កីឡា

ជើងខ្លាំង Rodtang និង Tawanchai ក៏មកប្រកួតបាល់ទាត់មិត្តភាពនៅកម្ពុជា

បានផុស

២ ខែ មុន

នៅ

ថ្ងៃពុធ ១២ កុម្ភៈ ២០២៥

ដោយ

នៅរសៀលថ្ងៃទី១២ ខែកុម្ភៈ ឆ្នាំ២០២៥ មានការរៀបចំសន្និសីទសារព័ត៌មាននៅទីក្រុងបាងកក ប្រទេសថៃ ស្តីពី “ការប្រកួតបាល់ទាត់មិត្តភាពកម្ពុជា-ថៃ ដើម្បីអបអរសាទរខួបលើកទី ៧៥ នៃទំនាក់ទំនងការទូតរវាងកម្ពុជានិងថៃនៅឆ្នាំ២០២៥” នៅថ្ងៃទី៨ ខែមីនា ឆ្នាំ២០២៥ នៅពហុកីឡដ្ឋានជាតិអូឡាំពិកកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតមាន២គូដែលជាការជួបគ្នារវាង ក្រុមបាល់ទាត់កីឡាករគុនខ្មែរ ជាមួយ ក្រុមបាល់ទាត់កីឡាមួយថៃ និងក្រុមក្រុមបាល់ទាត់តារាសិល្បៈកម្ពុជា ជាមួយ ក្រុមបាល់ទាត់តារាសិល្បៈថៃ។

តាមការឲ្យដឹងពីលោក ខូវ ឆាយ ប្រធានសហព័ន្ធកីឡាប្រដាល់គុនខ្មែរថា ក្រុមតារាល្បីៗរួមមាន តារាសម្តែង តារាចម្រៀង តារាម៉ូដែល YouTuber, Vlogger, តារាTikTok របស់ប្រទេសកម្ពុជានិងថៃ ព្រមទាំងកីឡាករប្រដាល់គុនខ្មែរ កីឡាករប្រដាល់មួយថៃ សុទ្ធតែមានចូលរួមប្រកួតបាល់ទាត់មិត្តភាពដើម្បីបង្ហាញពីវប្បធម៌ កីឡានាំមកនូវមិត្តភាព សាមគ្គីភាព និងទំនាក់ទំនងការទូតល្អរវាងប្រទេសទាំង២ និងវប្បធម៌នៃការរស់នៅប្រកបដោយសុខសន្តិភាព ក្រោមម្លប់ព្រះធម៌នៃព្រះពុទ្ធិសាសនា ក្នុងនាមជាប្រជាជាតិនៃសហគមន៍អាស៊ានតែមួយ។

នៅពេលសួរបញ្ជាក់ថា តើមានកីឡាករប្រដាល់ថៃណាខ្លះដែលនឹងមកប្រកួតបាល់ទាត់មិត្តភាពនៅកម្ពុជា? លោក ខូវ ឆាយ បានប្រាប់ថា កីឡាករប្រដាល់ថៃល្បីៗភាគច្រើនមកប្រកួត ប៉ុន្តែលើកលែងតែ Buakhaw ម្នាក់ដែលមិនបា។ ចំណែកកីឡាករលំដាប់ជួរមុខកំពុងល្បីទូទាំងអាស៊ី គឺ Rodtang និង Tawanchai ដែលជាម្ចាស់ខ្សែក្រវាត់ពិភពលោកក៏មានដែរ។

កីឡាករថៃល្បីៗដែលមនគឺ Saenchai, Somhit, Sinsamut, Rodtang, Kata, Superban, Saemg Athid, Nong-O និង Tawanchai ជាដើម៕