ចរាចរណ៍

សង្វេគណាស់! យុវជនម្នាក់ ជិះម៉ូតូលឿនដូចហោះ រេចង្កូត ទៅបុករថយន្តស្លាប់ភ្លាមៗ

បានផុស

៣ years មុន

នៅ

ថ្ងៃព្រហស្បតិ៍ ៦ ឧសភា ២០២១

ដោយ

រតនគិរី ៖ យុវជនម្នាក់ ជិះម៉ូតូលឿនដូចហោះ រេចង្កូត ត្រូវរថយន្តបុកបណ្ដាលឲ្យស្លាប់ភ្លាមៗនៅនឹងកន្លែងកើតហេតុ ដោយសារម៉ូតូនិងរថយន្តបានធ្វើដំណើរបញ្ច្រាសទិសគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើង កាលពីវេលាម៉ោង៨និង៣០នាទីព្រឹក ថ្ងៃទី៦ ខែឧសភា ឆ្នាំ២០២១ រវាងម៉ូតូនិងរថយន្តបណ្ដាលឲ្យមនុស្សស្លាប់ម្នាក់ ស្ថិតនៅត្រង់ចំណុចផ្លូវភូមិប៉ាអរ ឃុំប៉ាត ស្រុកអូរយ៉ាដាវ ខេត្តរតនគិរី។

សាក្សីនៅកន្លែងកើតហេតុបានបញ្ជាក់ថា អ្នកបើកបរម៉ូតូមួយគ្រឿងម៉ាកវ៉េវឆ្លាមពណ៌ខ្មៅ គ្មានស្លាកលេខ ឈ្មោះ រម៉ាម បឿន ភេទប្រុស អាយុ១៩ឆ្នាំ ជនជាតិចារ៉ាយ មុខរបរកសិករ មានទីលំនៅបច្ចុប្បន្នភូមិកាតេ ឃុំលំជ័រស្រុកអូរយ៉ាដាវ ខេត្តរតនគិរី បានបើកម៉ូតូយ៉ាងលឿនហើយបានវ៉ារថយន្ត១គ្រឿងដែលកំពុងធ្វើដំណើរស្របទិសគ្នាដោយខ្វះការប្រុងប្រយ័ត្នទើបបណ្ដាលឲ្យចូលផ្លូវរបស់រថយន្តម្ខាងទៀត ម៉ាក NAVARA ពាក់ស្លាកលេខភ្នំពេញ2AT-8835 របស់ឈ្មោះ ឃិន សុផល ភេទប្រុស អាយុ៤៦ឆ្នាំ ជនជាតិខ្មែរ មុខរបរមន្ត្រីរាជការ មានទីលំនៅបច្ចុប្បន្នភូមិកាតេ ឃុំលំជ័រ ស្រុកអូរយ៉ាដាវ ខេត្តរតនគិរី បណ្ដាលឲ្យរថយន្តខាងលើវាក់អើចាប់ហ្វ្រាំងមិនទាន់ ក៏បុកម៉ូតូពីមុខពេញទំហឹង បណ្ដាលឲ្យអ្នកបើកម៉ូតូឆ្លងផ្លូវខ្ទាតផ្លោងធ្លាក់ពីលើផ្លូវបណ្ដាលឲ្យស្លាប់បាត់បង់ជីវិតនៅកន្លែងកើតហេតុភ្លាមៗតែម្តង។

សមត្ថកិច្ចមូលដ្ឋានបានដាក់ការសង្ស័យថា ជនបង្ក( រម៉ាម បឿន )បើកម៉ូតូវ៉ារថយន្តមួយគ្រឿងដែលស្របទិសគ្នាដោយខ្វះការប្រុងប្រយ័ត្នហើយ បណ្ដាលឲ្យចូលទៅផ្លូវខាងស្ដាំដៃរបស់រថយន្ត ឃិន សុផល (ជនរងគ្រោះ)តែម្ដងចំណែកវត្ថុតាង ម៉ូតូនិងរថយន្តទាំងពីរគ្រឿងខាងលើត្រូវបានកម្លាំងជំនាញសហការជាមួយប៉ុស្តិ៍រដ្ឋបាលឃុំប៉ាតេយកមករក្សាទុកនៅកន្លែងអធិការដ្ឋាននគរបាលស្រុកអូរយ៉ាដាវ រង់ចាំធ្វើការដោះស្រាយតាមនីតិវិធីច្បាប់។