ព័ត៌មានអន្ដរជាតិ
លោក ត្រាំ ជួបវិបត្តិបះបោរផ្ទៃក្នុងបក្ស ព្រោះតែសមាជិកសភាបក្សសាធារណរដ្ឋខ្លះលែងទុកចិត្ត
សភាតំណាងរាស្ត្រអាមេរិក កាលពីថ្ងៃពុធ ទី៣ ខែមិថុនា បានបោះឆ្នោតគាំទ្រសេចក្តីសម្រេចចិត្តមួយដែលផ្តូចផ្តើមដោយបក្សប្រជាធិបតេយ្យ ឈានទៅបញ្ឈប់សង្គ្រាមជាមួយអ៊ីរ៉ង់ ដែលអំណាចប្រធានាធិបតីត្រូវដើរតាមអំណាចសភា។ ការសម្រេចចិត្តនេះឆ្លុះបញ្ចាំងពីការព្រួយបារម្ភកាន់តែខ្លាំងឡើងនៅក្នុងសភាតំណាងរាស្រ្ត ជុំវិញបញ្ហាសង្គ្រាមនៅអ៊ីរ៉ង់ សូម្បីតែក្នុងចំណោមសមាជិកសភាមកពីបក្សសាធារណរដ្ឋរបស់ប្រធានាធិបតី ដូណាល់ ត្រាំ ខ្លួនឯងក៏បានងាកទៅគាំទ្រដំណោះស្រាយនោះដែរ។
យោងសារព័ត៌មាន Reuters សភាតំណាងរាស្ត្របានអនុម័តសេចក្តីសម្រេចចិត្តនេះ ក្នុងសំឡេងគាំទ្រ ២១៥ ទល់នឹង ២០៨ សំឡេង ដោយក្នុងនោះមានសមាជិកបក្សសាធារណរដ្ឋចំនួន ៤ រូប បានចូលរួមបោះឆ្នោតគាំទ្រជាមួយបក្សប្រជាធិបតេយ្យលើច្បាប់ស្តីពីអំណាចសង្គ្រាមនេះ។ ច្បាប់នេះបានបង្គាប់ឲ្យលោក ត្រាំ ដកកងទ័ពអាមេរិកចេញពីអ៊ីរ៉ង់ លើកលែងតែសភាប្រកាសសង្គ្រាម ឬអនុញ្ញាតឲ្យប្រើប្រាស់កម្លាំងយោធាជាផ្លូវការ។ ព្រឹត្តិការណ៍នេះគឺជាការខកចិត្តចុងក្រោយបង្អស់សម្រាប់លោក ត្រាំ នៅក្នុងសភា ទោះបីជាគណបក្សរបស់លោកមានសំឡេងភាគច្រើនតិចតួចនៅក្នុងសភាទាំងពីរថ្នាក់ក៏ដោយ។
ទោះជាយ៉ាងណា ការបោះឆ្នោតនេះភាគច្រើនគ្រាន់តែជានិមិត្តរូបប៉ុណ្ណោះ។ ដើម្បីឲ្យមានប្រសិទ្ធភាពអនុវត្តជាផ្លូវការ សេចក្តីសម្រេចចិត្តណាមួយត្រូវតែឆ្លងកាត់ការអនុម័តពីព្រឹទ្ធសភាមួយដំណាក់កាលទៀត ហើយចាំបាច់ត្រូវទទួលបានសំឡេងគាំទ្ររហូតដល់ទៅពីរភាគបីនៅក្នុងសភាទាំងពីរ ដើម្បីអាចលុបចោលអំណាចវេតូ (អំណាចបដិសេធ) របស់លោក ត្រាំ ដែលស្ទើរតែប្រាកដជានឹងកើតមាន។
ទោះជាយ៉ាងនេះក្តី ការអនុម័តនេះបានកើតឡើងបន្ទាប់ពីសេចក្តីសម្រេចចិត្តស្តីពីអំណាចសង្គ្រាមចំនួន ៣ លើកមុនៗ បានបរាជ័យនៅក្នុងសភាតំណាងរាស្ត្រ ក្នុងសំឡេងដេញដោលគ្នាកាន់តែកៀកកិតបំផុត។ លើសពីនេះ ព្រឹទ្ធសភាក៏បានរុញសេចក្តីសម្រេចចិត្តដាច់ដោយឡែកមួយ ប៉ុន្តែមានខ្លឹមសារស្រដៀងគ្នានេះ ទៅមុខមួយជំហានកាលពីខែមុន នៅក្នុងការបោះឆ្នោតតាមនីតិវិធី បន្ទាប់ពីការប៉ុនប៉ងចំនួន ៧ លើកមុន បានបរាជ័យ។
គួរបញ្ជាក់ថា នៅផ្ទៃក្នុងអាមេរិក លោក ដូណាល់ ត្រាំ កំពុងរងការវាយប្រហារនយោបាយយ៉ាងខ្លាំង ក្រោយសភាបោះឆ្នោតរួមដៃគ្នាអនុម័តច្បាប់រឹតត្បិតអំណាចសង្គ្រាមដើម្បីបញ្ចប់សង្គ្រាមអ៊ីរ៉ង់។ លើសពីនេះ រដ្ឋបាល ត្រាំ ត្រូវបានបង្ខំឲ្យបោះបង់ចោលមូលនិធិ «អាវុធភាវូបនីយកម្ម» ក្នុងទំហំទឹកប្រាក់ ១,៨ ពាន់លានដុល្លារ ក្រោយរងការបះបោរពីសមាជិកបក្សខ្លួនឯង និងរងការរិះគន់ខ្លាំងជុំវិញការតែងតាំងលោក Bill Pulte ជាស្តីទីប្រធានទីភ្នាក់ងារស៊ើបការណ៍សម្ងាត់ជាតិ (DNI) ដែលគ្មានបទពិសោធន៍សន្តិសុខសោះ៕
អត្ថបទ ៖ សាង ស្រីល័ក្ខ
យោធាអ៊ីរ៉ង់ ថា ខ្លួនមិនទាន់បញ្ចេញ «សន្លឹកបៀឈ្នះ» អស់ទេ និងត្រៀមខ្លួនសម្រាប់សង្គ្រាមជានិច្ច
-
ព័ត៌មានជាតិ៦ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៦ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៦ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៧ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម៥ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ១ សប្តាហ៍ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច២ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ