Connect with us

កីឡា

មូលហេតុនេះអាចជាកត្តាធ្វើឲ្យកូរ៉េខាងត្បូងស្មើម៉ាឡេស៊ី ៣-៣ យប់មិញ

បានផុស

នៅ

ការ​ប្រកួត​វគ្គ​សន្សំ​ពិន្ទុ​ក្នុង​ពូល​បាន​បញ្ចប់​កាល​ពី​យប់​មិញ​ ក្រុម​ជម្រើស​ជាតិ​កូរ៉េ​ខាង​ត្បូង​បាន​ត្រឹម​ស្មើ​គ្នា​ជា​មួយ​ក្រុម​អាស៊ាន​ ម៉ាឡេស៊ី ដោយលទ្ធផល ៣-៣ ​ដែលបានធ្វើឲ្យពួកគេទទួលបាន​ចំណាត់​ថ្នាក់លេខ​២នៅពូល E ជើង​ឯក​អាស៊ី AFC Asian Cup ២០២៣ (លើកមកឆ្នាំ២០២៤) នៅ​ប្រទេស​កាតារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នក​គាំទ្រ​មិន​រំពឹង​ថា ការ​ប្រកួត​រវាង​កូរ៉េ​ខាង​ត្បូង និង​ម៉ាឡេស៊ី បញ្ចប់​ទៅ​ដោយ​លទ្ធផល​ស្មើ​គ្នា​ទេ។ ការ​ពិត​លើ​​ទី​លាន​បង្ហាញ​ថា កូរ៉េ​ខាង​ត្បូង​បាន​នាំ​មុខ ១-០ ដោយ​កីឡាករ Woo-yeong នៅ​នាទី​២១ តែវគ្គ​ទី២​នាទី​៥១ ម៉ាឡេស៊ី​តាម​ស្មើ ១-១ ដោយ​កីឡាករ Abdul Halin និង​បើក​ការ​នាំ​មុខម្តង​ ១-២ ដោយ​កីឡាករ Aiman នៅ​នាទី៦២។ នាទី៨៣ Kang-in ជួយ​ឲ្យកូរ៉េខាងត្បូង​តាម​ស្មើ ២-២ និង​​បន្ត​​នាំ​មុខ​ ៣-២ ជា​ថ្មី​ដោយ​តារា​ឆ្នើម Son Heung-min នៅ​នាទី​៩០+៤​។ ការ​ប្រកួត​ស្ទើរ​តែ​បញ្ចប់​ទៅ​ហើយ ម៉ាឡេស៊ី​នៅ​តែ​អាច​រក​បាន​គ្រាប់​បាល់​ទី​៣​នៅ​នាទី​៩០+១៥​ដោយ​កីឡាករ Morales Ramirez ដើម្បី​បញ្ចប់​ដោយ​លទ្ធផល​ស្មើគ្នា ៣-៣។

ប្រសិន​បើ​កូរ៉េ​ខាង​ត្បូង​យក​ឈ្នះ​ម៉ាឡេស៊ី ពួក​គេ​នឹង​មាន៧​ពិន្ទុ ឈរ​លេខ​១​ប្រចាំ​ពូល E ប៉ុន្តែ​ពួក​គេ​ទំនង​ជា​មិន​ចង់​ឈរ​លេខ​១​​ទេ ដោយសារ​នៅ​វគ្គ​១៦​ក្រុម​ចុងក្រោយ លេខ​១​ក្នុង​ពូល E ត្រូវ​ប៉ះ​ក្រុម​លេខ​២​​នៅពូល D​ គឺ​ជប៉ុន​ដែល​ជា​ក្រុម​ខ្លាំងប្រចាំ​អាស៊ី។

ផ្ទុយ​ទៅ​វិញ នៅ​ពេល​ស្មើ​ជា​មួយ​ម៉ាឡេស៊ី កូរ៉េ​ខាង​ត្បូង​មាន​៥​ពិន្ទុ ឈរ​លេខ​២​ក្នុងពូល E ​ត្រូវ​ជួប​ក្រុមអារ៉ាប៊ីសាអ៊ូឌីត ដែល​ជា​ក្រុម​លេខ​១​ក្នុង​ពូល F។ មែន​ទែន​ទៅ​ នៅ​ពូល​ F ​​មាន​ក្រុម​អារ៉ាប៊ីសាអ៊ូឌីត និង​ថៃ ដែល​ប្រជែង​គ្នា​លេខ​១​ ដូច្នេះ​ទោះ​បី​ជា​ក្រុម​ណា​​បាន​លេខ១​ក៏​ជា​ក្រុម​ដែល​អាច​ចាត់​ទុក​មាន​កម្រិត​សមត្ថភាព​ទាប​ជាង​ជប៉ុន។

ជា​មួយ​គ្នា​នេះ ជប៉ុន ជួប​ បារ៉ែន នៅ​វគ្គ​១៦​ក្រុម​ចុង​ក្រោយ​ដែល​អាច​ចាត់​ទុក​ធូរ​ស្រាល​ជាង​កូរ៉េ​ខាង​ត្បូង​។

ការ​គេច​ផុត​គ្នា​នៅ​វគ្គ​១៦​ក្រុម​ចុង​ក្រោយ​បាន​ធ្វើ​ឲ្យ​​ជប៉ុន និង​កូរ៉េ​ខាង​ត្បូង​មិន​អាច​ជួប​គ្នា​រហូត​ដល់​វគ្គ​ពាក់​កណ្តាល​ផ្តាច់​ព្រ័ត្រ ប៉ុន្តែ​នៅ​វគ្គ​ផ្តាច់​ព្រ័ត្រ​ទើប​អាច​ជួប​គ្នា​ ប្រសិន​បើ​ពួក​គេ​ ​ធ្វើ​បាន​ល្អ​ដូច​គ្នា​នៅ​វគ្គ​១៦​ក្រុម វគ្គ​៨​ក្រុម និង​វគ្គ​ពាក់​កណ្តាល​ផ្តាច់​ព្រ័ត្រ។

នៅថ្ងៃទី២៨ ខែមករា

  • អូស្ត្រាលី vs ឥណ្ឌូណេស៊ី
  • តាជីគីស្ថាន vs អារ៉ាប់រួម

នៅថ្ងៃទី២៩ ខែមករា

  • អ៉ីរ៉ាក់ vs ហ្សកដានី
  • កាតារ vs ប៉ាឡេស្ទីន

នៅថ្ងៃទី៣០ ខែមករា

  • អ៊ូបេគីស្ថាន vs ថៃ
  •  អារ៉ាប៊ីសាអ៊ូឌីត vs កូរ៉េខាងត្បូង

នៅថ្ងៃទី៣១ ខែមករា

  • បារ៉ែន vs ជប៉ុន
  •  អ៉ីរ៉ង់ vs ស៊ីរី

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម