កីឡា
វគ្គគ្រូបច្ចេកទេសកីឡាកាយសម្ព័ន្ធកម្រិត១នឹងបើកនៅខេត្តកំពង់ឆ្នាំង
ភ្នំពេញ ៖ សហព័ន្ធកីឡាកាយសម្ព័ន្ធកម្ពុជា នឹងបើកវគ្គបណ្ដុះបណ្ដាលគ្រូបច្ចេកទេសកម្រិត១(Level 1 ClassP-1 and P-2)ដែលនឹងមានសិក្ខាកាមចូលរួមចំនួន២២រូប ក្នុងនោះមាន៦រូបជានារី។
បើតាមការគ្រោងទុក វគ្គនេះនឹងចាប់ផ្ដើមពីថ្ងៃទី៧ដល់ថ្ងៃទី១៣វិច្ឆិកាដោយប្រើប្រាស់ថវិការបស់ក្រសួងអប់រំ យុវជន និង កីឡា។
លោកណយ ផាណា ដែលជាអគ្គលេខាធិការរបស់សហព័ន្ធកីឡាកាយសម្ព័ន្ធកម្ពុជា បានឲ្យដឹងថា វគ្គនេះឧទ្ទេសនាមដោយរូបលោកផ្ទាល់ និង លោក សោ សុផេង។
លោកបន្តថា មូលហេតុដែលសហព័ន្ធសម្រេចជ្រើសរើសយកខេត្តកំពង់ឆ្នាំង ដើម្បីបើកវគ្គបែបនេះ ដោយសារតែខេត្តមួយនេះ មានទីតាំងអំណោយផលល្អ ព្រមទាំងមានឧបករណ៍សម្រាប់ការអនុវត្តន៍។ គ្រប់វគ្គសិក្សាទាំងអស់ ការសិក្សាទ្រឹស្ដីត្រូវផ្សារភ្ជាប់ជាមួយនឹងការអនុវត្តន៍។
សូមបញ្ជាក់ថា នេះជាវគ្គទី២ហើយ ដែលបានបើកនូវខេត្តកំពង់ឆ្នាំង ។ តាមពិតសហព័ន្ធមានបំណងបើកវគ្គឲ្យបានគ្រប់ខេត្តទាំងអស់ ដែលមានក្លិបកីឡាកាយសម្ព័ន្ធតែដោយខេត្តភាគច្រើននៅតាមបណ្ដាស្រុក ហើយប្រសិនបើទៅបើកវគ្គនៅទីនោះ សិក្ខាកាមនឹងមិនមានកន្លែងសម្រាកក្នុងអម្លុងដែលវគ្គកំពុងតែដំណើរការនោះ។
លោកណយ ផាណា បានអះអាងថា ពេលនេះជាដំណាក់កាល ដែលត្រូវពង្រឹងក្លិបហេតុនេះសហព័ន្ធត្រូវតែបណ្ដុះបណ្ដាលដល់គ្រូបច្ចេកទេសទាំងកម្រិត១ និងកម្រិត២ ឲ្យបានទូទាំងប្រទេស។
សូមបញ្ជាក់ថា កីឡាកាយសម្ព័ន្ធមាន២ប្រភេទ គឺកីឡាកាយសម្ព័ន្ធអាអេរ៉ូប៊ិក(Aerobic) និង កីឡាកាយសម្ព័ន្ធអាកទីស្ទីក(Artistic)។
លោកអគ្គលេខាធិការសហព័ន្ធរូបនេះ បានអរគុណដល់ក្រសួងអប់រំយុវជន និង កីឡាដែលតែងតែគាំទ្រថវិកាដល់សហព័ន្ធកីឡាជាតិ ដើម្បីដំណើរការវគ្គនានារៀងរាល់ឆ្នាំ៕
ដោយ ៖ វិសិទ្ធ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម