កីឡា

ក្រុមបាល់ទះនារីថៃឈ្នះជើងឯកអាស៊ីឆ្នាំ២០២៣ ក្រោយឈ្នះចិនវគ្គផ្តាច់ព្រ័ត្រ

បានផុស

២ ខែ មុន

នៅ

ថ្ងៃព្រហស្បតិ៍ ៧ កញ្ញា ២០២៣

ដោយ

ក្រុមកីឡាការិនីបាល់ជម្រើសជាតិថៃបានគ្រងជើងឯកបាល់ទះនារីអាស៊ី ឆ្នាំ២០២៣ (Asian Senior Women’s Championship) លើកទី២២ បន្ទាប់ពីបានប្រកួតឈ្នះក្រុមនារីចិនដោយលទ្ធផល ៣-២ នៅវគ្គផ្តាច់ព្រ័ត្រនៅល្ងាចថ្ងៃទី៦ ខែកញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅវគ្គសន្សំពិន្ទុក្នុងពូល ក្រុមបាល់ទះនារីថៃបានយកឈញនះក្រុមនារីអូស្ត្រាលី ៣-០ និងឈ្នះក្រុមនារីម៉ុងហ្គោលី ៣-០។

នៅវគ្គខ្វែង ក្រុមនារីថៃបានយកឈ្នះក្រុមនារីកូរ៉េខាងត្បូងដោយលទ្ធផល ៣-០ និងឈ្នះក្រុមនារីវៀតណាមដោយលទ្ធផល ៣-១ ដើម្បីបានឡើងទៅកាន់វគ្គពាក់កណ្តាលផ្តាច់ព្រ័ត្រដែលបានបន្តយកឈ្នះក្រុមខ្លាំងជប៉ុនដោយលទ្ធផល ៣-២ សម្រាប់ឡើងទៅកាន់វគ្គផ្តាច់ព្រ័ត្រ។

នៅវគ្គផ្តាច់ព្រ័ត្រ ក្រុមនារីថៃបានយកឈ្នះក្រុមខ្លាំងនារីចិនដោយលទ្ធផល ៣-២ ដើម្បីគ្រងជើងឯកបាល់ទះនារីអាស៊ី។ នេះជាកំណត់ត្រាថ្មីមួយសម្រាប់ក្រុមនារីដោយមិនស្គាល់បរាជ័យម្តងណាសោះរហូតឈ្នះជើងឯកប្រចាំឆ្នាំ២០២៣។

ក្រុមនារីចិនទទួលបានចំណាត់ថ្នាក់លេខ២ និងក្រុមជប៉ុនទទួលបានចំណាត់ថ្នាក់លេខ៣។

នេះជាលើកទី៣ដែលក្រុមបាល់ទះនារីថៃឈ្នះជើងឯកបាល់ទះនារីអាស៊ី បន្ទាប់ពីឈ្នះលើកទី១ឆ្នាំ២០០៩ និងលើកទី២ ឆ្នាំ២០១៣៕