កីឡា
គណៈកម្មការកិច្ចការសង្គមរបស់ AFC អនុម័តគម្រោងចំនួន៧
ថ្ងៃទី១៨ ខែកញ្ញា ឆ្នាំ ២០២៣ គណៈកម្មការទទួលខុសត្រូវកិច្ចការសង្គមរបស់សហព័ន្ធកីឡាបាល់ទាត់អាស៊ី (AFC) បានអនុម័តកម្មវិធីថ្មីចំនួន៧ បន្ទាប់ពីកិច្ចប្រជុំលើកដំបូងរបស់ខ្លួនសម្រាប់អាណត្តិ ឆ្នាំ២០២៣-២០២៧។
គណៈកម្មការទទួលខុសត្រូវកិច្ចការសង្គមរបស់ AFC បានគាំទ្រគំនិតផ្តួចផ្តើមរបស់សមាគមទាំង៧ក្នុងនោះ សហព័ន្ធបាល់ទាត់អូស្ត្រាលី សហព័ន្ធបាល់ទាត់បង់ក្លាដែស សហព័ន្ធបាល់ទាត់ប៊ូតាន សមាគមបាល់ទាត់កោះហ្គាំ សហព័ន្ធបាល់ទាត់កៀហ្ស៊ីស៊ី សមាគមបាល់ទាត់នេប៉ាល់ ក៏ដូចជាសហព័ន្ធបាល់ទាត់អាស៊ីខាងត្បូង។ ឥឡូវនេះកម្មវិធីនឹងត្រូវបានបង្ហាញដល់ក្រុមប្រឹក្សាភិបាលមូលនិធិ AFC Dream Asia សម្រាប់ការអនុម័តមូលនិធិ។
គម្រោងទាំង៧រួមមាន៖
- សហព័ន្ធបាល់ទាត់ប៊ូតាននឹងផ្តល់លទ្ធភាពឱ្យយុវជនដែលជួបការលំបាកចំនួន ១៤០ នាក់មកពីសាលារៀនដាច់ស្រយាលចំនួន ៥ ដើម្បីពង្រឹងជំនាញកីឡាបាល់ទាត់ និងទំនាក់ទំនងរបស់ពួកគេនៅក្នុងបរិយាកាសសុវត្ថិភាព និងរីករាយ។
- សមាគមបាល់ទាត់កោះហ្គាំ បន្ទាប់ពីការបំផ្លិចបំផ្លាញដោយព្យុះទីហ្វុង Mawar កាលពីខែឧសភា ឆ្នាំ២០២៣ គណៈកម្មការបានយល់ព្រមផ្តល់ការគាំទ្រដល់កិច្ចខិតខំប្រឹងប្រែងដើម្បីកសាងឡើងវិញនូវទីស្នាក់ការកណ្តាលរបស់សហព័ន្ធ និងមជ្ឈមណ្ឌលបណ្តុះបណ្តាលជាតិ។
- សហព័ន្ធបាល់អូស្ត្រាលីផ្តោតលើកិច្ចព្រមព្រៀងដើម្បីគាំទ្រដល់ការធ្វើជាម្ចាស់ផ្ទះព្រឹត្តិការណ៍កីឡាបាល់ទាត់ចលករខួរក្បាលអន្តរជាតិ ឆ្នាំ២០២៣ (IFCPF) ការប្រកួតជើងឯកអាស៊ីបុរស និងស្ត្រីនៅទីក្រុងមែលប៊ន ចាប់ពីថ្ងៃទី៣១ ខែតុលា ដល់ថ្ងៃទី១២ ខែវិច្ឆិកា ឆ្នាំ២០២៣។
- សហព័ន្ធបាលទាត់បង់ក្លាដែសរៀបចំកម្មវិធី Empowering Hill Women ដើម្បីបន្តអាជីពបាល់ទាត់រយៈពេល៥ថ្ងៃដែលផ្តល់ជូនស្ត្រីក្រីក្រ៧៥នាក់មកពីជនជាតិភាគតិច Bandarban, Rangamati និង Khagrachari ឲ្យទទួលបានឱកាសដើម្បីបង្កើនគុណភាពជីវិតរបស់ពួកគេតាមរយៈបាល់ទាត់។
- សហព័ន្ធបាល់ទាត់នេប៉ាល់រៀបចំគ្លីនិកបាល់ទាត់ សម្រាប់កុមារក្រីក្រ តាមរយៈគោលការណ៍នៃការរួមបញ្ចូលគ្នារវាង ការរៀនសូត្រ និងសមភាពយេនឌ័រ ដល់កុមារប្រមាណ ១,៤៤០ នាក់នៅទូទាំង ១៨ សាលារៀននៅក្នុងខេត្ត Karnali និង Madesh។
- សាធារណរដ្ឋកៀហ្ស៊ីស៊ីបានអនុម័តលើកម្មវិធីបាល់ទាត់នៅសាលារៀន ដើម្បីផ្តល់សិទ្ធិអំណាច និងពង្រឹងគ្រូអប់រំកាយ និងមណ្ឌលកុមារកំព្រាលើការអនុវត្តល្អបំផុតស្របតាមទំនួលខុសត្រូវសង្គម៣របស់ AFC គឺ ការការពារកុមារ ការអប់រំ និង ការដាក់បញ្ចូលសង្គម។
- សហព័ន្ធបាល់ទាត់អាស៊ីខាងត្បូងរៀបចំរឿងគំនូរជីវចល Kick Off ដែលមាន៥វគ្គសម្រាប់លើកកម្ពស់ការយល់ដឹងអំពីការការពារកុមារក្នុងចំណោមកីឡាករបាល់ទាត់វ័យក្មេ។ គម្រោងនេះបង្កើតឡើងក្នុងការពិគ្រោះយោបល់ជាមួយអ្នកជំនាញការការពារ និងការការពារកុមារ ព្រមទាំងដោះស្រាយបញ្ហាជាក់លាក់តាមរយៈការងារជាក្រុម ការទំនាក់ទំនង និងការលេងដោយយុត្តិធម៌៕
ប្រែសម្រួល៖ ផា រតនា
ប្រភព៖Insideworldfootball
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore