កីឡា
រឿងសំខាន់មួយចំនួនអំពីពានរង្វាន់ Merlion Cup 2023 ដែលកម្ពុជា ចូលរួមប្រកួតនៅប្រទេសសិង្ហបុរី
នៅសល់តែ១ថ្ងៃទៀត ការប្រកួតពានរង្វាន់បាល់ទាត់បែបមិត្តភាព ឈ្មោះថា Merlion Cup 2023 ដែលធ្វើឡើងនៅប្រទេសសិង្ហបុរី នឹងចាប់ផ្ដើម។
ពានដែលមាន៤ប្រទេសចូលរួមមួយនេះហើយប្រកួតក្រោមអាយុ ២២ឆ្នាំទាំងអស់ ពោលគឺ U-22 កម្ពុជា នឹងត្រូវជួបជាមួយ U-22 ម៉ាឡេស៊ី ដែលនឹងប្រកួតនៅថ្ងៃទី២៤ ខែមីនា ស្អែកនេះវេលាម៉ោង ៤:០០នាទីរសៀល (ម៉ោងនៅកម្ពុជា)ខណៈម្ចាស់ផ្ទះ U-22 សិង្ហបុរី ប្រកួតជាមួយ U-22 ហុងកុង។ មុនការប្រកួតមកដល់ កម្ពុជាថ្មី សូមបង្ហាញនូវរឿងសំខាន់មួយចំនួនដែលអ្នកគាំទ្រគួរដឹងពីពានរង្វាន់នេះ។
១. ជាការប្រកួតត្រៀមសម្រាប់ស៊ីហ្គេមនៅកម្ពុជា សម្រាប់ប្រទេស៣៖
ការប្រកួតពានរង្វាន់ដដែលខាងលើនេះ គឺជាការប្រកួតបាល់ទាត់មិត្តភាពក៏ពិតមែន ប៉ុន្តែវាមានសារៈសំខាន់សម្រាប់ក្រុម ៣ ដែលត្រូវត្រៀមខ្លួនប្រកួតក្នុងព្រឹត្តិការណ៍ស៊ីហ្គេម លើកទី៣២ ដែលធ្វើនៅកម្ពុជា ពោលគឺសម្រាប់ទាំងកម្ពុជា ម៉ាឡេស៊ី និងសិង្ហបុរី ដ្បិតទាំង ៣ក្រុមសុទ្ធតែត្រៀមប្រកួតនាមជាសមាជិកកីឡាអាស៊ាន។
២. តើគេប្រកួតរូបមន្តបែបណាខ្លះ?
ចំពោះរូបមន្តនៃការប្រកួត នឹងបែងចែកចេញជា ២ដំណាក់កាល។ ដំណាក់កាលទី១ ក្រោយការចាប់ឆ្នោត ក្រុមទាំង ៤ត្រូវប្រកួតបើកឆាកនៅថ្ងៃសុក្រ ទី២៤ ខែមីនា ឆ្នាំ២០២៣។ ក្រុមចាញ់នៅដំណាក់កាលទី១ នឹងប្រកួតនៅក្នុងការប្រកួតដណ្ដើមយកលេខ៣ និងលេខ៤ ហើយក្រុមឈ្នះត្រូវប្រកួតវគ្គផ្តាច់ព្រ័ត្រ ដណ្ដើមជើងឯក។
៤. ទីតាំងប្រកួត៖
ពានរង្វាន់នេះនឹងប្រកួតនៅក្នុងប្រទេសសិង្ហបុរី នាកីឡដ្ឋាន Jalan Besar ដែលគេស្គាល់ថាជាកីឡដ្ឋានប្រើប្រាស់ស្មៅសិប្បនិម្មិត។
៤. ទូរទស្សន៍ផ្សាយផ្ទាល់៖
ស្ថានីយទូរទស្សន៍ BTV News នឹងទទួលសិទ្ធិផ្សាយបន្តផ្ទាល់ការប្រកួតទាំងអស់ ក្នុងពានរង្វាន់នេះ ដែលសរុបទាំងអស់មាន ៤ប្រកួត។
ដោយពាននេះជាការត្រៀមស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះនឹងចាប់ផ្ដើមពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣។ សម្រាប់ប្រភេទកីឡាបាល់ទាត់នឹងចាប់ផ្ដើមមុនពិធីបើក ៦ថ្ងៃ ដោយសារត្រូវប្រកួតយូរថ្ងៃ ពោលគឺនឹងប្រកួតពីថ្ងៃទី២៩ ខែមេសា ឆ្នាំ២០២៣៕
អត្ថបទ៖ មន្នីរ័ត្ន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)