Pep Guardiola ថា កុងត្រាសល់ជាង១ឆ្នាំជាមួយ Man City មានរយៈពេលវែង

អ្នកចាត់ការក្លិប Man City លោក Pep Guardiola នៅសល់កុងត្រារយៈពេល១ឆ្នាំកន្លះទៀត ក្នុងការដឹកនាំក្រុមនៅទីក្រុង Manchester មួយនេះ ប៉ុន្តែ​លោក​បាន​ចាត់​ទុក​ជា​រយៈ​ពេល​​​វែង​ដែល​លោក​​ត្រូវ​ធ្វើការសម្រេចចិត្ត​ពី​អនាគត​នៅ​ចុងឆ្នាំនេះ។

លោក Pep Guardiola បាន​មើល​ឃើញគូប្រជែងក្នុងលីគ​ Premier Legue លោក Jurgen Klopp ប្រកាសពីការចាកចេញរបស់ពីក្លិប Liverpool កាលពីសប្តាហ៍មុន ក្នុងនោះ​លោក​​មិនបានទាន់បង្ហាញ​ចំណាប់​អារម្មណ៍​អ្វី​ឡើយ។

លោក Pep Guardiola បាននិយាយថា៖«ធម្មតាការសម្រេចចិត្តគឺ​លឿន។ យើងមិនអាចកំណត់បានទេថា រយៈពេល៨ឆ្នាំគឺជាពេលវេលាច្រើន។ នៅឆ្នាំក្រោយជារដូវកាលទី៩ ដូច្នេះវានៅសល់ពេលវេលាច្រើនទៀត។ ឥឡូវ​នេះ​ខ្ញុំ​ពិត​ជា​មាន​អារម្មណ៍​ល្អ​ដូច​អ្វី​ដែល​ខ្ញុំ​ធ្លាប់​ធ្វើពីមុន តែ​​បាល់ទាត់​បាន​ផ្លាស់​ប្តូរ​ច្រើន។​ ខ្ញុំ​យល់​ឃើញ​ថា​ ពេល​​​​អ្នក​នៅ​សល់​កុងត្រា​រយៈពេល​មួយ​ឆ្នាំ​កន្លះ​គឺ​ច្រើន​ណាស់»។

គ្រូបង្វឹកសញ្ជាតិអេស្ប៉ាញវ័យ​៥៣ឆ្នាំ Pep Guardiola បានចូលដឹកនាំក្រុម Manchester City កាលពីឆ្នាំ២០១៦ ដោយ​បាន​​​ជួយ​ក្លិប​ឈ្នះពានរង្វាន់ UEFA Champion League, UEFA Super Cup និង FIFA Club World Cup លើកដំបូងក្នុងប្រវិត្តសាស្រ្តរបស់ក្លិប។

លោក Pep Guardiola បានបន្ថែមថា ៖«អ្នកត្រូវនាំយក​ថាមពលដាក់​ខ្លួនជារៀងរាល់ថ្ងៃជាមួយ​នឹង​អ្វីដែលអ្នករស់នៅក្នុងជីវិត។ នោះហើយជាអ្វីដែលខ្ញុំកំពុង​ធ្វើ​។ នោះហើយជាមូលហេតុដែលខ្ញុំនិយាយថាមួយឆ្នាំកន្លះគឺជាពេលវេលាដ៏វែង»៕

ប្រែសម្រួល៖ ផា រតនា
ប្រភព៖ ESPN