ចរាចរណ៍
ជិះម៉ូតូបញ្ច្រាសផ្លូវបុកម៉ូតូមួយគ្រឿងទៀតស្លាប់ភ្លាមៗ និងម្ខាងទៀតរងរបួសធ្ងន់
បុរសម្នាក់បានស្លាប់ភ្លាមៗ នៅកន្លែងកើតហេតុ ខណៈជិះម៉ូតូបញ្ច្រាសទិសដៅចរាចរណ៍ជ្រុលបុកម៉ូតូគ្រឿងទៀតពេញទំហឹង ធ្វេីឲ្យភាគីម្ខាងទៀតរងរបួសធ្ងន់ត្រូវបានបញ្ជូនទៅសង្គ្រោះនៅឯមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង៨និង១០នាទីយប់ ថ្ងៃទី១២ ខែមេសា ឆ្នាំ២០២១ ត្រង់ចំណុចស្លាកក្រុមហ៊ុនធានារាប់រងអាយុជីវិត(AIA) ជិតនិងឃ្លាំងសាំងសូគីមុិច តាមបណ្ដោយផ្លូវជាតិលេខ៥ សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។
ជនរងគ្រោះដែលស្លាប់មានឈ្មោះ ង៉ែត គឹមលៀង ភេទប្រុស អាយុ២៥ឆ្នាំ ស្នាក់នៅសង្កាត់ឬស្សីកែវ ខណ្ឌឬស្សីកែវ ជិះម៉ូតូហុងដាស្កុបពី ពណ៌ខ្មៅពាក់ស្លាកលេខភ្នំពេញ1ID-1654 (ជិះបញ្ច្រាស់ផ្លូវ)។ ចំណែកអ្នករងបួសមិនស្គាល់អត្តសញ្ញាណនោះទេ បានបញ្ជូនទៅសង្គ្រោះនៅឯមន្ទីពេទ្យ ជិះម៉ូតូឌ្រីមសង់ស៊េរីឆ្នាំ២០២០ ពណ៌ខ្មៅ ពាក់ស្លាកលេខភ្នំពេញ1IQ-1119។
តាមប្រភពព័ត៌មាននៅកន្លែងកេីតហេតុបានប្រាប់ឲ្យដឹងថា មុនកេីតហេតុគេឃេីញម៉ូតូម៉ាកស្កុបពីជិះដោយបុរសម្នាក់បញ្ច្រាសទិសដៅចរាចរណ៍ ទិសដៅពីត្បូងទៅជេីង ខណៈមកដល់ត្រង់ចំណុចកេីតហេតុ ក៏មានម៉ូតូឌ្រីមសង់ជិះដោយបុរសម្នាក់បញ្ច្រាស់ទិសដៅគ្នា ក្នុងល្បឿនលឿន ក៏ជ្រុលបុកគ្នាយ៉ាងពេញទំហឹង បណ្ដាលឲ្យអ្នកជិះម៉ូតូស្កុបពីបោកផុងលលាដ៍ក្បាល និងបាក់ដៃ បាក់ជេីងជាច្រេីនកំណាត់ស្លាប់ភ្លាមៗនៅកន្លែងកើតហេតុ ចំណែកភាគីម្ខាងទៀតរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីពេទ្យកាលម៉ែត។
ក្រោយពេលកេីតហេតុ សមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញការិយាល័យចរាចរណ៍ផ្លូវគោក នៃស្នងការដ្ឋាននគបាលរាជធានីភ្នំពេញ ចុះមកវាស់វែងយកម៉ូតូទាំងពីរគ្រឿងទៅរក្សាទុក រងចាំដោះស្រាយគ្នាពេលក្រោយ ។ ដោយឡែកសពត្រូវបានសមត្ថកិច្ច ធ្វេីកំណត់ហេតុរួចដឹកយកទៅតម្កល់ទុកនៅវត្តទួលអស់លោករងចាំប្រគល់ជូន សាច់ញាតិយកទៅធ្វេីបុណ្យតាមប្រពៃណី៕
អត្ថបទ ៖ សុខា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?