កីឡា
ទឹកភ្នែកលាយកំហឹង ខណៈឥណ្ឌូណេស៊ី ដែលបាត់ បង់សិទ្ធិធ្វើម្ចាស់ផ្ទះ U20 World Cup ប្រឈមមុខនឹងទណ្ឌកម្ម FIFA
ប្រជាជនឥណ្ឌូណេស៊ី មានកំហឹងយ៉ាងខ្លាំងបន្ទាប់ពីការបដិសេធមិនឱ្យក្រុមជម្រើសជាតិអ៊ីស្រាអែល អាយុក្រោម២០ឆ្នាំ ចូលប្រកួតធ្វើឱ្យប្រទេសរបស់ពួកគេអស់ឱកាសធ្វើម្ចាស់ផ្ទះការប្រកួតបាល់ទាត់ពិភពលោកកម្រិតយុវជនអាយុក្រោម២០ឆ្នាំ (FIFA U20 World Cup) មួយនេះ។
កីឡាករ និងអ្នកគាំទ្របាល់ទាត់ឥណ្ឌូនេស៊ី បានបញ្ចេញប្រតិកម្មទាំងទឹកភ្នែក និងកំហឹងបន្ទាប់ពីប្រទេសនេះត្រូវបានដកហូតសិទ្ធិធ្វើជាម្ចាស់ផ្ទះសម្រាប់ការប្រកួតបាល់ទាត់ពិភពលោកអាយុក្រោម20ឆ្នាំ ខណៈនៅសល់ត្រឹមតែ ៨សប្តាហ៍មុនពេលចាប់ផ្តើមការប្រកួត ចំពេលមានភាពចលាចលនយោបាយពាក់ព័ន្ធទៅនឹងការចូលរួមរបស់អ៊ីស្រាអែល ដែលទុកឱ្យកីឡាបាល់ទាត់ឥណ្ឌូនេស៊ី ប្រឈមនឹងការដាក់ទណ្ឌកម្មបន្ថែមទៀត។
ព្រឹត្តិការណ៍បាល់ទាត់យុវជននេះត្រូវបានគេរំពឹងថា នឹងក្លាយជាការផ្លាស់ប្តូរដ៏កម្រមួយនៅលើឆាកបាល់ទាត់ពិភពលោកសម្រាប់ប្រទេសដែលមិនបានទៅ World Cup ចាប់តាំងពីទទួលបានឯករាជ្យ។ ប៉ុន្តែវាត្រូវបានលុបចោលជាផ្លូវការកាលពីថ្ងៃពុធ បន្ទាប់ពីអភិបាលតំបន់ពីរបាននិយាយថា ពួកគេនឹងមិនអនុញ្ញាតឱ្យក្រុមអ៊ីស្រាអែល លេងនៅក្នុងទឹកដីរបស់ពួកគេ។
FIFA បាននិយាយថា ប្រទេសឥណ្ឌូណេស៊ី ត្រូវបានដកចេញពីការប្រកួតដែលមាន ២៤ក្រុមចូលរួម គ្រោងនឹងចាប់ផ្តើមនៅថ្ងៃទី២០ ខែឧសភា “ដោយសារតែកាលៈទេសៈបច្ចុប្បន្ន” ដោយមិនបានបញ្ជាក់លម្អិត។
ជាមួយនឹងការកើតមានរឿងបែបនេះ នៅក្នុងជំនួបដ៏រំជួលចិត្តមួយជាមួយកីឡាករយុវជនឥណ្ឌូនេស៊ី និងគ្រូបង្វឹករបស់ពួកគេនៅទីក្រុងហ្សាកាតា កាលពីថ្ងៃព្រហស្បតិ៍ លោក Zainudin Amali អនុប្រធានសមាគមកីឡាបាល់ទាត់ជាតិបានសុំទោស។ កីឡាករខ្លះត្រូវបានគេមើលឃើញស្រក់ទឹកភ្នែក ខណៈខ្លះទៀតសម្លឹងចុះទៅក្រោមយ៉ាងក្រៀមក្រំ។
Hokky Caraka ខ្សែប្រយុទ្ធជម្រើសជាតិ U-20 ឥណ្ឌូនេស៊ី បាននិយាយថា “វាគឺជាការសម្រេចចិត្តដ៏គួរឱ្យសោកស្ដាយ ដែលបានបំផ្លាញក្តីសុបិនរបស់យើង ហើយឥឡូវនេះយើងមានការភ័ន្តច្រឡំអំពីអនាគតរបស់យើងក្នុងនាមជាកីឡាករ ប្រសិនបើ FIFA ដាក់ទណ្ឌកម្ម”។
លោក Shin Tae-yong អតីតកីឡាករបាល់ទាត់អាជីពកូរ៉េខាងត្បូង និងជាគ្រូបង្វឹកដែលកំពុងបង្វឹកក្រុមបាល់ទាត់ជម្រើសជាតិឥណ្ឌូនេស៊ី បាននិយាយថា ការបរាជ័យរបស់ឥណ្ឌូនេស៊ីក្នុងការធ្វើជាម្ចាស់ផ្ទះ U-20 World Cup គឺជាការបាត់បង់ដ៏ធំមួយ។ «ខ្ញុំឈឺចាប់! ខ្ញុំអាចមានអារម្មណ៍សោកសៅ និងការបែកបាក់ផ្លូវចិត្តរបស់កីឡាករ។ ពួកគេបានរៀបចំខ្លួនដោយមិននឿយហត់ជាមួយខ្ញុំ ក្នុងរយៈពេលបីឆ្នាំកន្លះចុងក្រោយនេះ»។ សម្ដីរបស់ លោក Shin Tae-yong។
ប្រទេសម្ចាស់ផ្ទះមានសិទ្ធិចូលលេងក្នុងការប្រកួតបាល់ទាត់ពិភពលោកដោយស្វ័យប្រវត្តិ។ ជាមួយនឹងការដកហូតសិទ្ធិធ្វើជាម្ចាស់ផ្ទះ ក្រុម U-20 របស់ឥណ្ឌូនេស៊ី អាចនឹងត្រូវបានដកចេញពីការប្រកួតនេះ។ ថាតើក្រុមរបស់ប្រទេសឥណ្ឌូណេស៊ី នឹងនៅតែទទួលបានចំណតដោយស្វ័យប្រវត្តិរបស់ម្ចាស់ផ្ទះ គឺមិនច្បាស់ភ្លាមៗពីការប្រកាសរបស់ FIFA នោះទេ។
បន្ទាប់ពីការប្រកាសរបស់ FIFA ប្រព័ន្ធផ្សព្វផ្សាយសង្គមដ៏ពេញនិយមត្រូវបានជន់លិចដោយការបញ្ចេញមតិរិះគន់ពីសំណាក់អ្នកគាំទ្រដែលបានខកចិត្ត។ មនុស្សជាច្រើនបានបន្ទោសនយោបាយមួយឆ្នាំមុនការបោះឆ្នោតប្រធានាធិបតី។ ឥណ្ឌូណេស៊ីជាប្រទេសដែលមានប្រជាជនម៉ូស្លីមច្រើនជាងគេក្នុងពិភពលោក ហើយមិនមានទំនាក់ទំនងការទូតផ្លូវការជាមួយអ៊ីស្រាអែលទេ។
ជាមួយគ្នាផងដែរ កីឡាករនៃក្រុម U-20 ឥណ្ឌូនេស៊ី បាននាំគ្នាចង់ខ្សែបូពណ៌ខ្មៅនៅដៃខាងឆ្វេងរបស់ពួកគេ ដើម្បីបង្ហាញនិមិត្តរូបនៃទុក្ខសោកចំពោះការលុបចោលការធ្វើម្ចាស់ផ្ទះនេះផងដែរ៕
ប្រភព៖ thediplomat.com
អត្ថបទ៖ មន្នីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ