សង្ក្រាន្ត៣ថ្ងៃនៅថៃ ផ្តាច់ជីវិតមនុស្សលើដងផ្លូវ ១១៦នាក់

គិតត្រឹមថ្ងៃទី៣នៃពិធីបុណ្យសង្ក្រាន្តក្នុងប្រទេសថៃ មានករណីគ្រោះថ្នាក់ចរាចរណ៍កើតឡើងសរុប ៩៣៦ករណី  និងមានមនុស្សស្លាប់ចំនួន១១៦នាក់ ​រងរបួស ៩៦៨​នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់ពី​ថ្ងៃទី​១១ដល់​ថ្ងៃទី​១៣ខែមេសា, ខេត្ត Nakhon Si Thammarat និង Songkhla មានគ្រោះថ្នាក់កើតឡើងច្រើនជាងគេ ពោលគឺខេត្តនីមួយៗមានករណីគ្រោះថ្នាក់ចរាចរណ៍៣៩លើកប៉ុន្តែ Songkhla ជាខេត្តមានអ្នករបួសច្រើនជាងគេ គឺ៤៥នាក់។

ទោះបីជាយ៉ាងណាក៏ដោយ ទីក្រុងបាងកក ជាប់លេខមួយ ជាកន្លែងមានមនុស្សស្លាប់ច្រើនបំផុត ពោលគឺ៨នាក់ ក្នុងរយៈពេល៣ថ្ងៃមកនេះ។

ស្របពេលជាមួយគ្នានោះ បើយោងតាមរបាយការណ៍, មូល​ហេតុដែល​បណ្ដាល​ឲ្យ​កើតមាន​គ្រោះថ្នាក់​ចរាចរណ៍ច្រើនជាងគេ គឺបើកបរហួស​ល្បឿនកំណត់ ៤០.០៥% និងបើកបរក្នុងស្ថានភាពស្រវឹង ២៧.៨១%។

ដោយឡែក យានជំនិះដែលបង្កគ្រោះថ្នាក់ច្រើនជាងគេគឺ ម៉ូតូ ៨៥.៥% ខណៈគ្រោះថ្នាក់ភាគច្រើនកើតឡើងលើផ្លូវត្រង់ ៨១.៦៣% លើផ្លូវហាយវ៉េ៣៥.៩៧% និងផ្លូវក្នុងទីជនបទ៣០.១%៕

អត្ថបទ៖ សុខ សុវណ្ណ

​ចុចអាន៖ មេឃក្តៅខ្លាំង ថ្ងៃសង្ក្រាន្តនៅថៃ ផ្តាច់ជីវិតបុរសម្នាក់ ទាំងកំពុងជិះក្នុងរថយន្ត