កីឡា

អ្នកជំនាញកីឡា ចង់ឲ្យខេត្តព្រះសីហនុល្បីខាងផ្នែកកីឡាប្រដាល់ដូច Las Vegas សហរដ្ឋអាមេរិក

បានផុស

៦ ខែ មុន

នៅ

ថ្ងៃពុធ ២៦ វិច្ឆិកា ២០២៥

ដោយ

ថ្នាក់ដឹកនាំផ្នែកកីឡា លោក វ៉ាត់ ចំរើន ចង់ប្រែក្លាយខេត្តព្រះសីហនុឲ្យមានភាពល្បីល្បាញដូចទៅហ្នឹងទីក្រុង Las Vegas របស់សហរដ្ឋអាមេរិកដែលប្រជុំដោយការប្រកួតប្រដាល់ធំៗដែលមានគេដឹងទូទាំងពិភពលោក និងមានសន្ទុះការគាំទ្រខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាត់ ចំរើន

លោក វ៉ាត់ ចំរើន រដ្ឋលេខាធិការក្រសួងអប់រំ និងជាអគ្គលេខាធិការ NOCC បានឲ្យដឹងថា បន្ទាប់ពីបញ្ចប់ស៊ីហ្គេម លើកទី៣២ នៅកម្ពុជាកន្លងទៅនេះកីឡាគុនខ្មែរមានភាពល្បីល្បាញពាសពេញពិភពលោកព្រមទាំងទទួលបានការចុះឈ្មោះជាសមាជិកកើនឡើងដល់ជាង ៦០ប្រទេសឯណោះ។

រូបភាពតំណាង

កម្ពុជាមានគោលដៅជាច្រើនទៀតក្នុងការជំរុញ និងអភិវឌ្ឍន៍កីឡាគុនខ្មែរនេះពីកម្រិតតំបន់អាស៊ីអាគ្នេយ៍ទៅតំបន់ទ្វីប និងឆ្ពោះទៅកាន់អូឡាំពិក។ កម្ពុជាមានគោលដៅច្រើននៅថ្ងៃខាងមុខនេះ ដូច្នេះដើម្បីសម្រេចចក្ខុវិស័យមួយនេះទាល់តែមហាជនទូទាំងប្រទេសជួយឧបត្ថម្ភគាំទ្រទាំងស្មារតីទាំងលទ្ធភាពក្នុងការអភិវឌ្ឍន៍ និងអភិរក្ស។

រូបភាពតំណាង

អ្នកជំនាញផ្នែកកីឡារូបនេះបន្ថែមទៀតថា ខេត្តព្រះសីហនុជាខេត្តដែលមានសក្កានុពលសេដ្ឋកិច្ចខ្ពស់។ លោកចង់ឲ្យខេត្តមួយនេះដូចជាគំរូដែលគេធ្លាប់ធ្វើនៅសហរដ្ឋអាមេរិក និងគ្រប់គ្នាគិតដល់ Las Vegas គឺតែងតែនិយាយពីការប្រកួតប្រដាល់ធំៗលើពិភពលោកនៅទីនោះ។ កម្ពុជាក៏ដូចគ្នាចង់ឲ្យខេត្តព្រះសីហនុក្លាយជាកន្លែងអញ្ជើញជើងខ្លាំងៗលើពិភពលោកមកប្រកួតនៅទីនេះ។ ហេតុដូចនេះទាល់តែខេត្តមួយនេះចងក្រមបណ្ដាសណ្ឋាគារទៅជាសមាគមមួយ និងសហការជាមួយខាងជំនាញសហព័ន្ធគុនខ្មែរអន្តរជាតិរៀបចំធ្វើការប្រកួតជារៀងរាល់ឆ្នាំ និងលើកតម្លៃកីឡាករ និងវិស័យកីឡាគុនខ្មែរ ឲ្យកាន់តែខ្ពស់ទៅៗរហូតដល់ពិភពលោកចាប់អារម្មណ៍មកទស្សនាការប្រកួតគុនខ្មែរពិភពលោកនៅទីនេះ។

រូបភាពតំណាង

នេះជាសុបិនទាំងអស់គ្នាដែលគ្រប់គ្នាត្រូវខំប្រឹងប្រែងធ្វើកិច្ចការងារនេះជាមួយរដ្ឋបាលខេត្តដើម្បីកៀងគរការចូលរួម និងដាក់ផែនការចាប់ផ្ដើមពីឆ្នាំណាឈានទៅដល់ការបង្កើតជាកេរ្តិ៍ឈ្មោះ នៃការប្រកួតគុនខ្មែរដ៏ធំមួយលក្ខណៈអាជីពលើពិភពលោកដែលធ្វើជារៀងរាល់ឆ្នាំ។

រូបភាពតំណាង

បញ្ជាក់ដែរថា ការលើកឡើងរបស់លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជានេះក្នុងកម្មវិធីសន្នីសីទសារព័ត៌មានកាលពីថ្ងៃទី២៣ ខែវិច្ឆិកា ឆ្នាំ២០២៥ ស្ដីការរៀបចំការប្រកួតគុនខ្មែរជើងឯកពិភពលោក លើកទី៦ នៅខេត្តព្រះសីហនុ៕

អត្ថបទដោយ៖ នូន ស៊ីណា

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា