ឈប់សម្រាក៥ថ្ងៃមុនឆ្លងឆ្នាំនៅថៃ គ្រោះថ្នាក់ចរាចរណ៍ ផ្តាច់ជីវិតមនុស្ស ២១៥នាក់

នៅថ្ងៃព្រហស្បតិ៍ទី១ខែមករាឆ្នាំ២០២៥ ប្រទេសថៃបានចេញរបាយការណ៍ថា អំឡុងពេលឈប់សម្រាកត្រឹម៥ថ្ងៃប៉ុណ្ណោះ មុនឆ្លងឆ្នាំសកល, គ្រោះថ្នាក់ចរាចរណ៍ ១ ៣៩៨ករណីបានកើតឡើងទូទាំងប្រទេស សម្លាប់មនុស្ស២១៥នាក់ និងរបួស ១ ៣៥៤នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រយៈពេល៥ថ្ងៃនេះគឺរាប់ចាប់ពីថ្ងៃទី២៧ដល់៣១ខែធ្នូឆ្នាំ២០២៤ ខណៈត្រឹមតែមួយថ្ងៃអង្គារ គឺមានគ្រោះថ្នាក់ចរាចរណ៍រហូតដល់ទៅ២៦២ករណី បណ្តាលឲ្យមនុស្ស៣៦នាក់បាត់បង់ជីវិត និង២៤៥នាក់រងរបួស។

បើយោងតាមលោក Somsak Thepsutin រដ្ឋមន្ត្រីក្រសួងសុខាភិបាលសាធារណៈថៃ, កន្លែងដែលមានមនុស្សស្លាប់ច្រើនជាងគេគឺ ទីក្រុងបាងកក ១០នាក់ និងខេត្ត Nonthaburi ១០នាក់។ រីឯខេត្តដែលមានករណីគ្រោះថ្នាក់ចរាចរណ៍ច្រើនជាងគេគឺ អយុធ្យា មាន៤៤ករណី។

ក្នុងនោះដែរ លោក Somsak បញ្ជាក់ថា គ្រោះថ្នាក់ចរាចរណ៍ភាគច្រើនគឺបណ្តាលមកពីបើកបរហួសល្បឿនកំណត់ ដែលមាន៤២.៧៥% និងបន្ទាប់មកគឺ បើកបរក្នុងស្ថានភាពស្រវឹង ២៤.៤៣%៕

អត្ថបទ៖ សុខ សុវណ្ណ

ចុចអាន៖ ៥ស្រុកនៅថៃ ប្រកាសអាសន្ន ដាក់ចូលជាតំបន់ក្រហមដោយសារ ហានិភ័យជំងឺអាសន្នរោគ