន់៧៨គីឡូក្រាម ដូច្នេះទាបជាង ព្រំ សំណាង ដែលមាន អាយុ៣៨ឆ្នាំ កម្ពស់១.៨៣ម៉ែត្រ និងទម្ងន់ចាប់ពី៧២គីឡូក្រាមឡើងដែរ។
ស្ថិតិឡើងសង្វៀន កីឡាកររុស្ស៊ីនេះធ្លាប់ប្រកូត៦០ដង ក្នុងនោះឈ្នះ៥៥ដង និងស្មើ៥ដង ហើយធ្លាប់ផ្តួលដៃគូឲ្យសន្លប់១៥ដង។ យ៉ាងណា កាលពីឆ្នាំ២០២០ នៅពេលរូបគេទៅប្រកួតក្នុងកម្មវិធី MLF ប្រទេសចិន បានដាក់ធ្លាប់ចាញ់៣ដង នៅពេលនោះរូបគេទើបប្រកូតបាន១២ដង ដូច្នេះប្រវត្តិប្រកួតមិនទាន់ច្បាស់១០០%នោះទេ ដោយសារពេលខ្លះរូបគេប្រកួតឃីកបុកស៊ីង ហើយពេលខ្លះប្រកួតមួយថៃ។
Vladimir Gabov ជាកីឡាករឃីកបុកស៊ីងដែលធ្លាប់ចេញប្រកួតច្រើននៅក្រៅប្រទេស។ រូបគេមានកណ្តាប់ដៃ និងទាត់ធ្ងន់ល្អ។ និយាយឲ្យចំគឺរូបគេមានជំនាញល្អវ៉ៃប្រយោលឬពីចម្ងាយ ដោយសារប្រភពដើមរបស់គេគឺជាអ្នកប្រដាល់ឃីកបុកស៊ីង ស្របពេលកីឡាករកម្ពុជាក៏ជាជម្រើសជាតិឃីកបុកស៊ីងដែរ។
ទោះបីជាយ៉ាងណា ប្រសិនបើ ព្រំ សំណាង ចូលអោបឡើងជង្គង់ និងលេងកែងគឺប្រហែលជា Vladimir Gabov ជួបការលំបាកខ្លាំង។ អ្វីដែលកីឡាកររុស្ស៊ីមានប្រៀបសម្រាប់ការប្រកួតនេះកម្លាំងស៊ុហ្វល្អ ដោយសារនៅវ័យក្មេងកំពុងពេញកម្លាំង៕
អត្ថបទ៖ វីរបុត្រ
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ