កម្មវិធីប្រកួតស្វាយរៀងខាប់U18​សប្តាហ៍ទី៦មាន៤គូថ្ងៃសៅរ៍-អាទិត្យនេះ

ការ​ប្រកួត​បាល់ទាត់​ជើង​​ឯកស្វាយ​រៀង​ខាប់​អាយុ​ក្រោម​១៨​ឆ្នាំ លើក​ទី​១ ឆ្នាំ​២០២៣ ឈាន​ដល់សប្តាហ៍​ទី​៦​នា​ថ្ងៃ​សៅរ៍-អាទិត្យ ទី​២៣ និងទី​២៤ ខែកញ្ញា នេះ​សម្រាប់​ការ​ប្រកួត​វគ្គ​សន្សំពិន្ទុ​ក្នុង​ពូល។

សម្រាប់​ការ​ប្រកួត​វគ្គ​សន្សំ​ពិន្ទុ​ក្នុង​ពូល​​ដើម្បី​ស្វែង​រក​ក្រុម​បន្ថែម​សម្រាប់​​​១៦​ក្រុម​ចុង​ក្រោយ ក្នុង​នោះ​លេខ​១ និង​លេខ​២ នៅក្នុង​ពូល ក ខ គ​ ឃ ង និង​ ច ចំនួន​១២​ក្រុម ព្រម​ទាំង​ជ្រើស​រើស​យក​ក្រុម​លេខ​៣​ល្អ​បំផុត​ចំនួន​​៤​ក្រុម​។

គិត​ត្រឹម​៥​សប្តាហ៍​កន្លង​ទៅ​រក​ឃើញ​ក្រុម​ចំនួន១១​ហើយ​ដែល​ទទួល​បាន​កៅអី​ឡើង​ទៅ វគ្គ​១៦​ក្រុម​ចុង​ក្រោយ ដូច្នេះ​ការ​ប្រកួត​ចុង​សប្តាហ៍​នេះ​ដើម្បី​ស្វែង​រក​ក្រុម​បង្គ្រប់​។

កីឡាករ ផាន សុខហេង របស់​ក្រុម​ Blue Dragon រក​បាន​១១គ្រាប់​​កំពុង​ឈាន​មុខ​គេ​ក្នុង​តំណែង​ឆ្ពោះ​ទៅ​រក​ការ​ឈ្នះ​ស្បែក​ជើង​មាស ប៉ុន្តែ​​មាន​កីឡាករ​៥​នាក់​ផ្សេង​ទៀត​ដែល​មាន​គ្រាប់​បាល់​ចាប់​ពី​៥​គ្រាប់​ដល់​៨​គ្រាប់។

ថ្ងៃ​សៅរ៍ ទី​២៣ ខែ​កញ្ញា ឆ្នាំ​២០២៣​

• ម៉ោង២​:០០​រសៀល៖ យុវជន​រមាស​ហែក vs យុវជន​ចុងព្រែក (ពូល ង)
• ម៉ោង៤:០០រសៀល៖ សសយក ស្រុក​ស្វាយទាប vs យុវជន​បាទី (ពូល ច)

ថ្ងៃ​អាទិត្យ ទី​២៤ ខែ​កញ្ញា ឆ្នាំ​២០២៣

• ម៉ោង៨:០០ព្រឹក៖ យុវជនដារ៉ូពិទូ Sport FC vs យុវជន​តាពៅ (ពូល ឃ)
• ម៉ោង​២​:០០រសៀល៖ សសយក ស្រុក​ចន្ទ្រា vs Never Win (ពូល គ)

ក្រុម​ឡើង​វគ្គ​១៦​ក្រុម​ចុង​ក្រោយ

• ពូល​ ក៖ យុវជន​សាមគ្គី និង ត្រកួនទែក
• ក្រុម​ ខ៖ ព្រះខ័នរាជស្វាយរៀង U18 និង ពូប្រុស លីង គួយ
• ក្រុម គ៖ Blue Dragon និងRed Bull
• ក្រុម ឃ៖ M.S.T FC និង ត្នោត FC
• ក្រុម ង៖ យុវជន​រមាសហែក និង​ យុវជន​គគីរសោម
• ពូល ច៖ សសយក ស្រុកកំពង់រោទិ៍

អត្ថបទ៖ វីរបុត្រ