ព័ត៌មានអន្ដរជាតិ

អង់គ្លេសប្តេជ្ញាបង្កើនការគាំទ្រផ្នែកយោធា និងមនុស្សធម៌ ដល់អ៊ុយក្រែន ឲ្យរឹតតែខ្លាំង

បានផុស

៣ ខែ មុន

នៅ

ថ្ងៃអង្គារ ២៤ កុម្ភៈ ២០២៦

ដោយ

ក្នុងខួប៤ឆ្នាំនៃសង្គ្រាមរុស្ស៊ី-អ៊ុយក្រែន ចក្រភពអង់គ្លេសបានប្រកាសបង្កើនការគាំទ្រផ្នែកយោធានិងមនុស្សធម៌បន្ថែមទៀត ដល់អ៊ុយក្រែន។ ឆ្លៀតក្នុងឱកាសនេះ រដ្ឋាភិបាលទីក្រុងឡុងដ៍ ក៏ប្តេជ្ញាចិត្តផ្តល់ការការពារចំពោះអ៊ុយក្រែន ជាផ្នែកមួយនៃការធានាសន្តិសុខរបស់ចក្រភពអង់គ្លេសផងដែរ។

ទង់ចក្រភពអង់គ្លេសនិងអ៊ុយក្រែន។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមគេហទំព័ររដ្ឋាភិបាលអង់គ្លេស GOV.UK នៅថ្ងៃទី២៤ ខែកុម្ភៈឆ្នាំ២០២៦, ទីក្រុងឡុងដ៍បានប្រកាសពីការគាំទ្របន្ថែមដល់អ៊ុយក្រែន ខណៈនាយករដ្ឋមន្ត្រីបានកោះហៅឲ្យរៀបចំការប្រជុំកិច្ចសម្ព័ន្ធភាពជាមួយប្រធានាធិបតីបារាំង លោក Emmanuel Macron ។

លោក Keir Starmer នាយករដ្ឋមន្រ្តីអង់គ្លេសលើកឡើងថា៖ «ក្នុងខួបដ៏សោកសៅនេះ សាររបស់យើងទៅកាន់ប្រជាជនអ៊ុយក្រែនគឺសាមញ្ញ ចក្រភពអង់គ្លេសនៅជាមួយអ្នក រឹងមាំជាងពេលណាៗទាំងអស់។ នោះហើយជាមូលហេតុដែលយើងកំពុងប្រកាសពីការគាំទ្រជាថ្មីនៅថ្ងៃនេះ ហើយយើងនឹងបន្តគាំទ្រអ៊ុយក្រែនឲ្យបានយូរតាមដែលអាចធ្វើទៅបាន»។

លោកបន្តថា៖ «ទោះបីជាមានការរំខានក្នុងកិច្ចការពិភពលោកនាពេលបច្ចុប្បន្ននេះក៏ដោយ សង្គ្រាមនេះនៅតែជាបញ្ហាសំខាន់បំផុតនៃយុគសម័យរបស់យើង។ ចម្លើយរបស់យើងរួមគ្នាគឺច្បាស់លាស់ រុស្ស៊ីមិនឈ្នះសង្គ្រាមនេះទេ។ ពួកគេនឹងមិនឈ្នះសង្គ្រាមឡើយ។ ភាពក្លាហានរបស់អ៊ុយក្រែននៅតែបន្តរក្សាខ្សែបន្ទាត់ សម្រាប់តម្លៃរួមរបស់យើង នៅចំពោះការឈ្លានពានរបស់ពូទីន។ យើងនឹងឈរនៅខាងពួកគេ(អ៊ុយក្រែន) រហូតដល់មានសន្តិភាពយុត្តិធម៌ និងយូរអង្វែង ឬលើសពីនេះ! Slava Ukraini»៕

ប្រែសម្រួល៖ ណឺ មិនា