កីឡា

កីឡាករ ធឿន ណាក់មុនី មានក្ដីស្រមៃធំក្នុងបាល់ទាត់ចង់ល្អដូចរៀមច្បង វីរៈ ដារ៉ា និងអ្នកចាំទី Neuer

បានផុស

៤ ខែ មុន

នៅ

ថ្ងៃពុធ ១៨ កុម្ភៈ ២០២៦

ដោយ

កីឡាករវ័យក្មេង ធឿន ណាក់មុនី មានក្ដីស្រមៃធំជាមួយកីឡាបាល់ទាត់នៅថ្ងៃអនាគត និងចង់មានឈ្មោះល្បីលេងបានល្អដូចរៀមច្បង វីរៈ ដារ៉ា និងស្រឡាញ់ចូលចិត្តកីឡាករ Manuel Neurer អ្នកចាំទីរបស់ប្រទេសអាល្លឺម៉ង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ធឿន ណាក់មុនី

អ្នកចាំទីរបស់ U15 ព្រះខ័នរាជ្យស្វាយរៀង ធឿន ណាក់មុនី បានឲ្យដឹងថា រូបគេស្រឡាញ់កីឡាបាល់ទាត់នេះខ្លាំង និងចង់ឲ្យមានឈ្មោះល្បីក្នុងវិស័យកីឡាមួយនេះ។ ក្ដីស្រមៃរបស់គេចង់លេងក្នុងក្រុមជម្រើសជាតិ និងចង់លេងឲ្យជម្រើសជាតិកម្ពុជាល្បីលើឆាកអន្តរជាតិ។

កីឡាករ ធឿន ណាក់មុនី និងក្រុម

ម្ចាស់ស្រោមដៃមាសក្នុងពានរង្វាន់ស្វាយរៀងខាប់រូបនេះបន្ថែមទៀតថា កីឡាករដែលខ្លួនស្រឡាញ់ និងតែងតែយកគំរូតាមនោះរៀមច្បង វីរៈ ដារ៉ា ព្រោះលេងល្អ និងទាត់បាល់បញ្ជូនឲ្យដៃគូបានច្បាស់។ ចំណែកនៅអ៊ឺរ៉ុបវិញគឺរូបគេស្រឡាញ់អ្នកចាំទី Manuel Neuer និងតែងតែរៀនយកបច្ចេកទេសតាម ដូចជាការលេងជើងច្រើន ការហ៊ានចេញខ្ពស់ពីទីតាំងអ្នកចាំទី។ ប៉ុន្តែរូបក៏មិនសូវហ៊ានចេញឆ្ងាយ ឬខ្ពស់ពេកដែរ ព្រោះខ្លាចភ្លាត់លោតចាប់បាល់អត់ដល់ (ភាសាអ្នកចាំទីហៅថាហែលទឹក)។

កីឡាករ ធឿន ណាក់មុនី ពេលជួយក្រុមឈ្នះពាន

បញ្ជាក់ដែរថា ធឿន ណាក់មុនី ជាកីឡាករយុវជនថ្នាល U15 របស់ក្រុមបាល់ទាត់ព្រះខ័នរាជ្យស្វាយរៀង។ រូបគេទើបតែចូលលេងបាល់ទើបតែ ២ឆ្នាំប៉ុណ្ណោះ។ យុវជនរូបនេះបានជាប់ជាកីឡាករចាំទីល្អជាងគេទទួលបានពានរង្វាន់ស្រោមដៃមាស និងបានជួយក្រុមឈ្នះពានរង្វាន់ស្វាយរៀងខាប់ លើកទី២ ឆ្នាំ២០២៦ នេះ៕

អត្ថបទដោយ៖ នួន ស៊ីណា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា