នយោបាយ
រដ្ឋមន្ត្រីការបរទេសអាមេរិកជំរុញទៅថៃឱ្យត្រឡប់ទៅអនុវត្តកិច្ចព្រមព្រៀងសន្តិភាពឡើងវិញ
រដ្ឋមន្ត្រីការបរទេសអាមេរិកលោក Marco Rubio បានជំរុញទៅរដ្ឋមន្ត្រីការបរទេសថៃលោក Sihasak Phuangketkeow ឱ្យថៃធ្វើយ៉ាងណាកាត់បន្ថយភាពតានតឹងនៃជម្លោះព្រំដែនជាមួយកម្ពុជា និងងាកទៅអនុវត្តនកិច្ចព្រមព្រៀងសន្តិភាពឡើងវិញ។
ក្នុងសេចក្ដីប្រកាសព័ត៌មានថ្ងៃទី១៨ ខែធ្នូ ក្រសួងការបរទេសអាមេរិកបញ្ជាក់ថាក្នុងជំនួបតាមទូរស័ព្ទជាមួយភាគីថៃលោក Robio បានប្រាប់ពីការបារម្ភរបស់អាមេរិកចំពោះការបន្តអំពើហិង្សានៅតាមព្រំដែនកម្ពុជានិងបានសង្កត់ធ្ងន់ថា«ត្រូវកាត់បន្ថយភាពតានតឹងជាបន្ទាន់»។
មិនមានការបញ្ជាក់ពីការឆ្លើយតបយ៉ាងណាពីរដ្ឋមន្ត្រីការបរទេសថៃលោក Sihasak ទៅលោក Rubio នោះទេក្នុងសេចក្ដីថ្លែងការណ៍នេះខណៈនៅតាមបណ្ដាញសារព័ត៌មានថៃក៏ពុំបានលើកឡើងពីការជជែកគ្នានេះដែររហូតមកដល់រសៀលថ្ងៃទី១៩ ខែធ្នូនេះ។
ការនិយាយទូរស័ព្ទរវាងមនុស្សសំខាន់ទី២នៃរដ្ឋបាលអាមេរិកជាមួយរដ្ឋមន្ត្រីការបរទេសថៃនេះ កើតឡើងស្របពេលដែលចិនបានបញ្ជូនបេសកជនពិសេសទទួលបន្ទុកកិច្ចការអាស៊ី ឱ្យទៅបំពេញបេសកកម្មការទូតនៅកម្ពុជា និងថៃ ដើម្បីសម្របសម្រួលកាត់បន្ថយភាពតានតឹង និងឈានដល់ការអនុវត្តបទឈប់បាញ់ឡើងវិញ។
ជម្លោះព្រំដែនកម្ពុជា-ថៃ គឺជាអាទិភាពមួយរបស់លោកប្រធានាធិបតី ត្រាំ ក្នុងការដោះស្រាយ ខណៈសហរដ្ឋអាមេរិកជាម្ចាស់ហត្ថលេខីដ៏សំខាន់មួយនៃកិច្ចព្រមព្រៀងសន្តិភាពកម្ពុជា-ថៃ ថ្ងៃទី២៦ ខែតុលា កន្លងទៅ។ ក្នុងការប្រយុទ្ធគ្នាជាថ្មីរវាងកម្ពុជា-ថៃកាលពីដើមខែធ្នូនេះ លោក ត្រាំ បានប្រាប់អ្នកសារព័ត៌មានដោយទទួលស្គាល់ថាជម្លោះនេះពិបាកដោះស្រាយ តែលោកនឹងព្យាយាមធ្វើយ៉ាងណាឱ្យស្ថានភាពត្រលប់ទៅប្រសើរឡើងវិញ៕
អត្ថបទដោយ ហ៊ុន សិរីវឌ្ឍន៍
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ