កីឡា
មកស្គាល់ជើងឯក Ennahachi តើអាចការពារខ្សែក្រវាត់ជាមួយ Superlek បានអត់?
ជើងខ្លាំង Ilias Ennahachi ត្រូវការពារខ្សែក្រវាត់ឃីកបុកសីងពិភពលោក (ONE Flyweight Kickboxing) ទល់នឹងជើងខ្លាំងថៃរហស្សនាម«រន្ទះជើងម៉ាស៊ី» Superlek Kiatmoo9 នៅព្រឹត្តិការណ៍ប្រកួតផ្សាយផ្ទាល់ ONE: FISTS OF FURY ចេញពីកីឡដ្ឋាន Singapore Indoor Stadium នៅថ្ងៃសុក្រ ទី២៦ ខែកុម្ភៈនេះ។
Ennachachi ជាកីឡាករហុល្លង់ទើបមានអាយុ២៤ឆ្នាំ ប៉ុន្តែបានឈ្នះខ្សែក្រវាត់ឃីកុកសីងពិភពលោកនៅ ONE កាលពីឆ្នាំ២០១៩ បន្ទាប់ពីឈ្នះកីឡាករថៃ Petchdam និងបានឡើងការពារបានជោគជ័យម្តងហើយកាលពីឆ្នាំ២០១៩ជាមួយកីឡាករចិន Wang Wenfeng។ នេះជាការឡើងការពារខ្សែក្រវាត់ ONE លើកទី២ទល់នឹងតារាឆ្នើមថៃ Superlek។
មុនពេលបោះជំហានចូលសង្វៀនអន្តរជាតិ Ilias Ennahachi បានឆ្លងកាត់បទពិសោធប្រដាល់ឃីកបុកសីងច្រើនណាស់ បន្ទាប់ពីរូបគេបានចាប់ផ្តើមហ្វឹកហាត់ជំនាញមួយនេះតាំងពីអាយុ១១ឆ្នាំ។
រហូតដល់ពេលនេះ Ennachachi មានប្រវត្តិឡើងសង្វៀនបានចំនួន៣៩ដងហើយក្នុងនោះទទួលបានជ័យជម្នះ៣៦ដង និងចាញ់តែ៣ដងប៉ុណ្ណោះ ខណៈនៅស្ថាប័ន ONE ទើបប្រកួតបាន២ដងប៉ុណ្ណោះពោលគឺឈ្នះទាំងពីរដង។ រូបគេបានចាប់ប្រឡូកប្រដាល់ឃីកបុកសីងនៅទ្វីបអឺរ៉ុបបានជោគជាំដោយធ្លាប់ឈ្នះខ្សែក្រវាត់ឃីកបុកសីតនៅតំបន់៣គ្រឿង។
នៅឆ្នាំ២០១៦ កីឡាករហុល្លង់រូបនេះបានឈ្នះខ្សែក្រវាត់ឃីកបុកសីងនៅសង្វៀន Enfusion ក្នុងប្រភេទទម្ងន់៦០គីឡូក្រាម។ នៅឆ្នាំដដែលនេះ រូបគេបានឈ្នះខ្សែក្រវាត់ទី២នៅសង្វៀន BLADE ក្នុងទម្ងន់៦១គីឡូក្រាម និងឆ្នាំ២០១៨បានឈ្នះខ្សែក្រវាត់ពិភពលោកមួយទៀតពីសង្វៀន Word Fighting League ក្នុងទម្ងន់៦៣គីឡូក្រាម។ យ៉ាងណា ភាគច្រើនរូបគេប្រកួតនៅប្រទេសកំណើត មុនបោះបោះជំហានចូលសង្វៀនអន្តរជាតិ ONE។
បូករួមទាំងខ្សែក្រវាត់ឃីកបុកសីងពិភពលោក ONE Flyweight រូបគេមានខ្សែក្រវាត់ចារក្នុងបញ្ជីចំនួន៤គ្រឿងហើយ។
បើប្រៀបធៀបជាមួយកីឡាករ Superlek ដែលធ្លាប់ឈ្នះកីឡាករកម្ពុជា ឡៅ ចិត្រា ឃើញថា រូបគេមានបទពិសោធតិចជាងនៅលើសង្វៀន ប៉ុន្តែនិយាយពីជំនាញឃីកបុកសីង រូបគេជោកជាំជាង ខណៈកីឡាករថៃមានបទពិសោធច្រើនតែមួយថៃប៉ុណ្ណោះ។
មុនពេលឈានដល់ការប្រកួតដណ្តើមខ្សែក្រវាត់នេះ Superlek បានប្រកួត៤ដងនៅសង្វៀន ONE។ ឆ្នាំ២០១៩ រូបគេប្រកួតបានពីរដងគឺលើកទី១យកឈ្នះជើងខ្លាំងលេខ១កម្ពុជា ឡៅ ចិត្រា ដោយពិន្ទុ និងលើកទី២បានយកឈ្នះកីឡាករព័រទុយហ្គាល់ Rui Botelho ដោយពិន្ទុ។
នៅឆ្នាំ២០២០ Superlek ប្រកួត២ដងទៀតគឺបានយកឈ្នះមិត្តរួមជាតិ Panpayak ដោយពិន្ទុ និងចុងក្រោយបំផុតឈ្នះកីឡាករ Fahdi Khaled ដោយពិន្ទុ។ យ៉ាងណាទាំង៤លើកនេះគឺជាការប្រកួតលក្ខណៈមួយថៃ។
បើនិយាយពីជំនាញវិញ Ennahachi មានអាវុធវ៉ៃចេញបានឆ្ងាយជាង ដោយសារមានអំណោយផលខាងកាយសម្បទាដែលមានកម្ពស់ដល់ ១,៧៨ម៉ែត្រ ខណៈ Superlek មានកម្ពស់ ១,៧១ម៉ែត្រ។ យ៉ាងណា Superlek មានទាត់ក្រោមល្អជាងដូចដែលរហស្សនាម«រន្ទះជើងម៉ាស៊ីន»។
អ្វីៗមិនអាចទាយទុកមុនបានទេ ប៉ុន្តែរង់ចាំទស្សនាទាំងអស់គ្នានៅថ្ងៃទី២៦ ខែកុម្ភៈខាងមុខនេះនៅប្រទេសសិង្ហបុរី៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ