កីឡា

លោក អ៊ូ គង់ យល់ដឹងកាន់តែច្រើនផ្នែកកីឡាប៉ារ៉ាឡាំពិកក្រោយបានសិក្សាជាច្រើនថ្ងៃនៅម៉ាឡេស៊ី

បានផុស

៥ ខែ មុន

នៅ

ថ្ងៃព្រហស្បតិ៍ ២០ វិច្ឆិកា ២០២៥

ដោយ

លោក អ៊ូ គង់ ដែលជាគ្រូបង្វឹកកីឡាហែលទឹកផ្នែកប៉ារ៉ាឡាំពិក និងជាសិក្ខាកាមមួយរូបក្នុងចំណោម ៤រូបដែលបានទៅសិក្សាវគ្គបណ្ដុះបណ្ដាលនៅឯម៉ាឡេស៊ី រយៈពេល ៧ថ្ងៃ ថាលោកទទួលបានចំណេះដឹងច្រើនពិសេសលើការវាយតម្លៃប្រភេទពិការតែម្ដង។

ទិដ្ឋភាពសិក្សា

គ្រូបង្វឹកហែលទឹកផ្នែកប៉ារ៉ាឡាំពិក លោក អ៊ូ គង់ បានឲ្យដឹងថា តាមរយៈការបណ្ដុះបណ្ដាលរបស់គណៈកម្មាធិការប៉ារ៉ាឡាំពិកអន្តរជាតិ IPC mentoring Hub ដែលធ្វើឡើងនៅឯប្រទេសម៉ាឡេស៊ីថ្មីៗនេះគឺបានផ្ដល់ចំណេះដឹង បទពិសោធល្អៗជាច្រើនដល់រូបលោក។ សិក្ខាកាមយល់ដឹងពីការវាយតម្លៃប្រភេទពិការភាពរបស់មនុស្សម្នាក់ៗបែងចែកទៅតាមប្រភេទកីឡាដែលសមស្រប។

ទិដ្ឋភាពសិក្សា

លោក អ៊ូ គង់ បន្តទៀតថា សិក្ខាកាមបានស្វែងយល់ពីបទពិសោធ ភាពរីកចម្រើន និងលក្ខណៈបច្ចេកទេសផ្សេងៗពីបណ្ដាប្រទេសដែលមានកីឡាប៉ារ៉ាឡាំពីក និងជឿលឿនជាយូរមកហើយ។ ក្រៅពីនេះក៏បានទៅពិនិត្យមើលទីលានហ្វឹកហាត់ ទីលានប្រកួតលើប្រភេទកីឡាប៉ារ៉ាឡាំពិកជាច្រើនកន្លែងទៀតផង។ វគ្គបណ្ដុះបណ្ដាលនេះគឺពិតជាល្អហើយមានសារសំខាន់មែន ដូច្នេះលោកនឹងយកនូវចំណេះដឹងដែលទទួលបាននេះមកចែករំលែក និងបណ្ដុះបណ្ដាលដល់មន្ត្រី គ្រូបង្វឹក កីឡាករ កីឡាការិនីបន្តទៀតដើម្បីចូលរួមអភិវឌ្ឍន៍វិស័យកីឡាប៉ារ៉ាឲ្យកាន់តែច្រើនរីកចម្រើន។

ទិដ្ឋភាពសិក្សា

គណៈកម្មាធិការជាតិប៉ារ៉ាឡាំពិកកម្ពុជា (NPC Cambodia) បានបញ្ជូនមន្ត្រី គ្រូបង្វឹក ពេទ្យ សរុប ៤នាក់ចូលរួមវគ្គបណ្ដុះបណ្ដាលដែលរៀបចំឡើងដោយគណៈកម្មាធិការប៉ារ៉ាឡាំពិកអន្តរជាតិ IPC mentoring Hub នៅឯប្រទេសម៉ាឡេស៊ី រយៈពេល ៧ថ្ងៃចាប់ពីថ្ងៃទី១០ ដល់១៧ ខែវិច្ឆិកា ឆ្នាំ២០២៥។ សិក្ខាកាមកម្ពុជាបានបញ្ចប់វគ្គបណ្ដុះបណ្ដាល និងវិលត្រឡប់មកដល់កម្ពុជាវិញហើយនៅពេលនេះ៕