កីឡា
Inter ទទួលបានផ្កាយ១បន្ថែមទៀត ក្រោយឈ្នះជើងឯកលីគអុីតាលីទី២០
ក្រុម Inter Milan បានក្លាយជាម្ចាស់ជើងឯកលីគកំពូលអុីតាលីរដូវកាលនេះ គិតត្រឹមសប្ដាហ៍ទី៣៣ ក្រោយយកឈ្នះក្រុម AC Milan ក្នុងលទ្ធផល ២-១ នៅកីឡដ្ឋាន San Siro ។
![](https://www.kampucheathmey.com/wp-content/uploads/2024/04/Second-Star-SempreInter-Article-1024x683.jpg)
បន្ទាប់ពីឈ្នះពានរង្វាន់ Serie A ក្នុងរដូវកាលនេះ ក្រុម Inter Milan ត្រូវបានបន្ថែមផ្កាយ១ទៀត ជានិមិត្តសញ្ញាបញ្ជាក់ថា ពួកគេបានឈ្នះពានរង្វាន់នេះចំនួន២០លើកក្នុងប្រវត្តិសាស្រ្ដរបស់ក្លិប។ សម្រាប់លីគកំពូលអុីតាលីត្រូវបានកំណត់ដាក់និមិត្តសញ្ញារូបផ្កាយនៅលើរូបតំណាងក្រុម ដើម្បីបញ្ជាក់ពីចំនួននៃការឈ្នះជើងឯក។ ច្បាប់នៅលីគប្រទេសអុីតាលី បានកំណត់ថា ក្រុមដែលឈ្នះពានរង្វាន់ Serie A ចំនួន១០លើកនឹងទទួលបានផ្កាយ១ ខណៈក្រុម Inter ធ្លាប់ឈ្នះពានរង្វាន់នេះចំនួន១៩លើក និងមានផ្កាយ១ស្រាប់ ដូច្នេះក្នុងរដូវកាលនេះពួកគេបានកា្លយជាម្ចាស់ជើងឯកលើកទី២០ ដូច្នេះពួកគេទទួលបានផ្កាយ១បន្ថែមទៀត។
![](https://www.kampucheathmey.com/wp-content/uploads/2024/04/Inter-Milan-Champions-scaled-1.webp)
ក្រុមនៅអុីតាលីដែលទទួលបានផ្កាយច្រើនជាងគេគឺសេះបង្គង់ Juventus ដែលបច្ចុប្បន្នពួកគេមានផ្កាយ៣ បន្ទាប់ពីក្រុមនេះបានឈ្នះជើងឯកលីគកំពូលអ៉ីតាលី ៣៦លើក។ ចំពោះ Inter Milan មានផ្កាយចំនួន២ ក្រោយឈ្នះជើងឯកលីគកំពូលអុីតាលី២០លើក ចំណែកក្រុម AC Milan មានផ្កាយចំនួន១ បន្ទាប់ពីឈ្នះពានរង្វាន់នេះ១៩លើក។ ចំពោះក្រុម AC Milan ពួកគេត្រូវបានឈ្នះជើងលីគកំពូលអុីតាលី១លើកទៀត ដើម្បីទទួលបានផ្កាយ១បន្ថែមទៀត។ ក្រៅពីក្រុមទាំង៣នេះគ្មានក្រុមណាទទួលបានផ្កាយទេ ដោយសារពួកគេមិនទាន់បានឈ្នះពានរង្វាន់ Serie A គ្រប់ចំនួន១០លើក។
![](https://www.kampucheathmey.com/wp-content/uploads/2024/04/423-1024x614.jpg)
សម្រាប់ច្បាប់កំណត់ចំនួនផ្កាយនៅរូបតំណាងក្រុមនេះ មិនមែនមានតែក្នុងការប្រកួតក្នុងលីគទេ សម្រាប់ការប្រកួតក្នុងក្រុមជម្រើសជាតិក៏មានដូចគ្នាជាក់ស្ដែង ក្នុងពានរង្វាន់បាល់ទាត់ពិភពលោក បានសម្រេចយកនិមិត្តរូបផ្កាយតំណាងឲ្យការឈ្នះជើងឯកពិភពលោក ក្នុងនោះក្រុមជម្រើសជាតិដែលឈ្នះពានរង្វាន់ World Cup ១លើកនឹងទទួលបានផ្កាយ១៕
![](https://www.kampucheathmey.com/wp-content/uploads/2024/04/Screenshot-2022-12-16-at-08.47.33.png)
អត្ថបទ៖ ផា រតនា
-
សេដ្ឋកិច្ច១ សប្តាហ៍ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៥ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ១ សប្តាហ៍ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៤ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានអន្ដរជាតិ៣ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ១ សប្តាហ៍ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានជាតិ៦ ថ្ងៃ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ