កីឡា

ពេជ្រ សម្បត្តិ សារភាពថាចូលប៉ុន្មានដៃរបស់ Mario Alvarez ឡើងទាញ ប៉ុន្តែទប់ស្មារតីវិញបាន

បានផុស

១ year មុន

នៅ

ថ្ងៃព្រហស្បតិ៍ ១៥ ឧសភា ២០២៥

ដោយ

អ្នកលេងគុនខ្មែរ ពេជ្រ សម្បត្តិ សារភាពថាខ្លួនត្រូវប៉ុន្មានដៃរបស់កីឡាករ អេស្ប៉ាញ Mario Alvarez សឺ ប្រទាញៗផងដែរ ប៉ុន្តែរូបគេអាចទប់ស្មារតីបានវិញបន្តការប្រកួតជាធម្មតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេជ្រ សម្បត្តិ និង ម៉ារីអូ

ពេជ្រ សម្បត្តិ បានឲ្យដឹងថា ដូចទៅហ្នឹងការគិតទុកពីមុនថាជំនួបនេះគឺតានតឹង ព្រោះដៃគូជាកីឡាករល្អមួយរូប និងមានស្នៀតប្រយុទ្ធល្អគ្រប់ផ្នែក ម៉ាត់ កែង ជង្គង់ ជាដើម។ ស្នៀតខាវកណ្ដាប់ដៃឆ្វេងរបស់ ម៉ារីអូ (Maro) គឺធ្ងន់មែនសម្រាប់ សម្បត្តិ។

កីឡាករ ពេជ្រ សម្បត្តិ

កូនសិស្សគ្រូឆ្នើមរូបនេះបន្ថែមទៀតថា នៅចុងទឹកទី១ ចំណុចជ្រុងខាងកើតនៃសង្វៀន ពេលនោះរូបគេមានអារម្មណ៍សឺ និងប្រទាញខ្លះៗដែរដោយសារចូលកណ្ដាប់ដៃរបស់កីឡាករអេស្ប៉ាញខាងលើ ប៉ុន្តែខ្លួនអាចទប់បាន និងប្រមូលស្មារតីបន្តការប្រកួតជាធម្មតាវិញ។ សម្បត្តិ មិននឹកស្មានថាខ្លួនអាចផ្ដួល ម៉ារីអូ បានបែបនេះទេ ដូចដឹងស្រាប់ហើយថាកីឡាកររូបនេះល្អដល់កម្រិតណានោះនាពេលកន្លងទៅ។

ពេជ្រ សម្បត្តិ និង ម៉ារីអូ

ជ័យជម្នះមួយនេះ ពេជ្រ សម្បត្តិ ផ្ញើជូនគ្រូ ពេជ្រ សុផាន់ ជាពិសេស ព្រោះជាអ្នកបណ្ដុះបណ្ដាលឲ្យខ្លួនមានថ្ងៃនេះ និងអគុណក្រុមគ្រួសារ អ្នកគាំទ្រទាំងអស់គ្នាដែលស្រឡាញ់ចូលចិត្តតាមដានរាល់ការប្រកួតរបស់ខ្លួនជារៀងរហូតមក។

បញ្ជាក់ដែរថា កាលពីយប់ថ្ងៃទី១៤ ខែឧសភា ឆ្នាំ២០២៥ នេះរូបគេបានផ្ដួលជើងខ្លាំងមកពីប្រទេសអេស្ប៉ាញ Mario Alvarez ឲ្យសន្លប់ក្នុងទឹកទី២ ក្នុងជំនួបដណ្ដើមខ្សែក្រវាត់របស់សង្វៀនបាយ័ននៅឯក្រុងកោះពេជ្រ រាជធានីភ្នំពេញ។ សម្បត្តិ ទទួលបានខ្សែក្រវាត់ ១គ្រឿង អមដោយប្រាក់រង្វាន់ ១២លានរៀលនេះមិនទាន់បូកប្រាក់ឧបត្ថម្ភផ្សេងៗ៕

ពេជ្រ សម្បត្តិ និង ម៉ារីអូ

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ ពេជ្រ សម្បត្តិ

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា