កីឡា
ក្រុមបាល់ទះអង្គុយពិការកម្ពុជាចេញទៅប្រកួតអាស៊ីប៉ារ៉ាហ្គេមនៅចិនព្រឹកនេះ
នៅព្រឹកថ្ងៃទី១៦ ខែតុលា ក្រុមបាល់ទះអង្គុយមានពិការភាពកម្ពុជាដែលជាក្តីសង្ឃឹមឡើងទៅកាន់វគ្គមេដាយស្ថិតក្នុងចំណោមកីឡាមានពិការភាពរបស់កម្ពុជាជាច្រើនបានចេញទៅប្រកួតកីឡាអាស៊ីប៉ារ៉ាហ្គេម លើកទី៤ ឆ្នាំ២០២២ (លើកមកឆ្នាំ២០២៣) នៅប្រទេសចិន។
វិញ្ញសាបាល់ទះអង្គុយពិការផ្នែកបុរសមាន៨ប្រទេសមកពីទូទាំងតំបន់អាស៊ីដែលសុទ្ធតែខ្លាំងៗចូលរួមការប្រកួតកីឡាអាស៊ីប៉ារ៉ាហ្គេម លើកទី៤ នៅប្រទេសចិន។ ក្នុងចំណោម៨ប្រទេសនោះ ត្រូវបានបែងចែកជា២ពូលគឺពូល B មាន កម្ពុជា អ៉ីរ៉ង់ កាហ្សាក់ស្ថាន និងថៃ ខណៈពូល A មានម្ចាស់ផ្ទះ ចិន ជប៉ុន មីយ៉ាន់ម៉ា និងកូរ៉េខាងត្បូង។
ការប្រកួតវគ្គសន្សំពិន្ទុក្នុងពូល នឹងចាប់ផ្តើមនៅថ្ងៃទី២៣ ខែតុលា ដោយបើកឆាក ក្រុមកម្ពុជាត្រូវប្រកួតមួយកាហ្សាក់ស្ថាន វេលាម៉ោង៦ល្ងាចនៅកម្ពុជា។ នៅថ្ងៃទី២៤ កម្ពុជាត្រូវប្រកួតជាមួយថៃ វេលាម៉ោងប្រមាណ១១ព្រឹក ម៉ោងនៅកម្ពុជា និងថ្ងៃទី២៥ ប្រកួតជាមួយ អ៉ីរ៉ង់ វេលាម៉ោង៦ល្ងាច។
បន្ទាប់ពីចប់វគ្គសន្សំពិន្ទុក្នុងពូល ក្រុមលេខ១ និងលេខ២នៃពូលនីមួយៗឡើងទៅកាន់វគ្គពាក់កណ្តាលផ្តាច់ព្រ័ត្រដើម្បីប្រជែងគ្នាឡើងទៅកាន់វគ្គផ្តាច់ព្រ័ត្រដណ្តើមមេដាយមាស។
កីឡាបាល់ទះអង្គុយពិការកម្ពុជាតែងតែធ្វើបានល្អក្នុងការប្រកួតអាស៊ានប៉ារ៉ាហ្គេម ក្នុងនោះធ្លាប់ឈ្នះមេដាយមាស ប្រាក់ និងសំរិទ្ធ ប៉ុន្តែក្នុងនាមជាម្ចាស់ផ្ទះអាស៊ានប៉ារ៉ាហ្គេម លើកទី១២ ឆ្នាំ២០២៣ កន្លងទៅថ្មីៗនេះ ក្រុមកម្ពុជាទទួលបានត្រឹមមេដាយសំរិទ្ធប៉ុណ្ណោះ។
សូមបញ្ជាក់ថា ប្រតិភូ និងអត្តពលិកជនមានពិការភាពកម្ពុជាចេញដំណើរទៅប្រទេសចិន នៅព្រឹកថ្ងៃទី១៦ ខែតុលានេះ ដោយប្រតិភូកីឡាមួយក្រុម ចេញទៅវេលាម៉ោង៥:៣០នាទីព្រឹក និងមួយក្រុមទៀត ចេញទៅវេលាម៉ោង៧ព្រឹក៕
អត្ថបទ៖ វីរបុត្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង