កីឡា

លោក ពេជ្រ សុផាន់៖ សម្បត្តិ, អេ យ៉ានុត មិនពិបាកធ្វើទម្ងន់ ខណៈ សុភ័ណ្ឌ, រិទ្ធី ពិបាក

បានផុស

២ សប្តាហ៍ មុន

នៅ

ថ្ងៃពុធ ៩ មេសា ២០២៥

ដោយ

កាន់តែខិតជិតដល់ថ្ងៃប្រកួតហើយក្រុមអត្តពលិកគុនខ្មែរនៅសហរដ្ឋអាមេរិក ស្របពេលពួកគេកំពុងធ្វើទម្ងន់ជាបណ្ដើរៗត្រៀមការប្រកួតដែលនឹងមកដល់។ លោក ពេជ្រ សុផាន់ បានឲ្យដឹងពីកីឡាករ ពេជ្រ សម្បត្តិ និងកីឡាការិនី អេ យ៉ានុត មិនសូវមានបញ្ហាលំបាកក្នុងការធ្វើទម្ងន់ទេ ប៉ុន្តែ រឿង សុភ័ណ្ឌ និង ធន់ រិទ្ធី ហាក់ពិបាកបន្តិចក្នុងការធ្វើទម្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពេជ្រ សុផាន់ (រូបភាពហ្វេសបុក)

លោក ពេជ្រ សុផាន់ ចង់បញ្ជាក់ថា ទម្ងន់របស់ ពេជ្រ សម្បត្តិ និង អេ យ៉ានុត កំពុងធ្វើជិតគ្រប់គោលការណ៍ត្រូវប្រកួតហើយស្របពេលសល់បីបួនថ្ងៃទៀតឯណោះ។ ដោយឡែកកីឡាករ រឿង សុភ័ណ្ឌ និង ធន់ រិទ្ធី វិញអាចនិយាយថានៅសល់ច្រើនគីឡូទៀត និងធ្វើគីឡូមិនសូវចុះជាដើម ដូច្នេះហើយទើបលោក ពេជ្រ សុផាន់ ពោលថារៀងតឹងបន្តិចហើយកីឡាករពីររូបនេះ។

កីឡាករគុនខ្មែរ

យ៉ាងណា លោក ពេជ្រ សុផាន់ បញ្ជាក់ថា មកដល់ដំណាក់កាលនេះហើយគ្មានអ្វីជាឧបសគ្គសម្រាប់ក្រុមគុនខ្មែរក្នុងការផ្សព្វផ្សាយលើទឹកដីអាមេរិកនេះទេ។ អាកាសធាតុ អាហារ និងការហ្វឹកហាត់បានប្រព្រឹត្តទៅដោយរលូន។ មួយវិញទៀតការមកកាន់សហរដ្ឋអាមេរិកនេះក៏ច្រើនថ្ងៃសម្រាប់ការត្រៀមខ្លួន។ លោកជឿជាក់ថា អត្តពលិកគុនខ្មែរទាំង៤រូបនេះនឹងធ្វើបានល្អក្នុងជំនួបអន្តរជាតិជាមួយម្ចាស់ផ្ទះសហរដ្ឋអាមេរិក។

កីឡាករគុនខ្មែរ

បញ្ជាក់ដែរថា ក្រុមគុនខ្មែរចំនួន ៤រូប និងប្រតិភូ គ្រូបង្វឹក បច្ចុប្បន្នកំពុងនៅលើទឹកដីសហរដ្ឋអាមេរិកដើម្បីត្រៀមឡើងប្រកួតនៅថ្ងៃទី១២ ខែមេសា ឆ្នាំ២០២៥ នៅសហរដ្ឋអាមេរិក ដែលត្រូវនឹងម៉ោង៨ព្រឹក ថ្ងៃទី១៣ ខែមេសា ឆ្នាំ២០២៥ នៅកម្ពុជា។ ពួកគាត់ទាំង៤នាក់សុទ្ធតែប្រកួតដណ្តើមខ្សែក្រវាត់៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ