ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ពេញមួយឆ្នាំ២០២៣  ករណីគ្រោះថ្នាក់ចរាចរណ៍ក្នុងខេត្តកំពង់ចាម  មានចំនួន១៦៦លើក  បេីធៀបទៅនឹងឆ្នាំ២០២២មានកេីនឡេីងចំនួន៥លេីក  ខណៈគ្រោះថ្នាក់ចរាចរណ៍នេះកេីតឡេីងច្រេីនជាងគេគឺនៅលេីផ្លូវក្នុងស្រុកចំនួន៣ ។ នេះបេីតាមការបញ្ជាក់  លោកឧត្តមសេនីយ៍ត្រី  សោម  រស់  ស្នងការរង ផ្នែកសណ្ឋាប់ធ្នាប់  និងចរាចរណ៍  នៃស្នងការដ្ឋាននគរបាលខេត្តកំពង់ចាម។

លោកឧត្តមសេនីយ៍ត្រី  សោម  រស់  បានឲ្យដឹងថា  ក្រោយពីបូកសរុបការងារប្រចាំឆ្នាំ២០២៣  រយៈពេល ១២ខែ  គឺឃេីញថា  អត្រាគ្រោះថ្នាក់ចរាចរណ៍តាមដងផ្លូវមានការកេីនឡេីងរហូតដល់១៦៦លេីក  ដែលបណ្តាលឲ្យមានអ្នកបាត់បង់អាយុជីវិត១១២នាក់  និងរងរបួសធ្ងន់ស្រាលចំនួន២៤០នាក់។ លោកឧត្តមសេនីយ៍ត្រី  បន្ថែមទៀត ថា  ការកេីនឡេីងនៃគ្រោះថ្នាក់ចរាចរណ៍នេះភាគច្រេីនកេីតមានឡេីងនៅលេីផ្លូវជាតិសំខាន់ៗដូចជា៖  នៅស្រុកបាធាយ  ស្រុកស្ទឹងត្រង់  និងស្រុកកងមាស  ហេីយភាគច្រេីនគឺបង្កឡេីងដោយអ្នកប្រេីប្រាស់ផ្លូវគឺជាយុវវ័យ  ដោយមានការធ្វេសប្រហេស ក្នុងការបេីកបរ មិនគោរព ច្បាប់ចរាចរណ៍   និងពលរដ្ឋមួយចំនួនមានការកែច្នៃយានយន្តនិងម៉ូតូខុសបច្ចេកទេសដូចជាគ្មានភ្លេីងបំភ្លឺគ្រប់គ្រាន់។ 

ទន្ទឹមនឹងនេះដែរ  លោកឧត្តមសេនីយ៍ត្រី  សោម  រស់  ស្នងការរង ផ្នែកសណ្ឋាប់ធ្នាប់  និងចរាចរណ៍  នៃស្នងការដ្ឋាននគរបាលខេត្តកំពង់ចាម  ក៍បានអំពាវនាវដល់គ្រប់អង្គភាព ស្ថាប័ន គ្រឹះស្ថានសិក្សា សហគមន៍ ចូលរួមផ្សព្វផ្សាយស្តីពីការអប់រំច្បាប់ និងគោរពច្បាប់ចរាចរណ៍ផ្លូវគោកឱ្យបានគ្រប់ៗគ្នា នឹងស្នើសុំគ្រប់ស្ថាប័ន រោងចក្រ សហគ្រាស និងសហគមន៍ ពង្រឹងការប្រើប្រាស់យានយន្តកែច្នៃ ម៉ូតូខ្វះភ្លើង សញ្ញា ចូលរួមកែលម្អ និងជម្រុញការប្រើប្រាស់ឱ្យបានត្រឹមត្រូវតាមបទដ្ឋានបច្ចេកទេស៕

 អត្ថបទ និង រូបភាព ៖ ឡេក  ចាន់ពេជ្រ