ទោះភ្ញៀវទេសចរទៅកម្សាន្តច្រើនជាងគេ តែអត្រាឆ្លងកូវីដនៅខេត្តកំពត មិនកើន
Connect with us
Helistar Cambodia - Helicopter Charter Services

ចរាចរណ៍

ទោះភ្ញៀវទេសចរទៅកម្សាន្តច្រើនជាងគេ តែអត្រាឆ្លងកូវីដនៅខេត្តកំពត មិនកើន

បានផុស

នៅ

ប្រធានមន្ទីរសុខាភិបាលខេត្តកំពត បានអះអាងថា បើទោះបីជាមានភ្ញៀវទេសចរទៅកម្សាន្តនៅក្នុងពិធីបុណ្យភ្ជុំបិណ្ឌកន្លងទៅច្រើនជាងគេ ក៏អត្រាឆ្លងជំងឺកូវីដ-១៩ នៅខេត្តកំពតមិនមានកើនឡើងនោះដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់ក្រសួងទេសចរណ៍ បានឱ្យដឹងថា រយៈពេល៣ថ្ងៃនៃពិធីបុណ្យភ្ជុំបិណ្ឌគឺចាប់ពីថ្ងៃទី៥-៧ ខែតុលា ឆ្នាំ២០២១ មានភ្ញៀវទេសចរចេញដើរទស្សនាកម្សាន្តសរុប ៦៦៤,៦៩៧ នាក់។ ក្នុងនោះខេត្តកំពតទទួលបានភ្ញៀវទេសចរច្រើនជាងគេគឺចំនួន ១០២,៥៩៣ នាក់។ បន្ទាប់មកខេត្តព្រះសីហនុមានភ្ញៀវទៅកម្សាន្តចំនួន ៨០,៥១៩ នាក់។ 

លោកវេជ្ជបណ្ឌិត ញា ប៊ុនថន ប្រធានមន្ទីរសុខាភិបាលខេត្តកំពត បានមានប្រសាសន៍នៅរសៀលថ្ងៃទី១៦ ខែតុលានេះថា៖ “ពិធីបុណ្យភ្ជុំបិណ្ឌកន្លងទៅនេះ ខ្ញុំមានការព្រួយបារម្ភខ្លាំងណាស់ដោយសារមានភ្ញៀវទេសចរយើងបានសម្រុកទៅខេត្តកំពតយ៉ាងច្រើន តែក្រោយពីពិធីបុណ្យបានបញ្ចប់ឃើញថា មិនមានបញ្ហាអ្វីទេ គឺអត្រាឆ្លងជំងឺកូវីដ-១៩ ប្រចាំថ្ងៃមិនមានការកើនឡើងដូចយើងព្រួយបារម្ភនោះឡើយ”។

លោកវេជ្ជបណ្ឌិត ញា ប៊ុនថន បានបន្តថា កាលពីមុនពិធីបុណ្យភ្ជុំ រកឃើញក្នុងរង្វង់ ១០ ទៅ ២០នាក់ក្នុង១ថ្ងៃ ក្នុងចំណោមអ្នកដែលមានការសង្ស័យប្រមាណ ១០០ នាក់ ហើយភ្ជុំចប់ក៏រកឃើញប្រហាក់ប្រហែលគ្នាដដែល។

លោកវេជ្ជបណ្ឌិត ញា ប៊ុនថន បានបន្តទៀតថា ការណ៍ដែលមិនមានការឆ្លងកើនឡើងខណៈមានមនុស្សរាប់ម៉ឺននាក់ជួបជុំកម្សាន្តច្រើនបែបនេះ លោកក៏មិនដឹងថាបណ្តាមកពីមូលហេតុអ្វីដែរ ព្រោះក្រសួងកំពុងធ្វើការវាយតម្លៃលើបញ្ហានេះ។

យ៉ាងណាក៏ដោយ លោកវេជ្ជបណ្ឌិត ញា ប៊ុនថន បានសន្និដ្ឋានថា អាចមកពីការចាក់វ៉ាក់សាំងបានច្រើន និងប្រជាពលរដ្ឋអនុវត្តបានយ៉ាងត្រឹមត្រូវនូវវិធានការរបស់ក្រសួងសុខាភិបាល ៣កុំ៣ការពារ ពេលដើរកម្សាន្ត។

បើតាមរដ្ឋមន្ត្រីក្រសួងទេសសចរណ៍បានឱ្យដឹងថា ភ្ញៀវទេសចរភាគច្រើនដែលដើរកម្សាន្តក្នុងពិធីបិណ្យភ្ជុំកន្លងទៅគឺ ជ្រើសរើសការដើរកម្សាន្តជាក្រុមគ្រួសារ ហើយខ្លះទៀតដើរកម្សាន្តច្រើនគោលដៅជាលក្ខណៈរង្វង់ខ្សែទស្សនកិច្ច។ ភ្ញៀវទេសចរមួយចំនួនបានជ្រើសរើសកន្លែងស្នាក់នៅដែលមានចង្រ្កានបាយ ឬកន្លែងចម្អិនអាហារភ្ជាប់ជាមួយ ខណៈដែលភ្ញៀវខ្លះទៀតជ្រើសរើសការទទួលទានអាហារជាលក្ខណៈសាច់អាំងគ្រួសាររៀបចំដោយខ្លួនឯង ហើយខ្លះទៀតក៏រៀបចំម្ហូបអាហារ ឬចង្រ្កានអាំងសាច់ និងប្រដាប់ប្រដាធ្វើម្ហូបផ្ទាល់ខ្លួនដាក់ក្នុងរថយន្តក្នុងពេលធ្វើដំណើរកម្សាន្តផងដែរ ដើម្បីកាត់បន្ថយការជួបជុំក្រុមភ្ញៀវផ្សេង និងសន្សំសំចៃថវិកាបានខ្លះ។

លោករដ្ឋមន្ត្រីបានបន្តថា ប្រជាពលរដ្ឋភាគច្រើនបានចូលរួមអនុវត្តវិធានការទប់ស្កាត់កូវីដ-១៩ ពិសេសការពាក់ម៉ាស់ស្ទើរ ១០០%។ ប៉ុន្តែការរក្សាគម្លាតនៅតែជាកត្តាចម្បងដែលចាំបាច់ត្រូវមានការយកចិត្តទុកដាក់អប់រំណែនាំ និងក្រើនរំលឹកបន្ថែមទៀត ពិសេសនៅតាមគោលដៅទេសចរណ៍មួយចំនួន ដែលមានការទាក់ទាញខ្លាំង។

ចំណែកនៅតាមគោលដៅទេសចរណ៍ទាំងអស់ ក្រុមការងារររដ្ឋបាលរាជធានី-ខេត្ត និងមន្ទីរទេសចរណ៍ បានខិតខំប្រឹងប្រែងចុះពិនិត្យ អប់រំណែនាំ ការអនុវត្តវិធានការ “៣កុំ និង ៣ការពារ” វិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដាអប្បបរមា (SOP)។

ក្នុងឱកាសអញ្ជើញបិទយុទ្ធនាការចាក់វ៉ាក់សាំងកូវីដ-១៩ ជុំទី១ ជូនប្រជាពលរដ្ឋអាយុ១៨ឆ្នាំឡើង នៅខេត្ដកំពង់ឆ្នាំង កាលពីថ្ងៃទី១២ ខែតុលា កន្លងទៅនេះលោក ស្រី វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានលើកឡើងថា ទំហំនៃការរីករាលដាលនៃកូវីដ-១៩ ក្នុងឱកាសបុណ្យភ្ជុំបិណ្ឌត្រូវរង់ចាំរយៈចន្លោះពេលពីមួយសប្តាហ៍ទៅពីរសប្ដាហ៍ ក្រោយភ្ជុំបិណ្ឌទើបអាចវាយតម្លៃបាន។

លោកស្រីបានបន្តថា ការវាយតម្លៃសភាពការណ៍នៃការឆ្លងជំងឺកូវីដ-១៩ ត្រូវមានការចូលរួមពីផ្នែកពាក់ព័ន្ធជាច្រើនដូចជា គណៈប្រចាំការ គណៈប្រតិបត្តិ និងគណៈកម្មការអន្តរក្រសួងប្រយុទ្ធនឹងជំងឺកូវីដ-១៩។ ក្រោយមានការវាយតម្លៃ និងពិភាក្សាគ្នាពីផ្នែកពាក់ព័ន្ធរួចហើយ ត្រូវមានការជម្រាបជូនដ៏ខ្ពង់ខ្ពស់ជូនសម្តេចតេជោ ហ៊ុន សែន នាយករដ្ឋមន្រ្តី ដើម្បីធ្វើសេចក្តីសម្រេច៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ថ្នាក់ដឹកនាំ​អាជ្ញាធរ​ជាតិ​អប្សរា​ចុះ​ពិនិត្យ​ទីតាំង​ត្រៀម​រៀបចំ​ព្រឹត្តិការណ៍​«​រំលឹក​គុណ​អង្គរ​»

នយោបាយ៣ ម៉ោង មុន

គណបក្ស​បេះដូង​ជាតិ ដាក់ពាក្យ​បណ្តឹង​ចូល​ទៅ​កាន់​តុលាការ​កំពូល​រួច​ហើយ នា​រសៀល​នេះ

ជីវិតកម្សាន្ដ៣ ម៉ោង មុន

ឈុត​តំណាង​ជាតិ​បវរ​កញ្ញា​កម្ពុជា​២​រូប​ ត្រៀម​បង្អួត​លើ​ឆាក​អន្តរជាតិ​កំពុង​អង្រួន​បេះដូង​អ្នកគាំទ្រ

ជីវិតកម្សាន្ដ៤ ម៉ោង មុន

ផ្ទុះ​ការគាំទ្រ ! ពេជ្រ សោភា គ្រង​ឈុត​ស្រី្ត​ខ្មែរ​ក្រុង​លង្វែក​អាយុកាល​១០​ឆ្នាំ

កីឡា៤ ម៉ោង មុន

សិក្ខាកាម​ទទួល​លទ្ធផល​ល្អ​៣០% សម្រាប់​សិក្សា​វគ្គ​បណ្តុះបណ្តាល​បច្ចេកទេស​គ្រូ​បង្វឹក​អន្តរជាតិ​កម្រិត ១​កីឡា​ទោចក្រយាន

Sokha Hotels

ព័ត៌មានពេញនិយម

Helistar Cambodia - Helicopter Charter Services