ព័ត៌មានអន្ដរជាតិ
ចិន ជំរុញឱ្យអាមេរិក-អ៊ីស្រាអែល និងអ៊ីរ៉ង់ឈប់បាញ់គ្នា ងាកទៅអនុវត្តបទឈប់បាញ់វិញ
ប្រទេសចិន បានសម្តែងការព្រួយបារម្ភយ៉ាងខ្លាំងជាថ្មី លើភាពតានតឹងកាន់តែខ្លាំងឡើងនៅមជ្ឈិមបូព៌ានៅថ្ងៃចន្ទនេះ ដោយជំរុញឱ្យភាគីទាំងអស់ប្តេជ្ញាចិត្ត ចំពោះបទឈប់បាញ់បច្ចុប្បន្ន។
អ្នកនាំពាក្យក្រសួងការបរទេសចិន លោក Lin Jian ប្រាប់សន្និសីទសារព័ត៌មានមួយនៅទីក្រុងប៉េកាំងថា ទីក្រុងប៉េកាំងមានការព្រួយបារម្ភយ៉ាងខ្លាំង ចំពោះស្ថានភាពនៅមជ្ឈិមបូព៌ាបច្ចុប្បន្ន ថែមទាំងសង្កត់ធ្ងន់ថា ការប្រយុទ្ធគ្នាឡើងវិញ មិនបានបម្រើផលប្រយោជន៍របស់ភាគីណាមួយឡើយ។ នេះបើយោងតាមភ្នាក់ងារសារព័ត៌មានតួកគី Anadolu ផ្សាយថ្ងៃទី៨ ខែមិថុនា ឆ្នាំ២០២៦ ។
លោកនិយាយថា៖ « យើងសង្ឃឹមថាភាគីពាក់ព័ន្ធគោរពការប្តេជ្ញាចិត្តរបស់ពួកគេ ចំពោះបទឈប់បាញ់ រក្សាសន្ទុះនៃការចរចា និងបន្តប្តេជ្ញាចិត្តក្នុងការដោះស្រាយជម្លោះតាមរយៈបណ្តាញការទូត នយោបាយ បង្កើតលក្ខខណ្ឌចាំបាច់សម្រាប់ការស្តារសន្តិភាព ស្ថិរភាពក្នុងតំបន់នៅមជ្ឈិមបូព៌ា និងតំបន់ឈូងសមុទ្រ»។
ការកត់សម្គាល់របស់ លោក Lin កើតឡើង បន្ទាប់ពីអ៊ីរ៉ង់បានបាញ់មីស៊ីលជាច្រើនគ្រាប់ឆ្ពោះទៅភាគខាងជើងអ៊ីស្រាអែល នៅយប់ថ្ងៃអាទិត្យ បន្ទាប់ពីអ៊ីស្រាអែលវាយប្រហារតាមអាកាសលើតំបន់ជាយក្រុងភាគខាងត្បូងនៃទីក្រុង Beirut ប្រទេសលីបង់ ដែលទីក្រុង Tel Aviv អះអាងថាបានកំណត់គោលដៅមជ្ឈមណ្ឌលបញ្ជាការ និងផែនការរបស់ក្រុម Hezbollah ។
ដោយឡែក ស្ថានទូតឥណ្ឌាប្រចាំទីក្រុងតេហេរ៉ង់ ជំរុញឱ្យជនជាតិឥណ្ឌាទាំងអស់ជៀសវាងការធ្វើដំណើរទៅកាន់ប្រទេសអ៊ីរ៉ង់ និងណែនាំអ្នកកំពុងស្នាក់នៅប្រទេសនេះឱ្យចាកចេញបន្ទាន់។ នេះបើយោងតាមការណែនាំមួយ។
ចំណែក ស្ថានទូតចិនប្រចាំអ៊ីស្រាអែលក៏បានជំរុញឱ្យពលរដ្ឋចិនប្រុងប្រយ័ត្ន អនុវត្តតាមការណែនាំជាផ្លូវការ ជៀសវាងទៅកន្លែងដែលងាយរងគ្រោះ កំណត់ការធ្វើដំណើរមិនចាំបាច់ និងស្វែងរកកន្លែងជ្រកកោនភ្លាមៗ នៅពេលមានសំឡេងស៊ីរ៉ែនវាយប្រហារតាមអាកាស ឬការជូនដំណឹងឱ្យចាកចេញ៕
សម្រួល៖ ណឺ មិនា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម