ចរាចរណ៍
រថយន្តធុនត្រា បើកលឿនដូចហោះបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស
មនុស្សប្រុសស្រីចំនួន ៣នាក់ បានស្លាប់រណូករណែលនៅតាមចិញ្ចើមផ្លូវ នៅនឹងកន្លែងកើតហេតុយ៉ាងអាណោចអាធ័ម និងមនុស្សប្រុស-ស្រី ៣នាក់ទៀត បានរងរបួសធ្ងន់ស្រាល ត្រូវបានបញ្ជូនទៅសង្គ្រោះនៅឯមន្ទីរពេទ្យភ្លាមៗក្រោយមានបុរសម្នាក់ រួមដំណើរដោយបុរសម្នាក់ទៀត បើករថយន្តធុនត្រាមួយគ្រឿង ក្នុងល្បឿនលឿនដូចហោះ បានរេចង្កូតបុករះ កាលពីវេលាម៉ោង ១០ និង១៥នាទីយប់ថ្ងៃទី១៦ ខែតុលា ឆ្នាំ២០២១ នៅខាងលិចសួនឧស្សាហកម្មកាណាឌីយ៉ា តាមបណ្ដោយផ្លូវចោមចៅ ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
បុរសជាអ្នកបើកបរ រថយន្តបង្កមានឈ្មោះ ហៃ វិចិត្ត្រា ភេទប្រុសអាយុ ៣៤ឆ្នាំ មានទីលំនៅ ភូមិស្រែអំបិល ឃុំស្រែអំបិល ស្រុកស្រែអំបិល ខេត្តកោះកុង។ សពជនរងគ្រោះទាំង ៣នាក់ និងអ្នករងរបួសធ្ងន់ស្រាលចំនួន ៣នាក់ទៀត មិនស្គាល់អត្តសញ្ញាណនៅឡើយ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេឃើញបុរសម្នាក់ រួមដំណើរដោយបុរសម្នាក់ទៀត បើករថយន្ដធុនត្រាពណ៌ខ្មៅមួយគ្រឿង ពាក់ស្លាកលេខ ភ្នំពេញ 2AG-7060 ធ្វើដំណើរទិសពីកើតទៅលិចក្នុងល្បឿនលឿនដូចហោះ។
លុះមកដល់កន្លែងកើតហេតុខាងលើ ខណៈមេឃកំពុងធ្លាក់ភ្លៀងផង បានរេចង្កូតមកខាងស្ដាំដៃឡើងលើចិញ្ចើមផ្លូវបុករះម៉ូតូ រទេះលក់សាច់គោះដុត និងផ្ទះប្រជាពលរដ្ឋ ក៏ដូចជាស្លាកសញ្ញាចរាចរណ៍ បណ្ដាលឲ្យដួល និងបែកបាក់រាយពេញផ្លូវ និងសម្ភារ:មួយចំនួនទៀតរងការខូចខាត។ ចំណែកមនុស្សប្រុសស្រី ៦នាក់ ដែលកំពុងឈរនៅចិញ្ចើមផ្លូវ បណ្ដាលឲ្យមនុស្សប្រុស-ស្រី ៣នាក់ បានស្លាប់នៅនឹងកន្លែងកើតហេតុភ្លាមៗ។
ចំណែកប្រុស-ស្រី ៣នាក់ទៀតបានរងរបួសធ្ងន់ស្រាល ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះ នៅឯមន្ទីរពេទ្យភ្លាមៗ។ ភ្លាមនោះម្ចាស់រថយន្តបង្ក និងអ្នករួមដំណើរ បាននាំគ្នារត់គេចខ្លួន តែត្រូវបានប្រជាពលរដ្ឋនាំគ្នាធ្វើការឃាត់ខ្លួន រួចប្រគល់ជូនសមត្ថកិច្ច បញ្ជូនទៅប៉ុស្តិ៍នគរបាលរដ្ឋបាលចោមចៅទី១ ភ្លាមៗ។
ក្រោយកើតហេតុសមត្ថកិច្ចមូលដ្ឋាន បានចុះមកដល់ចំណុចទីតាំងកើតហេតុខាងលើ។ ចំណែករថយន្ត និងជនបង្កត្រូវបានកម្លាំងសមត្ថកិច្ចជំនាញវាស់វែង រួចយកទៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីចាត់ការតាមនីតិវិធីច្បាប់។ រីឯសពជនរងគ្រោះ ត្រូវបានសមត្ថកិច្ចធ្វើកំណត់ហេតុ រួចទំនាក់ទំនងរកសាច់ញាតិ មកទទួលយកទៅធ្វើបុណ្យតាមប្រពៃណី៕
អត្ថបទ៖ សុខា
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៥ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៦ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៤ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ចរាចរណ៍១ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានជាតិ៧ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៣ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?