ចរាចរណ៍

Update៖ សមត្ថកិច្ចឃាត់អ្នកបើករថយន្ដបង្កគ្រោះថ្នាក់នៅផ្លូវ៦០ម៉ែត្រ អ្នកបង្កជាជនជាតិចិន

បានផុស

២ years មុន

នៅ

ថ្ងៃអង្គារ ១៣ កុម្ភៈ ២០២៤

ដោយ

នៅវេលាម៉ោង១១និង១០នាទី ថ្ងៃទី១៣ ខែកុម្ភៈ ឆ្នាំ២០២៤ កម្លាំងជំនាញនៃស្នងការដ្ឋាននគរបាលរាជធានីភ្នំពេញ បានឃាត់ខ្លួនអ្នកបើកបររថយន្តបង្កគ្រោះថ្នាក់ចរាចរណ៍នៅផ្លូវ៦០ម៉ែត្របានហើយ អ្នកបើករថយន្ដបង្កជាជនជាតិចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍របស់ស្នងការដ្ឋាននគរបាលរាជធានីភ្នំពេញ បានឲ្យដឹងនៅរសៀលថ្ងៃទី១៣កុម្ភៈនេះថា អ្នកបើករថយន្ដបង្កមានឈ្មោះ HUANG PENG ភេទប្រុស ជនជាតិចិន មុខរបរ អ្នកត្រួតពិនិត្យបច្ចេកទេសយានយន្តនៅម្ដុំអូឡាំព្យា ខណ្ឌ៧មករា ត្រូវបានឃាត់ខ្លួននៅចំណុចបុរី R & F ផ្លូវ៦០ម៉ែត្រ សង្កាត់ចាក់អង្រែលើ ខណ្ឌមានជ័យ បច្ចុប្បន្នសមត្ថកិច្ចកំពុងកសាងសំណុំរឿងចាត់ការតាមនីតិវិធី។

សូមបញ្ចាក់ថា នៅវេលាម៉ោង០៩និង០៥នាទីនៅព្រឹកថ្ងៃទី១៣ ខែកុម្ភៈដដែលនេះ កម្លាំងនគរបាលអធិការដ្ឋាននគរបាលខណ្ឌដង្កោ បានសហការជាមួយកម្លាំងការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានរកឃើញរថយន្ដដែលបង្កគ្រោះថ្នាក់នៅផ្លូវ៦០ម៉ែត្រ ខណៈអ្នកបើកបរយកមកចតប្លុងចោលនៅមុខអាគារ បុរី អ & អេហ្វ (R&F) ស្ថិតនៅលើផ្លូវ ៦០ម៉ែត្រ សង្កាត់ចាក់អង្រែលើ ខណ្ឌមានជ័យ។ រថយន្ដបង្កម៉ាក HILUX REVO ពណ៌ស ពាក់ស្លាកលេខ ភ្នំពេញ 2AQ 1520 ។

គួររំលឹកថា កាលពីយប់ថ្ងៃទី១១ ខែកុម្ភៈ ឆ្នាំ២០២៤ វេលាម៉ោង២១និង៣០នាទី ផ្លូវ៦០ម៉ែត្រ ស្ថិតនៅភូមិព្រែកថ្លឹង សង្កាត់ជើងឯក ខណ្ឌដង្កោ រថយន្តបង្កបានបើកបុកម៉ូតូម៉ាក HONDA CUB ពណ៌ខៀវ ពាក់ផ្លាកលេខ ភ្នំពេញ 1AV.8317 បណ្ដាលឱ្យរងរបួសស្រាលចំនួន០២នាក់ និងស្លាប់ក្មេងស្រីម្នាក់។ ក្រោយពីកើតហេតុរថយន្ថបង្កបានបើគរត់គេចខ្លួន រហូតមកដល់ព្រឹកថ្ងៃទី១៤កុម្ភៈនេះ ទើបកម្លាំងនគរបាលស្រាវជ្រាវរកឃើញ៕

អត្ថបទ៖ សុខុម