ព័ត៌មានអន្ដរជាតិ

មកដឹងពីសមត្ថភាពមីស៊ីល Iskander-M របស់រុស្ស៊ី និងប្រើវាយប្រហារគោលដៅណាខ្លះ

បានផុស

៣ ថ្ងៃ មុន

នៅ

ថ្ងៃសុក្រ ៥ មិថុនា ២០២៦

ដោយ

មីស៊ីល Iskander-M របស់រុស្ស៊ី គឺជាមីស៊ីលបាលីស្ទិករយៈចម្ងាយខ្លី តែមានប្រសិទ្ធភាពខ្ពស់ មានតម្លៃជិត ៣លានដុល្លារក្នុងមួយដើម។ មីស៊ីលនេះប្រើប្រាស់គន្លងក្នុងរយៈចម្ងាយឆ្ងាយ (ប៉ាលីស្ទិក) ការធ្វើជាសមយុទ្ធកណ្តាលអាកាស និងវិធានការប្រឆាំងការបំភាន់ភ្ជាប់មកជាមួយ។

យោងតាមសារព័ត៌មាន The Guardain លក្ខណៈពិសេសរបស់វា ធ្វើឱ្យពិបាកដល់ប្រព័ន្ធការពារដែនអាកាសរបស់លោកខាងលិចក្នុងការស្ទាក់ចាប់។ ក្នុងការវាយប្រហារជាបន្តបន្ទាប់ រុស្ស៊ីតែងតែប្រើប្រាស់មីស៊ីលនេះ រួមជាមួយយន្តហោះគ្មានមនុស្សបើករាប់រយគ្រឿងដើម្បីវាយប្រហារអ៊ុយក្រែន។

មីស៊ីល Iskander-M របស់រុស្ស៊ី ។ រូបភាព៖ The National interest

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

+ កត្តាមួយចំនួនដែលធ្វើឱ្យមីស៊ីលនេះមានប្រសិទ្ធភាពខ្ពស់ក្នុងការវាយប្រហារទៅភាគីសត្រូវ៖

១. អត្រាស្ទាក់ចាប់ទាប៖ សមត្ថភាពរបស់អ៊ុយក្រែនក្នុងការស្ទាក់ចាប់មីស៊ីល Iskander របស់រុស្ស៊ី បានប្រែប្រួលគួរឱ្យកត់សម្គាល់ ដោយសារតែកង្វះខាតឧបករណ៍ស្ទាក់ចាប់ និងគំរូហោះហើរមីស៊ីលរបស់រុស្ស៊ី។ ក្នុងរយៈពេលជាក់លាក់មួយចំនួន អត្រាស្ទាក់ចាប់បានធ្លាក់ចុះទាបដល់ ៦% ទៅ ១៥% ដែលអនុញ្ញាតឱ្យមីស៊ីលជ្រៀតចូលដល់ប្រព័ន្ធការពារ និងវាយប្រហារដល់គោលដៅដែលបានកំណត់។

២. ការកំណត់គោលដៅខ្ពស់៖ រុស្ស៊ីតែងតែប្រើប្រាស់មីស៊ីល Iskander ដើម្បីវាយប្រហារហេដ្ឋារចនាសម្ព័ន្ធយោធាដ៏រឹងមាំ និងបុគ្គលិកជាន់ខ្ពស់របស់ភាគីអ៊ុយក្រែន។ មីស៊ីលនេះត្រូវបានប្រើប្រាស់យ៉ាងមានប្រសិទ្ធភាពដើម្បីវាយប្រហារនិងបំផ្លាញឧបករណ៍សំខាន់ៗ ដែលផ្គត់ផ្គង់ដោយលោកខាងលិច ដូចជាប្រព័ន្ធបាញ់មីស៊ីល HIMARS និងប្រព័ន្ធការពារដែនអាកាស MIM-104 Patriot របស់សហរដ្ឋអាមេរិក។

៣. ការពឹងផ្អែកលើសមាសធាតុ៖ ខណៈប្រព័ន្ធមីស៊ីលមានការបំផ្លិចបំផ្លាញខ្ពស់ វាពឹងផ្អែកយ៉ាងខ្លាំងទៅលើមីក្រូអេឡិចត្រូនិចដែលនាំចូល។

របាយការណ៍ពីរដ្ឋាភិបាលអ៊ុយក្រែនបង្ហាញថា ការវាយប្រហារដោយមីស៊ីល Iskander តែមួយ អាចមានសមាសធាតុបរទេសរាប់រយ (ឧទាហរណ៍ មីស៊ីល Iskander ចំនួន ៣៣គ្រាប់មានសមាសធាតុជាក់លាក់ចំនួន១១២២) វាបង្ហាញពីការពឹងផ្អែករបស់រុស្ស៊ីលើខ្សែសង្វាក់ផ្គត់ផ្គង់សកល ដើម្បីរក្សាការផលិតមីស៊ីលរបស់ខ្លួន៕

សម្រួល៖ ណឺ មិនា

Related Topics:រុស្ស៊ី អ៊ុយក្រែន

ព័ត៌មានអន្ដរជាតិ២០ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា