កីឡា

ពេជ្រ សម្បត្តិ លែងចង់ជួប ណង សាវ ទៀត ក្រោយផ្តួលឲ្យសន្លប់ម្សិលមិញ

បានផុស

៣ years មុន

នៅ

ថ្ងៃចន្ទ ១៨ កញ្ញា ២០២៣

ដោយ

អ្នកលេងគុនខ្មែររហស្សនាម«ក្របីព្រៃ» ពេជ្រ សម្បត្តិ បានផ្តួលកីឡាករមិត្តរួមជាតិ ណង សាវ ឲ្យសន្លប់ ក្នុងការប្រកួត១ទឹក រយៈពេល៩នាទីនៅសង្វៀនថោន នាល្ងាចថ្ងៃអាទិត្យ ទី១៧ ខែកញ្ញា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប៉ះគ្នារបស់អ្នកទាំងពីរជាជំនួបដែលអ្នកគាំទ្រចង់ឃើញយូរមកហើយដោយសារ ពេជ្រ សម្បត្តិ ជាជើងខ្លាំងដ៏មានប្រជាប្រិយភាពតាមរយៈស្មារតីប្រយុទ្ធឆ្ពោះទៅមុខមិនចេះរាថយ និងកណ្តាប់ដៃធ្ងន់ ខណៈ ណង សាវ ជាកីឡាករម្នាក់ដែលវ៉ៃបច្ចេកទេស ទាត់ល្អ និងកណ្តាប់ដៃល្អ។

ការពិតនៅលើសង្វៀនបង្ហាញថា ពេជ្រ សម្បត្តិ បានដើរចូលវ៉ៃកណ្តាប់ដៃផ្ទួនៗទាំងលើផ្ទៃមុខ និងក្បាលពោះ ខណៈ ណង សាវ បានព្យាយាមទាត់ ធាក់ចេញ និងកណ្តាប់ដៃ ប៉ុន្តែមិនអាចធ្វើអ្វីបានលើក្របីព្រៃបានទេ។ ការប្រកួតបានជាង៦នាទីប៉ុណ្ណោះ ណង សាវ មិនអាចទ្រាំទ្រនឹងការសម្រុក និងកណ្តាប់ដៃផ្ទួនៗរបស់ សម្បត្តិ បានឡើយ។

ក្រោយចប់ការប្រកួត ណង សាវ បាននិយាយថា ខ្លួនចង់ជួប ពេជ្រ សម្បត្តិ ម្តងទៀត។ វ៉ៃទឹកក៏បាន វ៉ៃ៥ទឹកក៏បាន ប៉ុន្តែក្របីព្រៃបាននិយាយថា ខ្លួនលែងចង់ជួប ណង សាវ ទៀតហើយ។

ពេជ្រ សម្បត្តិ បាននិយាយថា ខ្លួនសប្បាយចិត្តដែលទទួលបានជ័យជម្នះ ប៉ុន្តែមិនចង់ជួប ណង សាង ទៀតទេ ពីព្រោះជាខ្មែរដូចគ្នា។ ប្រការនេះមានន័យថា សម្បត្តិ ហាក់មានអារម្មណ៍អាណិត ណង សាវ ដែលខ្លួនវ៉ៃឲ្យសន្លប់ ពីព្រោះជាខ្មែរដូចគ្នា ដូច្នេះរូបគេចង់ប្រកួតជាមួយកីឡាករបរទេសប៉ុណ្ណោះ។

នេះជាការឈ្នះលើកីឡាករមិត្តរួមជាតិម្នាក់ទៀតសម្រាប់ ពេជ្រ សម្បត្តិ បន្ទាប់ពីរូបគេបានយកឈ្នះលើ ឃីម បូរ៉ា កាលពីដើមខែកញ្ញា ឆ្នាំ២០២៣៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ ពេជ្រ សម្បត្តិ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា