ចរាចរណ៍

ម៉ូតូចាប់ហ្វ្រ័ងអកស្សឺជង្ហុក ត្រូវរថយន្តបុកពីក្រោយរបួសបាក់ជើងម្ខាង

បានផុស

៤ years មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

ភ្នំពេញ ៖ បុរសម្នាក់បានរងរបួសបាក់ជើងម្ខាង ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗបន្ទាប់ពីរូបគាត់ជិះម៉ូតូអកស្សឺជង្ហុកចាប់ហ្វ្រ័ងត្រូវរថយន្តមកពីក្រោយបុក កាលពីវេលាម៉ោ៩យប់ ថ្ងៃទី២៣ ខែកញ្ញា ឆ្នាំ២០២១ នៅចំណុចខាងត្បូងស្ពានដែក ចំការដូង តាមបណ្តោយផ្លូវលេខ២១៧ ក្នុងសង្កាត់ដង្កោ ខណ្ឌដង្កោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញបុរសវ័យចំណាស់ម្នាក់ជិះម៉ូតូម៉ាកឃ្លីក ពណ៌ក្រហម ពាក់ស្លាកលេខភ្នំពេញ2CF 1146 ធ្វើដំណើរតាមបណ្តោយផ្លូវលេខ២១៧ ក្នុងទិសដៅពីជើងទៅត្បូងខណៈមកដល់ចំណុចកើតហេតុដោយសារតែមានជង្ហុកទើបចាប់ហ្វ្រ័ងបង្ខំភ្លាមនោះ ស្រាប់តែមានរថយន្តម៉ាកព្រូស ពណ៌ប្រផេះ ពាក់ស្លាកលេខភ្នំពេញ2BD 3100 បើកបរដោយបុរសម្នាក់ធ្វើដំណើរមកពីក្រោយជ្រុលបុកបណ្តាលឲ្យម្ចាស់ម៉ូតូរបួសបាក់ជើងខាងឆ្វេងចំណែកម៉ូតូនិងរថយន្តរងការខូចខាតបន្តិចបន្តួច។

ក្រោយកើតហេតុជនរងគ្រោះ ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ដោយឡែករថយន្តនិងម៉ូតូត្រូវបានសមត្ថកិច្ចចុះធ្វើការវាស់វែងយកទៅរក្សាទុករង់ចាំដោះស្រាយពេលក្រោយ៕

ដោយ ៖ សុខា