ព័ត៌មានអន្ដរជាតិ
នាវាជប៉ុន និងចិន ប្រឈមមុខដាក់គ្នាសាជាថ្មីនៅតំបន់សេនកាគូ
នាវាជប៉ុន និងចិន បានប្រឈមមុខដាក់គ្នាសាជាថ្មីនៅក្បែរកោះសេនកាគូ (Senkaku) ដែលជាដែនដីមានជម្លោះ នាថ្ងៃអង្គារទី២ខែធ្នូឆ្នាំ២០២៥នេះ ចំពេលដែលភាពតានតឹងកាន់តែអាក្រក់ទៅៗ បន្ទាប់ពីការលើកឡើងថ្មីៗរបស់នាយករដ្ឋមន្ត្រីជប៉ុន លោកស្រី Sanae Takaichi ទាក់ទងនឹងកោះតៃវ៉ាន់។
យោងតាម Korea Times ឆ្មាំសមុទ្រជប៉ុនបាននិយាយថា នាវាល្បាតចិនចំនួន២គ្រឿងបានចូលក្នុងដែនទឹករបស់ខ្លួននៅជុំវិញកោះដែលគ្មានមនុស្សរស់នៅ ហើយបានចូលទៅជិតទូកនេសាទជប៉ុន មុននឹងត្រូវបាននាវាជប៉ុនដេញចេញ។ ឆ្មាំសមុទ្រជប៉ុនបានបន្ថែមថា នាវាចិនទាំងនោះបានចាកចេញពីដែនទឹក បន្ទាប់ពីរយៈពេលជាច្រើនម៉ោង ប៉ុន្តែនាវាផ្សេងទៀតនៅតែស្ថិតនៅក្នុងតំបន់នោះ។
ទីក្រុងតូក្យូបានថ្កោលទោសចំពោះការរំលោភបំពាននេះ ដោយលើកឡើងថា សកម្មភាពរបស់ចិន«បានរំលោភបំពានជាមូលដ្ឋានលើច្បាប់អន្តរជាតិ»។
ឆ្មាំសមុទ្រចិនបានចោទប្រកាន់ទូកនេសាទជប៉ុនថា «បានចូលដោយខុសច្បាប់» ទៅក្នុងដែនទឹកដែលទីក្រុងប៉េកាំងចាត់ទុកជាដែនទឹករបស់ខ្លួន ហើយបានអះអាងថា នាវារបស់ខ្លួនបានចាត់វិធានការ «ត្រួតពិនិត្យចាំបាច់» ដើម្បីដេញទូកនេសាទនោះចេញ។ ទីក្រុងប៉េកាំងហៅកោះនោះថា «Diaoyu»។
ការប្រឈមមុខដាក់គ្នាលើកនេះ បានកើតឡើងបន្ទាប់ពីឧបទ្ទវហេតុស្រដៀងគ្នាកាលពីថ្ងៃទី១៦ខែវិច្ឆិកា ភ្លាមៗបន្ទាប់ពីលោកស្រី Takaichi បានស្នើថា ប្រទេសជប៉ុនអាចនឹងធ្វើអន្តរាគមន៍ផ្នែកយោធា ប្រសិនបើចិនវាយប្រហារតៃវ៉ាន់ ដែលជាការលើកឡើងបង្កឲ្យមានការខឹងសម្បារពីទីក្រុងប៉េកាំង។
ប្រទេសចិនបានជំរុញពលរដ្ឋខ្លួនឲ្យចៀសវាងការធ្វើដំណើរទៅកាន់ប្រទេសជប៉ុន បានបញ្ឈប់ព្រឹត្តិការណ៍វប្បធម៌មួយចំនួន ហើយត្រូវបានគេរាយការណ៍ថាបានបន្តការហាមឃាត់លើអាហារសមុទ្ររបស់ជប៉ុន ទោះបីជាមកទល់ពេលនេះប្រទេសចិនមិនទាន់ចេញវិធានការសងសឹកផ្នែកសេដ្ឋកិច្ចទ្រង់ទ្រាយធំណាមួយក៏ដោយ។
ប្រជុំកោះដែលគ្មានមនុស្សរស់នៅទាំងនេះក្នុងសមុទ្រចិនខាងកើត គឺជាចំណុចក្តៅនៃជម្លោះកាន់ឆ្នាំរវាងជប៉ុន-ចិន ដែលទំនាក់ទំនងរបស់ពួកគេកាន់តែយ៉ាប់យ៉ឺនទៅៗលើបញ្ហាតៃវ៉ាន់ និងជម្លោះដែនសមុទ្រ៕
ប្រែសម្រួល៖ ឈាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ