ព័ត៌មានអន្ដរជាតិ
រដ្ឋមន្ត្រីសង្គ្រាមអាមេរិកប្រកាសថា ខ្លួនឈ្នះអ៊ីរ៉ង់ ប៉ុន្តែការសម្រេចចិត្តស្ថិតលើ ត្រាំ
រដ្ឋមន្ត្រីការពារជាតិ ឬក៏ហៅថារដ្ឋមន្ត្រីសង្គ្រាមរបស់សហរដ្ឋអាមេរិក លោក Pete Hegseth ប្រកាសថា សហរដ្ឋអាមេរិកកំពុង «ឈ្នះ» ក្នុងការប្រយុទ្ធវាយប្រហារអ៊ីរ៉ង់ ប៉ុន្តែលោកបដិសេធមិនផ្តល់ពេលវេលាកំណត់ណាមួយ និងរបៀបថាតើ «សង្គ្រាមនោះនឹងបញ្ចប់ទៅដោយរបៀបណានោះទេ» ដោយសង្កត់ធ្ងន់ថា ការសម្រេចចិត្តទាំងអស់គឺអាស្រ័យលើប្រធានាធិបតី ដូណាល់ ត្រាំ។ នេះបើយោងតាមប្រភពព័ត៌មាននានា ចុះផ្សាយថ្ងៃទី១០ខែមីនា ឆ្នាំ២០២៦ ។
ប្រមុខមន្ទីរបញ្ចកោណ លោក Hegseth ប្រាប់អ្នកយកព័ត៌មានកាលពីថ្ងៃអង្គារថា សហរដ្ឋអាមេរិកកំពុងផ្តោតលើគោលបំណងសំខាន់ៗចំនួនបី រួមមានៈ ការបន្សាបសមត្ថភាពមីស៊ីលរបស់ទីក្រុងតេហេរ៉ង់ ការបំផ្លាញកងទ័ពជើងទឹក និង ការបំផ្លាញទីតាំងនិងកម្មវិធីអាវុធនុយក្លេអ៊ែររបស់អ៊ីរ៉ង់ជាអចិន្ត្រៃយ៍។
លោក Hegseth លើកឡើងថា៖«យើងនឹងមិនចុះចាញ់ឡើយរហូតដល់ កម្ចាត់ចោលសត្រូវបានទាំងស្រុង និងឈ្នះយ៉ាងដាច់ខាត។ យើងធ្វើតាមពេលវេលា និងតាមជម្រើសរបស់យើង។ ឧទាហរណ៍ថ្ងៃនេះនឹងក្លាយជាថ្ងៃវាយប្រហារដ៏ខ្លាំងក្លាបំផុតរបស់យើង នៅប្រទេសអ៊ីរ៉ង់ម្តងទៀតដែលមានយន្តហោះចម្បាំង យន្តហោះទម្លាក់គ្រាប់បែក ការវាយប្រហារច្រើនបំផុត»។
ទោះបីជាទីក្រុងវ៉ាស៊ីនតោន បានអះអាងម្តងហើយម្តងទៀតថា អ៊ីរ៉ង់កំពុងត្រូវបានកម្ចាត់ក៏ដោយ មន្រ្តីជាន់ខ្ពស់អ៊ីរ៉ង់សន្យាថានឹងបន្តប្រយុទ្ធប្រឆាំងតបតវិញដោយមិនញញើត និងរង់ចាំការប្រយុទ្ធនៅលើទឹកដីអ៊ីរ៉ង់ ពេលដែលសហរដ្ឋអាមេរិក និងអ៊ីស្រាអែលសម្រេចចិត្តបញ្ចួនកងទ័ពថ្មើជើងចូលលុកលុយនោះ។
យ៉ាងណាអ៊ីរ៉ង់តែងតែបដិសេធចំពោះការស្វែងរកអភិវឌ្ឍន៍កម្មវិធីអាវុធនុយក្លេអ៊ែរ ហើយអះអាងថាកម្មវិធីនុយក្លេអ៊ែររបស់ខ្លួន គឺ«សន្តិភាព»។
បន្ទាប់ពីការវាយប្រហាររបស់សហរដ្ឋអាមេរិកលើរោងចក្រនុយក្លេអ៊ែរសំខាន់ៗជាច្រើនរបស់អ៊ីរ៉ង់ក្នុងខែមិថុនា ឆ្នាំ២០២៥ លោក ដូណាល់ ត្រាំ អះអាងថា សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់ហើយ៕
ប្រែសម្រួល៖ ណឺ មិនា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ