ព័ត៌មានជាតិ

និស្សិតស្រីមកពីខេត្តសៀមរាប បន្តការសិក្សាដល់ខេត្តព្រះសីហនុ សិក្សាជំនាញវេជ្ជសាស្ត្រសត្វ អនាគតចង់បើកកសិដ្ឋានចិញ្ចឹមសត្វ

បានផុស

២ ខែ មុន

នៅ

ថ្ងៃអង្គារ ២១ មេសា ២០២៦

ដោយ

កញ្ញា ស៊ិប ឧស្សា បានជ្រើសរើសការសិក្សាជំនាញវិទ្យាសាស្រ្ត និងវេជ្ជសាស្រ្តសត្វ ដោយសារចំណង់ចំណូលចិត្តផ្ទាល់ខ្លួនដោយមិនមានការអូសទាញ ឬជំរុញពីមិត្តភ័ក្ដិនិងគ្រួសារឡើយ។ ការសិក្សាជំនាញនេះ ឧស្សា ទទួលបានចំណេះដឹងទាំងផ្នែកទ្រឹស្ដី និងការអនុវត្តផ្ទាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ស៊ិប ឧស្សា ដែលកំពុងសិក្សាជំនាញវេជ្ជសាស្រ្តសត្វនៅវិទ្យាស្ថានកសិកម្មក្រុមហ៊ុន ម៉ុង ឫទ្ធី នៅក្នុងខេត្តព្រះសីហនុបានអះអាងថា ការសិក្សានៅទីនេះមានគុណភាពអប់រំ មិនខុសពីសាលានៅក្នុងទីក្រុងនោះទេ។ ជាក់ស្ដែង ការសិក្សាតម្រូវឲ្យសិស្សត្រូវចុះកម្មសិក្សារយៈពេល ២ ខែពេញនៅតាមកសិដ្ឋាន ដោយសាលាមិនទុកឲ្យសិស្សនៅទំនេរឡើយ។

ឧស្សា បានបង្ហើបពីកម្មវិធីសិក្សាជំនាញវេជ្ជសាស្រ្តសត្វ គឺផ្ដោតទៅលើសត្វចម្រុះទាំងសត្វតូចៗដូចជា មាន់ ទា សត្វទំពាអៀងដូចជា ចៀម ពពែ និងសត្វធំៗដូចជា គោ ជ្រូក ដោយមិនផ្ដោតតែទៅលើសត្វណាមួយឡើយ។

«ជំនាញនេះសិក្សាអំពីស្ថានភាពរស់នៅរបស់សត្វ និងជំងឺផ្សេងៗ។ លើសពីនេះថែមទាំងត្រូវធ្វើការវះកាត់សត្វផ្ទាល់ ដើម្បីពិនិត្យមើលសរីរាង្គខាងក្នុង។ ឧទាហរណ៍ការពិនិត្យមើលពោះវៀនថាតើមានការរលាក ឬប៉ោងមានខ្យល់ ដើម្បីសន្និដ្ឋានរោគសញ្ញានៃជំងឺដូចជាជំងឺអ៊ីកូឡា ដោយផ្អែកលើទ្រឹស្ដីដែលបានរៀន»។

ក្រោយពេលបញ្ចប់ការសិក្សា ឧស្សាអាចយកចំណេះដឹងទៅជួយខ្លួនឯង និងជួយសង្គម តាមរយៈការផ្សព្វផ្សាយដល់ប្រជាជនពីការថែទាំនិងការទប់ស្កាត់ការរាតត្បាតជំងឺសត្វផ្សេងៗ ដូចជាជំងឺផ្ដាសាយបក្សីជាដើម។ ម្យ៉ាងវិញទៀត ថ្ងៃក្រោយបើសិនមានលទ្ធភាពអាចបើកកសិដ្ឋានចិញ្ចឹមសត្វដោយខ្លួនឯងក៏មានភាពងាយស្រួល ដោយសារកញ្ញាបានយល់ដឹងច្បាស់ច្រើនពីប្រភេទជំងឺរបស់សត្វទាំងការសិក្សាទ្រឹស្តី និងការចុះអនុវត្តជាក់ស្តែង។

ពាក់ព័ន្ធការសិក្សាជំនាញវេជ្ជសាស្ត្រសត្វនេះដែរ ឧស្សា លើកទឹកចិត្តដល់សិស្សដែលទើបបញ្ចប់ថ្នាក់ទី ១២ អាចជ្រើសរើសការសិក្សានៅវិទ្យាស្ថានកសិកម្មឧកញ៉ា ម៉ុង ឫទ្ធី ដោយសារសាលាមានកសិដ្ឋាននិងសត្វសម្រាប់ឲ្យអនុវត្តស្រាប់ និងមានការផ្តល់អាហារូបករណ៍ ឱកាសការងារធ្វើ ការសិក្សាទ្រឹស្ដីពេញលេញ និងការចុះកម្មសិក្សាអនុវត្តវះកាត់ជាក់ស្តែងដែលអាចស្វែងយល់ពីជំងឺសត្វដោយផ្ទាល់៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា