ជប៉ុន ដល់ដំណាក់កាលមានអ្នកជំងឺកូវីដស្លាប់នៅផ្ទះ

ប៉ូលិសជប៉ុននិយាយថា យ៉ាងហោចណាស់មនុស្ស ៥០០ នាក់ដែលឆ្លងជំងឺកូវីដ ១៩ បានស្លាប់នៅឯផ្ទះ និងកន្លែងផ្សេងទៀត ក្រៅពីមន្ទីរពេទ្យនៅទូទាំងប្រទេស បន្ទាប់ពីស្ថានភាពរបស់ពួកគេ កាន់តែអាក្រក់ទៅៗ ។

ទីភ្នាក់ងារប៉ូលិសជាតិបាននិយាយថា ការស្លាប់នេះបានកើតឡើង ចន្លោះខែមីនាឆ្នាំមុន និងខែឧសភាឆ្នាំនេះ ។

កាលពីខែមុន មានអ្នកស្លាប់បែបនេះចំនួន ៩៧ នាក់នៅតាមផ្ទះ និងកន្លែងផ្សេងទៀត ដែលជាចំនួនកើនឡើងពីខែមេសា និងជាចំនួនខ្ពស់បំផុតប្រចាំខែទី ២ ។ ក្នុងចំណោមពួកគេ ៧៣ នាក់ ឬប្រហែល ៧៥ ភាគរយ មានអាយុលើសពី ៦០ ឆ្នាំ ។

ក្រុមមន្រ្តីបាននិយាយថា ប៉ុន្តែក្នុងករណីឆ្លងខ្លះត្រូវបានបញ្ជាក់ បន្ទាប់ពីការស្លាប់របស់ពួកគេ ដោយសារតែអ្នកស្នាក់នៅផ្ទះ ភាគច្រើនជាចាស់ជរា និងមិនអាចទទួលការព្យាបាលទាន់ពេលវេលា ។

ក្រុមអ្នកជំនាញកំពុងអំពាវនាវឲ្យប្រជាជន ស្វែងរកជំនួយពីស្ថាប័នវេជ្ជសាស្ត្រ ឬអាជ្ញាធរមូលដ្ឋាន ប្រសិនបើពួកគេមានអារម្មណ៍ថា មានបញ្ហាអ្វីមួយ ចំពោះសុខភាពរបស់ពួកគេ ។

គួរបញ្ជាក់ថា គិតត្រឹមពេលនេះ ប្រទេសជប៉ុន មានករណីឆ្លងជំងឺកូវីដ ១៩ សរុប ៧៦៥,៦១៩ ករណី និងមានអ្នកស្លាប់ចំនួន ១៣,៧៤៣ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ វៀតណាម ញាប់ដៃញាប់ជើងរកជំនួយវ៉ាក់សាំងការពារកូវីដពី ជប៉ុន

ចុចអាន ៖ ជប៉ុន ​ផ្តល់​វ៉ាក់​សាំង​ AZ​ ១.២៤ ​លាន​ដូស​ឥត​គិត​ថ្លៃ​ដល់​តៃវ៉ាន់​