កីឡា

ពេជ្រ សឹង្ហៈ ពីរប្រកួតនេះទទួលបានតម្លៃខ្លួនរួមទាំងថវិកាលើកទឹកចិត្តច្រើនជាងគេ

បានផុស

១ year មុន

នៅ

ថ្ងៃពុធ ២៦ មីនា ២០២៥

ដោយ

កីឡាករ ពេជ្រ សឹង្ហៈ បានឲ្យដឹងពីការប្រកួតដែលទទួលបានតម្លៃខ្លួន និងប្រាក់រង្វាន់ច្រើនជាងគេនោះគឺការប្រកួតជាមួយ មហាម៉ាត់ នៅសង្វៀនថោន និងសង្វៀនហង្សមាស កាលពីពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ពេជ្រ សឹង្ហៈ

កូនសិស្សលោក ពេជ្រ សុផាន់ គឺកីឡាករ ពេជ្រ សឹង្ហៈ បានឲ្យដឹងថា បច្ចុប្បន្ននេះសង្វៀនខ្លះបានផ្តល់តម្លៃខ្លួនរហូតដល់ ៦០០ដុល្លារ។ និយាយជារួមតម្លៃខ្លួន និងទឹកប្រាក់ឧបត្ថម្ភបានកើនឡើងជាបន្តបន្ទាប់ពីមួយប្រកួតទៅមួយប្រកួត។

រម្លឹកដល់តម្លៃខ្លួន និងប្រាក់ឧបត្ថម្ភដែលរូបគេធ្លាប់បានច្រើនបំផុតនាពេលកន្លងមកនោះគឺទី១ ការប្រកួតម៉ារ៉ាតុងដណ្ដើមពានជាមួយ មហាម៉ាត់ នៅសង្វៀនថោន ដោយកាលនោះបានលេខ២ ទទួលបានថវិកាសរុប ៨លានរៀនរៀល។ ចំណែកលើកទី២ គឺប៉ះ មហាម៉ាត់ ដដែល ប៉ុន្តែជាការប្រកួតដណ្ដើមខ្សែក្រវាត់វិញម្ដងនៅសង្វៀនហង្សមាស។ ក្នុងនាមជាជើងឯករករងមែន រូបគេទទួលបានការឧបត្ថម្ភ និងបូកតម្លៃខ្លួនបានជិត ១,៦០០ដុល្លារអាមេរិក។

សឹង្ហៈ ចាត់ទុកថា នេះជាការខំប្រឹងប្រែងទាំងការហ្វឹកហាត់ និងការឡើងប្រកួតដោយធ្វើឲ្យអស់ពីសមត្ថភាពបំពេញចិត្តអ្នកគាំទ្របានសប្បាយក្នុងការទស្សនា ដូច្នេះហើយទើបខាងស្ថានីយចេះតែផ្តល់តម្លៃ និងឱកាសលេងកម្មវិធីធំ-តូចជាបន្តបន្ទាប់។

បញ្ជាក់ដែរថា ពេជ្រ សឹង្ហៈ ជាកីឡាករវ័យក្មេងមួយរូបនៅកម្ពុជា និងកំពុងមានឈ្មោះកេរ្តិ៍ឈ្មោះល្បី។ រូបគេជាប្អូនប្រុសបង្កើតរបស់ ពេជ្រ សម្បត្តិ និងជាកូនសិស្សលោក ពេជ្រ សុផាន់៕