កីឡា
មន្ត្រីប៉ារ៉ាឡាំពិកអ៊ុយក្រែន អង្វរប៉ារ៉ាឡាំពិកអន្តរជាតិ រក្សាការហាមឃាត់អត្តពលិករុស្ស៊ី
លោក Andrii Opikun ប្រធានប្រតិភូរបស់គណៈកម្មាធិការជាតិប៉ារ៉ាឡាំពិកអ៊ុយក្រែន (NPC) បានលើកឡើងអំពីបញ្ហាប្រឈមរបស់អត្តពលិកជនមានពិការភាពរបស់ខ្លួនពីសង្រ្គាម និងបានអង្វរដល់គណៈកម្មាធិការប៉ារ៉ាឡាំពិកអន្តរជាតិ (IPC) ឱ្យរក្សាបំរាមរបស់ខ្លួនលើការចូលរួមរបស់អត្តពលិករុស្ស៊ី។
លោក Andrii Opikun បានទៅដល់ទីក្រុង Rotterdam ប្រទេសហូឡង់ ជាមួយប្រតិភូ៣៨នាក់ ដើម្បីចូលរួមប្រកួតក្នុងព្រឹត្តិការណ៍កីឡាប៉ារ៉ាឡាំពិកអឺរ៉ុប (European Para Championships)ឆ្នាំ២០២៣។ ក្នុងចំណោមអត្តពលិកទាំងនោះ មានកីឡាករជនពិការប៊ូស្យា Artem Kolinko មកពីទីក្រុង Zhovti Vody ភាគកណ្តាលនៃប្រទេសអ៊ុយក្រែន។
កីឡាករជនមានពិការភាព Kolinko ដែលទទួលរងជំងឺសាច់ដុំ និងប្រើរទេះរុញតាំងពីអាយុ ១២ឆ្នាំ ត្រូវបានបង្ខំឱ្យភៀសខ្លួនចេញពីផ្ទះរបស់ខ្លួនជាមួយឪពុកម្តាយដើម្បីភៀសខ្លួនទៅប្រទេសហូឡង់ បន្ទាប់ពីប្រទេសរុស្ស៊ីបានបើកការវាយប្រហារយោធាកាលពីខែកុម្ភៈឆ្នាំមុន។
លោក Opikun បាននិយាយថា ការសម្រេចចិត្តដ៏សោកសៅរបស់ Kolinko ក្នុងការចាកចេញពីអ៊ុយក្រែន ដែលហែកហួរដោយសង្រ្គាម និងស្វែងរកកន្លែងរស់នៅផ្សេងទៀតគ្រាន់តែជាឧទាហរណ៍មួយនៃស្ថានភាពដ៏លំបាកដែលអត្តពលិកប៉ារ៉ារបស់អ៊ុយក្រែនប្រឈមមុខ។
អត្តពលិកជនមានពិការភាពរុស្ស៊ី និងបេឡារុស្ស នៅតែត្រូវបានហាមឃាត់ពីការចូលរួមប្រកួតកីឡាប៉ារ៉ាអន្តរជាតិ។ IPC បានរារាំងពួកគេពីការចូលរួមក្នុងព្រឹត្តិការណ៍កីឡាប៉ារ៉ាឡាំពិករដូវរងា នៅទីក្រុងប៉េកាំង ឆ្នាំ២០២២ ដែលបានចាប់ផ្តើមត្រឹមតែ១០ថ្ងៃ បន្ទាប់ពីការលុកលុយរបស់រុស្ស៊ី លើអ៊ុយក្រែន។
ការសម្រេចចិត្តក៏ត្រូវបានធ្វើឡើងនៅឯមហាសន្និបាតវិសាមញ្ញរបស់ IPC កាលពីខែវិច្ឆិកា ឆ្នាំ២០២២ ដើម្បីព្យួររុស្ស៊ី និងបេឡារុស្ស។
ប្រធាន IPC លោក Andrew Parsons បានបង្ហាញក្នុងខែមេសាថា ការចូលរួមរបស់អត្តពលិករុស្ស៊ី និងបេឡារុស្ស នឹងត្រូវបានវាយតម្លៃឡើងវិញនៅក្នុងមហាសន្និបាតរបស់ខ្លួន ដែលគ្រោងធ្វើនៅខែកញ្ញា ប៉ុន្តែបានសង្កត់ធ្ងន់ថា វាមិនចាំបាច់ជា “ការសម្រេចចិត្តចុងក្រោយ” នោះទេ។
គណៈកម្មាធិការអូឡាំពិកអន្តរជាតិ (IOC) បានផ្លាស់ប្តូរដើម្បីណែនាំអត្តពលិករុស្ស៊ី និងបេឡារុស្សឡើងវិញដោយផ្តល់អនុសាសន៍ថា ពួកគេគួរតែត្រូវបានអនុញ្ញាតឱ្យត្រឡប់ទៅឆាកកីឡាពិភពលោកវិញ ក្រោមបដាអព្យាក្រឹត ប្រសិនបើពួកគេមិនគាំទ្រសង្គ្រាមនៅអ៊ុយក្រែន និងមិនមានទំនាក់ទំនងជាមួយយោធា៕
ប្រែសម្រួល៖ មន្នីរ័ត្ន
ប្រភព៖ insidethegames.biz
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង