គន្លឹះខ្លះៗ សម្រួលដល់ភ្នែកអ្នកចំណាយពេលអាន ឬវាយអត្ថបទលើកម្មវិធី​ Microsoft Word ច្រើន

Microsoft Word ត្រូវបានគេប្រើជាទូទៅ សម្រាប់វាយអត្ថបទលើកិច្ចការជាច្រើន ដែលទូទៅ អ្នកមានតម្រូវការ ប្រើកម្មវិធីនេះជាប្រចាំ ច្រើនតែអាជីពជាអ្នកនិពន្ធ អ្នកសារព័ត៌មាន អ្នកសរសេរផែនការ និងការងារមួយចំនួនទៀត និងសូម្បីតែសិស្សនិស្សិត ក៏មានតម្រូវការប្រើកម្មវិធីមួយនេះផងដែរ។

អ្វីដែលអាចកត់ចំណាំបាន រាល់ពេលដែលចំណាយពេលអាន ឬធ្វើការលើកម្មវិធីនេះ រយៈពេលយូរ ចំណាំងប្លាត ពីផ្ទៃពណ៌សរបស់កម្មវិធី​នេះ នឹងរំខានដល់ការមើលរបស់ចក្ខុ ធ្វើឱ្យយើងស្រវាំងភ្នែកពេញមួយថ្ងៃ និងងាយខូច ភ្នែកទៀតផង បើសិនជាក្នុងរយៈពេលយូរ។

ដូចនេះ ដើម្បីសម្រួលដល់ការអាន និងធ្វើកិច្ចការលើកម្មវិធីនេះ អាចអនុវត្តតាមវីដេអូខាងក្រោមនេះ៖

– បើកកម្មវិធី Microsoft Word -> Design -> Page Color
ជំហានដំបូង ចូលទៅកាន់កម្មវិធី Microsoft Word បន្ទាប់មកមើលផ្នែកខាងលើឆ្វេងដៃ ស្វែងរកពាក្យ Design និងចុចលើពាក្យនោះ។ បន្ទាប់មកទៀត ងាកមកមើលខាងស្តាំផ្នែកខាងលើវិញ ស្វែងរកពាក្យ Page Color និងជ្រើស​រើស​ពណ៌ ដែលលោកអ្នកយល់ថា ងាយស្រួលដល់ការមើល។

គួរបញ្ជាក់ដែរថា បើសិនជាត្រូវការព្រីនឯកសារ ក្រដាសដែលចេញមក នឹងមិនប្តូរពណ៌តាមនោះទេ ដោយគ្រាន់តែស្វែងរក File -> Options -> ចុចចូល Display -> Printing Options > ដាក់គ្រីសនៅលើ Print Background Colors and Images និងចុចពាក្យ OK ជាការស្រេច។ មធ្យោបាយងាយស្រួលមួយទៀត គឺគ្រាន់តែប្តូរផ្ទៃក្នុងកម្មវិធី Word ទៅជាធម្មតាវិញ រួចសឹមព្រីន៕