តារាសម្តែង ង៉ែត សុវណ្ណលីតា ចេញមុខបដិសេធ និងដាក់បណ្តឹងរួចរាល់ ក្រោយផេកមួយចោទខ្លួនពាក់ព័ន្ធរឿងកម្ចី

តារាសម្តែងជើងចាស់ ង៉ែត សុវណ្ណលីតា ថ្មីៗនេះបានចេញមុខបដិសេធយ៉ាងដាច់អហង្ការ បន្ទាប់ពីមានផេកមួយគឺ បានយកឈ្មោះខ្លួន និងស្វាមីទៅបង្ហោះ រួចចោទប្រកាន់ថាជាជនបោកប្រាស់លុយមិនសង។

តារាសម្តែងជើងចាស់អ្នកនាង ង៉ែត សុវណ្ណលីតា បានបញ្ជាក់ថា រវាងអ្នកនាងនិងស្វាមីកន្លងមកមិនដែលធ្លាប់ពាក់ព័ន្ធការកម្ចីនេះ ខណ:បន្ទាប់ពីកើតមានរឿងរ៉ាវខាងលើនេះ អ្នកនាងបានទៅដាក់ពាក្យប្តឹងរួចរាល់ហើយ ដើម្បីឱ្យច្បាប់មានវិធានការលើក្រុមជនអនាមិកទាំងនោះ។

តារាសម្តែងអ្នកនាង ង៉ែត សុវណ្ណលីតា បានប្រកាសជាសាធារណថា ខ្លួន និងស្ត្រី ដែលគណនីឈ្មោះ Raj Bahtta ចោទថាបានពាក់ពន្ធ័នឹងកម្ចីរបស់ស្ត្រីរូបនោះ មិនជាប់ពាក់ព័ន្ធនឹងគ្នាឡើយ និងសង្កត់ធ្ងន់ថា បើអ្នកនោះខ្ចីលុយ ត្រូវទៅទារលុយពីគេ ខណៈអ្នកនាង និងស្វាមី មិនបានដឹងរឿងបុគ្គលនោះទៅខ្ចីលុយអនឡាញអី្វអស់ហ្នឹងឡើយ​។ តារាសម្តែងរូបនេះ សង្កត់ធ្ងន់ទៀតថា “ខ្ញុំ​និងបងប្អូនខ្ញុំទាំងអស់​ មិនដឹងរឿងទាំងអស់នេះ​ សូមកុំយករូកថតគ្រួសារខ្ញុំទៅពាក់ព័ន្ធឱ្យសោះ”។

តារាសម្តែងជើងចាស់អ្នកនាង ង៉ែត សុវណ្ណលីតា បានឱ្យដឹងបន្ថែមទៀតថាអ្នកនាងនិងស្វាម៉ីបានដាក់ពា ក្យបណ្ដឹងរួចហេីយៗទៅលេីជនអនាមិកដែលខ្លួនមិ នដែលស្គាល់សោះ​មកបង្ខូចកេរ្ត៍ឈ្មោះគ្រួសាររបស់អ្នកនាងនាពេលនេះ។ តាមរយ:នេះដែរក៏មានមតិមួ យចំនួនបានបង្ហាញការហួសចិត្តនិងស្នើឱ្យមានការប្រុងប្រយ័ត្នខ្ពស់មិនថាអ្នកសិល្ប:ឬអ្នកគាំទ្រនោះទេ ៕ដោយ: ចាន់រ៉ា