កីឡា

ឱកាសសល់តិចសម្រាប់ក្រុមបាល់បោះរទេះនារីកម្ពុជាដណ្តើមមេដាយ បន្ទាប់ពីចាញ់អ៊ីរ៉ង់

បានផុស

៨ ខែ មុន

នៅ

ថ្ងៃអង្គារ ២៤ តុលា ២០២៣

ដោយ

ក្រុមបាល់បោះរទេះនារីពិការកម្ពុជាបានចាញ់ក្រុមនារីអ៉ីរ៉ង់ ដោយលទ្ធផលប្រផុតប្រផើយបំផុត ៤២-៤៧ សម្រាប់ការប្រកួតវគ្គសន្សំពិន្ទុលើកទី៤ ក្នុងព្រឹត្តិការណ៍កីឡាអាស៊ីប៉ារ៉ាហ្គេម លើកទី៤ ឆ្នាំ២០២៣ នៅប្រទេសចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតមានលក្ខណៈប្រដុំប្រសងគ្នារវាងកម្ពុជា និងអ៉ីរ៉ង់ ដោយហ្គេមទី១ កម្ពុជា យកឈ្នះដោយពិន្ទុ ១០-៧, ហ្គេមទី២ បន្តឈ្នះដោយពិន្ទុ ១៤-១០ ប៉ុន្តែហ្គេមទី៣កម្ពុជារកបានតែ៣ពិន្ទុប៉ុណ្ណោះដោយចាញ់ អ៉ីរ៉ង់ ៣-១៤ ខណៈហ្គេមចុងក្រោយអ៉ីរ៉ង់បានយកឈ្នះ ១៥-១៦។ សរុបពិន្ទុ កម្ពុជាចាញ់អ៉ីរ៉ង់ ៤២-៤៧។

ការចាញ់របស់កម្ពុជាបានធ្វើឲ្យឱកាសក្នុងការប្រជែងមេដាយសំរិទ្ធកាន់តែស្តួចស្តើង ដោយសារកំពុងឈរចំណាត់ថ្នាក់លេខ៥ក្នុងពូល បន្ទាប់ពីបើកឆាកឈ្នះឡាវ ប៉ុន្តែចាញ់ចិន ជប៉ុន និងអ៉ីរ៉ង់ ។

ការប្រកួតសន្សំពិន្ទុចុងក្រោយ កម្ពុជាត្រូវការឈ្នះថៃដាច់ខាតទើបអាចមានឡើងទៅចំណាត់ថ្នាក់លេខ៤ដើម្បីប្រជែងមេដាយសំរិទ្ធ។

សូមបញ្ជាក់ថា

-ក្រុមលេខ១ និងលេខ២ ក្នុងពូល ត្រូវប្រកួតដណ្តើមមេដាយមាស
-ក្រុមលេខ៣ និងលេខ៤ ក្នុងពូល ត្រូវប្រកួតដណ្តើមមេដាយសំរិទ្ធ
-ក្រុមលេខ៥ និងលេខ៦ ក្នុងពូល ត្រូវប្រកួតដណ្តើមចំណាត់ថ្នាក់លេខ៥

អត្ថបទ៖ វីរបុត្រ