កីឡា
បើសមាជិកអាស៊ានយល់ព្រម កម្ពុជាព្រមឲ្យបាល់ទះហ្វីលីពីនចូលពូលAក្នុងស៊ីហ្គេម
សហព័ន្ធកីឡាបាល់ទះកម្ពុជា នឹងទទួលយកក្រុមបាល់ទះជម្រើសជាតិហ្វីលីពីចូលក្នុងពូល A នៃព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដោយមិនចាំបាច់ធ្វើការចាប់ឆ្នោតសាថ្មី ប្រសិនបើសមាជិកអាស៊ានយល់ព្រម។
ក្រុមបាល់ទះជម្រើសជាតិហ្វីលីពីនមិនបានចុះឈ្មោះទាន់ពេលវេលាទេក្នុងការចូលរួមប្រកួតកីឡាស៊ីហ្គេម នៅកម្ពុជា ប៉ុន្តែត្រូវបានគេដឹងថា បាល់ទះហ្វីលីពីន ក៏បានត្រៀមខ្លួនដែរ និងបានចេញទៅហាត់នៅប្រទេសជប៉ុនទៀតផង។
ក្នុងការចាប់ឆ្នោតកាលពីថ្ងៃទី៥ ខែមេសា កន្លងទៅ ម្ចាស់ផ្ទះកម្ពុជាស្ថិតនៅពូល A មានម្ចាស់ផ្ទះ កម្ពុជា ឥណ្ឌូណេស៊ី និងសិង្ហបុរី។ ចំណែកពូល B មាន វៀតណាម ថៃ ម៉ាឡេស៊ី និងមីយ៉ាន់ម៉ា។
ក្រោយមកហ្វីលីពីនបានស្នើសុំមកម្ចាស់ផ្ទះកម្ពុជាក្នុងការចូលរួមប្រកួត ហើយត្រូវបានគណៈកម្មាធិការជាតិរៀបចំការប្រកួត CAMSOC បានទទួលយកឲ្យចូលរួម និងតម្រូវឲ្យចាប់ឆ្នោតសាថ្មី។
នៅរសៀលថ្ងៃចន្ទ ទី១០ ខែមេសានេះ លោក អាំង សេរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានបញ្ជាក់ពីការទទួលយកក្រុមបាល់ទះជម្រើសជាតិហ្វីលីពីនចូលក្នុងពូល A ជាមួយម្ចាស់ផ្ទះកម្ពុជា ឥណ្ឌូណេស៊ី និងសិង្ហបុរីតែម្តង ប្រសិនបើសមាជិកអាស៊ានផ្សេងទៀតយល់ព្រម។
លោក សេរីពិសិដ្ឋបានរៀបរាប់ថា ៖«សហព័ន្ធកីឡាបាល់ទះកម្ពុជា និងប្រជាជនកម្ពុជាគឺស្វាគមន៍គ្រប់មិត្តអាស៊ានទាំងអស់ដែលមានបំណងចូលរួមប្រកួតប្រជែងក្នុងកីឡាស៊ីហ្គេមលើកទី៣២ដែលកម្ពុជាធ្វើជាម្ចាស់ផ្ទះ។ ករណីប្រទេសហ្វីលីពីនក៏ដូច្នោះ យើងគាំទ្រ ទោះបីតថភាពផ្លូវច្បាប់គឺហ្វីលីពីនមិនអាចមានសិទ្ធិចូលរួមប្រកួតបាន ព្រោះមិនបានចុះឈ្មោះ ប៉ុន្តែកម្ពុជាគឺនៅតែបើកផ្លូវ (បើកបេះដូង) បើសហព័ន្ធកីឡាបាល់ទះហ្វីលីពីនទទួលបានការគាំទ្រដោយសហព័ន្ធបាល់ទះជាសមាជិកជាមិត្តអាស៊ានឲ្យអនុញ្ញាតចូលរួមប្រកួតនោះ នោះគឺកម្ពុជាសូមស្វាគមន៍ និងទទួលយកមកដាក់នៅក្នុងពូលAជាមួយកម្ពុជាដោយមិនចាំបាច់ត្រូវចាប់ឆ្នោតជាថ្មីឡើយ(កីឡាជាចំណងការទូតរវាងប្រទេស និងប្រទេស)៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត