កីឡា

ភរិយា ពេជ្រ អាទិទេព មកគាំទ្រប្ដីទាំងកំពុងពរពោះ៧ខែ ព្រោះអាណិតប្ដីបងប្អូនតិចគ្មានអ្នកមកគាំទ្រទេ

បានផុស

១២ ខែ មុន

នៅ

ថ្ងៃចន្ទ ១៦ មិថុនា ២០២៥

ដោយ

ភរិយាកីឡាករ ពេជ្រ អាទិទេព មកគាំទ្រប្ដីដល់សង្វៀនទាំងដែលកំពុងពរពោះ៧ខែនេះ ព្រោះអាណិតប្ដីមិនមានបងប្អូនច្រើនដូចគេទេទើបលួចមកឲ្យកម្លាំងចិត្តផ្ទាល់បែបនេះ កាលពីយប់ថ្ងៃទី១៤ ខែមិថុនា ឆ្នាំ២០២៥ ក្នុងវគ្គផ្ដាច់ព្រ័ត្រខ្សែក្រវាត់អូដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង លឿង ផល្លាភ

អ្នកនាង លឿង ផល្លាភ ភរិយារបស់កីឡាករ អាទិទេព បានឲ្យដឹងថា វគ្គផ្ដាច់ព្រ័ត្រខ្សែក្រវាត់អូដ្ឋនេះប្ដីមិនឲ្យខ្លួនមកដល់សង្វៀនប្រកួតទេ ព្រោះកំពុងពរពោះបែបនេះនៅផ្ទះឲ្យតែស្រួលខ្លួនទៅកុំបារម្ភប្ដីធ្វើអ្វី។ ប៉ុន្តែដោយចិត្តអាណិតប្ដី និងចង់លើកទឹកចិត្តផ្ទាល់ផងនោះទើបលួចមកដល់សង្វៀនបែបនេះ។

អាទិទេព និងភរិយា

ភរិយារបស់ អាទិទេព ខាងលើបន្ថែមទៀតថា ប្ដីរបស់ខ្លួនមានបងប្អូនតិចណាស់ ដូច្នេះប្រសិនបើខ្លួនមិនមកទៀតគឺអស់ហើយ។ លោកឪពុកអ្នកម្ដាយរបស់ អាទិទេព រវល់មិនបានមកទេ ពោលមានតែសាច់ញាតិម្នាក់គត់មកគាំទ្ររូបគេ ព្រមទាំងមិត្តរួមក្លឹបប៉ុណ្ណោះ។

អាទិទេព ពេលឈ្នះខ្សែក្រវាត់

ផល្លាភ លើកឡើងទៀតថា បានមកផ្ទាល់បែបនេះជួយលើកទឹកចិត្តឲ្យប្ដីរឹតតែខំប្រឹងប្រកួត និងបានជួយមើលប្ដីផង។ រូបគេភ័យខ្លាំងនៅការប្រកួតចុងក្រោយជាមួយ វ៉ាន់ វឿន ពិសេសក្នុងទឹក២-៣ ព្រោះដៃគូវាយកែងច្រើនមកលើប្ដី។

បញ្ជាក់ដែរថា ការប្រកួតម៉ារ៉ាតុងផ្ដាច់ព្រ័ត្ររបស់ ពេជ្រ អាទិទេព ធ្វើឡើងកាលពីយប់ថ្ងៃទី១៤ ខែមិថុនា ឆ្នាំ២០២៥ ក្នុងកម្មវិធីអ្នកចម្បាំងអូដ្ឋនៅស្ថានីយទូរទស្សន៍បាយ័ន។ ជុំទី១ ពេជ្រ អាទិទេព លើកឈ្នះ អូម៉ា រេដវូហ្វ នៅទឹកទី២ ឡើងវគ្គផ្ដាច់ព្រ័ត្រ និងបន្តឈ្នះពិន្ទុ វ៉ាន់ វឿន គ្រងខ្សែក្រវាត់អូដ្ឋនេះតែម្ដង៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ ពេជ្រ អាទិទេព

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា