ក្រៅពី Lampang រញ្ជួយដីវាយប្រហារខេត្ត Tak ក្នុងទឹកដីថៃ មួយទៀត

ផ្នែកឃ្លាំមើលគ្រោះរញ្ជួយដីបានរាយការណ៍ ពីការរញ្ជួយដីកម្រិត ៣.២ រ៉ិចទ័រ ដែលមានជម្រៅ ១ គីឡូម៉ែត្រ នៅក្នុងស្រុក Sam Ngao ខេត្ត Tak កាលពីព្រឹកថ្ងៃទី១៨ ខែវិច្ឆិកា ឆ្នាំ ២០២៥ ខណៈអាជ្ញាធរអគ្គិសនីថៃ (EGAT) បានបញ្ជាក់ថា ស្ថេរភាពនៃទំនប់ទឹក Bhumibol មិនបានលេចធ្លាយឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍ thethaigerផ្នែកឃ្លាំមើលគ្រោះរញ្ជួយដីនៃនាយកដ្ឋានឧតុនិយមក្នុងប្រទេសថៃ បានបញ្ចាក់ថា នៅម៉ោងប្រហែលជា ៩:៣៦ ព្រឹកថ្ងៃនេះ គ្រោះរញ្ជួយដីដែលមានចំណុចកណ្តាលនៅឃុំ Ban Na ស្រុក Sam Ngao ខេត្ត Tak ដោយវាស់បានក្នុងកម្រិត ៣.២ រ៉ិចទ័រ និងមានជម្រៅត្រឹមតែ ១ គីឡូម៉ែត្រប៉ុណ្ណោះ។

ទោះជាយ៉ាងណាក៏ដោយ គ្រោះរញ្ជួយដីនេះមានចំណុចកណ្តាលប្រហែល ៤៨.៨១ គីឡូម៉ែត្រភាគពាយ័ព្យនៃទំនប់ Bhumibol ដែលបង្កើនការព្រួយបារម្ភក្នុងចំណោមប្រជាជនដែលរស់នៅក្នុងតំបន់ទាំងនោះ។

ដោយឡែក នៅលើទំព័រហ្វេសប៊ុកផ្លូវការរបស់ទំនប់ភូមិភាគនៃខេត្ត Tak និងអាជ្ញាធរផលិតអគ្គិសនីថៃ (EGAT) ក៏បានចេញការបញ្ជាក់ពីស្ថានភាពនេះភ្លាមៗថា ការរញ្ជួយដីនេះគឺមិនមានផលប៉ះពាល់ដល់ស្ថេរភាពនៃទំនប់ Bhumibol និងទំនប់ទឹក EGAT ផ្សេងទៀតទេ។

សូមបញ្ចាក់ថា ក្នុងថ្ងៃតែមួយនេះដែរ គ្រោះរញ្ជួយដីក៏បានវាយប្រហារខេត្ត Lampang ភាគខាងជើងប្រទេសថៃ កាលពីវេលាម៉ោង៥:១៩នាទីព្រឹកព្រលឹម ស្ថិតក្នុងតំបន់ Thung Kwao នៃស្រុក Pan ដោយក្នុងកម្រិតស្រាលត្រឹម ២.២រ៉ិចទ័រ ជាមួយជម្រៅ១គីឡូម៉ែត្រប៉ុណ្ណោះ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

រញ្ជួយដី ជម្រៅរាក់ វាយប្រហារខេត្ត Lampang ​ប្រទេសថៃ